Округра ҫурхи ака-суха ӗҫӗсем вӗҫленсе пыраҫҫӗ. Ҫӗрӗҫченӗсем кашни кунпа туллин усӑ курма тӑрӑшаҫҫӗ.
Майӑн 30-мӗшӗ тӗлне ял хуҫалӑх предприятийӗсем 9654 гектар ҫине пӗрчӗллӗ тата пӑрҫа йышши тырӑсем акнӑ. Вӑл шутран 3411 гектар ҫурхи тулӑ, 4743 гектар урпа, 1134 гектар сӗлӗ, 366 гектар пӑрҫа йышши культурӑсем йышӑнаҫҫӗ.
Пилӗк хуҫалӑхра 450 гектар ҫӗрулми лартнӑ. Куккурус акасси те вӗҫленсе пырать. Хальлӗхе ку ӗҫе 1288 гектар ҫинче пурнӑҫланӑ.
Округри ял хуҫалӑх предприятийӗсем кӑҫал рапс (1057 гектар акнӑ), хӗвелҫаврӑнӑшӗ (340 гектар акнӑ) тата тӗрлӗ йышши пахча-ҫимӗҫ туса илес тӗллевлӗ.
Хуҫалӑхсенче ӳсен-тӑрана ҫумкурӑкран, чир-чӗртен, сиенлӗ хурт-кӑпшанкӑран хӳтӗлес енӗпе агротехника ӗҫӗсем пыраҫҫӗ.
Ҫӗр ӗҫченне хавхаланупа ӗҫлеме ҫанталӑкӗ те пулӑшса пытӑрччӗ.
Минзаит Зайнуллин,
ял хуҫалӑх тата экологи пайӗн начальникӗн ӗҫӗсене тӑваканӗ.