Сентябрӗн 12-мӗшне халӑх календарӗнче Александр кунӗ тесе палӑртнӑ. Православи тӗнне ӗненекенсем ҫак кун Александр Невский полководеца асӑнса кӗлӗ тӑваҫҫӗ, ҫар ӗҫӗнче тӑрӑшакансене вилӗмрен сыхлама ыйтаҫҫӗ.
Ҫак кун Комсомольскинчи «Вознесения Господня» чиркӗвӗнче те халӑх ятарлӑ ҫар операцине хутшӑнакансемшӗн кӗлӗ тума пуҫтарӑннӑ. Сергий Скворцов, Леонтий Акчурин, Олег Андреев иерейсем, Георгий Левшин протоиерей молебенсем ирттернӗ. Унтан пурте пӗрле Хӗреслӗ ҫӳреве тухнӑ.
Асӑннӑ Хӗреслӗ ҫулҫӳреве Канашра пурӑнакан Евгений Козлов сентябрӗн 7-мӗшӗнче тухнӑ. Вӑл республикӑри 22 хулана тата ялсемпе саласене ҫитесшӗн.