Йӑлана кӗнӗ тӑрӑх, июлӗн юлашки вырсарни кунӗнче эпир Тинӗс-ҫар флочӗн кунне уявлатпӑр. Кӑҫал ку уяв июлӗн 28-мӗшне лекрӗ.
Ҫак кун тинӗс-ҫар флочӗнче службӑра тӑнисем Комсомольскинчи кану паркне уява пуҫтарӑннӑ. ,нерхи моряксем ялавсем тытса строя тӑнӑ, моряксене асӑнса лартнӑ палӑк патне чечексем хунӑ.
Округ пуҫлӑхӗ Николай Раськин уява пуҫтарӑннисене ӑшшӑн саламланӑ, тинӗс-ҫар флочӗнче службӑра тӑракансем яланах хӑйсен Тӑван ҫӗршыв умӗнчи тивӗҫне чыслӑн пурнӑҫланипе палӑрса тӑни ҫинчен каланӑ, ырлӑх-сывлӑх суннӑ. Вӑл ҫитӗнекен ӑрӑвӑн патриотизмла воспитанине пысӑк тӳпе хывакансене «Комсомольски округне туса хунӑранпа 85 ҫул» юбилей медалӗпе наградӑланӑ, Тав хучӗсем панӑ.
Мероприятие Комсомольски 1-мӗш вӑтам шкулӗн кадечӗсем те хутшӑннӑ. Вӗсем те пуҫтарӑннисене уявпа саламланӑ.
(ХАМӐР ИНФ.).