Чӑваш ене туризма аталантарма 143 миллион тенкӗ субсиди уйӑрнӑ. Вӑл укҫа-тенкӗрен 60 миллионне «Неизведанная Чувашия% вся республика из окна автомобиля» турмаршрутӑн инфраструктурине аталантарма ярӗҫ. Кемпингсемпе кемпингстоянкӑсем тума, туристсене кӗтсе илсе пурӑнма кирлӗ оборудованисем туянма, информцентрсене тирпей-илем кӗртме, санитари модулӗсем тума, инклюзивлӑ турмаршрутсем йӗркелеме усӑ курӗҫ. Юлнӑ 83 миллион тенки «Туризм тата тараватлӑх» наци проекчӗн бизнес пуҫарӑвӗсене пулӑшма кайӗ.
Республикӑра туризма аталантарас енӗпе ку пысӑк пулӑшу. Апла пулсан ку енӗпе ӗҫсем лайӑхланӗҫ, пирӗн тӑрӑха курма килекенсем те йышланӗҫ.