Декабрӗн 11-мӗшӗнче районти культура ҫуртӗнче «Единая Россия» партин вырӑнти уйрӑмӗн черетлӗ XXXV конференцийӗ иртрӗ. Конференцие округ пуҫлӑхӗ, «Единая Россия» партин вырӑнти уйрӑмӑн секретарӗ Николай Раськин, ЧР Патшалӑх Канашӗн депутачӗ Юрий Попов, округри депутатсен Пухӑвӗн председателӗ Светлана Грачева, депутатсем, территори уйрӑмӗсен начальникӗсем, парти членӗсем хутшӑнчӗҫ.
Маттур та пуҫаруллӑ депутатсене, партин вырӑнти уйрӑмӗн членӗсене «Единая Россия» партин регионти уйрӑмӗн секретарӗн Леонид Черкесовӑн Тав хучӗсемпе чысларӗҫ.
Пурте пӗрле пухӑнса «Единая Россия» партин регионта иртекен XXXV конференцине хутшӑнакансен делегацине суйларӗҫ. Унта округ пуҫлӑхӗ Николай Раськин, округри депутатсен Пухӑвӗн председателӗ Светлана Грачева, Сергей Катиков депутат хутшӑнӗҫ.
«Единая Россия» партин вырӑнти уйрӑмӗн секретарӗ Николай Раськин 2025 ҫулта округра пурнӑҫланӑ ӗҫсемпе, проектсене ӗҫе кӗртнипе тӗплӗн паллаштарчӗ. Комсомольски тӑрӑхӗнче пурӑнакансем тунӑ ӗҫсем ҫинче чарӑнса тӑмаҫҫӗ, вӗсем малалла ӑнтӑлаҫҫӗ. Хамӑр пурӑнакан вырӑн хӑтлӑланни, ҫӗнӗ объектсем хута кайни — парти проекчӗсемпе пурнӑҫланнӑскерсем.
Алевтина Антонова.