Нумаях пулмасть республикӑра «Черчен чечексем» ача-пӑча пултарулӑх конкурсне пӗтӗмлетнӗ. Пирӗн округри пултарулӑх коллективӗсем призерсен шутне кӗнӗ.
«Вокал» номинацире ача-пӑча искусство шкулӗн Аслӑ Чурачӑкри структура подразделенийӗнче вӗренекен Варвара Николаева (ертӳҫи Татьяна Макарова) — 2-мӗш степеньлӗ лауреат, Нӗркеҫри структура подразделенийӗнче вӗренекен Юлия Сапожникова (ертӳҫи Тамара Сапожникова) — 1-мӗш степеньлӗ лауреат, Аслӑ Чурачӑкри структура подразделенийӗнче ӑс пухакан Виктория Кириллова (ертӳҫи Татьяна Макарова) 3-мӗш степеньлӗ лауреат пулса тӑнӑ.
«Хореографи» номинацире «Островок» ташӑ ансамблӗн 12-16 ҫулсенчи тата 7-11 ҫулсенчи ушкӑнӗсем (ертӳҫи Татьяна Иванова) 1-мӗш вырӑна тивӗҫнӗ.
«Инструменталлӑ пултарулӑх» номинацире «Гурей» курай калакансен ансамблӗ (ертӳҫи Ильнар Хисамов) 3-мӗш вырӑна тухнӑ. Камиль Кафизов (ертӳҫи Любовь Петрова) 2-мӗш степеньлӗ дипломант пулса тӑнӑ.
«Халӑх пултарулӑхӗ» номинацире Аслӑ Чурачӑкри «Тевет» ача-пӑча фольклор ансамблӗ (ертӳҫи Татьяна Макарова, концертмейстерӗ Сергей Просвирнов) 3-мӗш вырӑна тивӗҫнӗ.
«Художество сӑмахӗ» номинацире Аслӑ Чурачӑкри культура ҫурчӗн пултарулӑх ӗҫне хутшӑнакан Варвара Николаева ҫӗнтерӳҫӗ пулса тӑнӑ.
«Декораципе ӗҫлев искусстви» номинацинче те ҫӗнтерӳҫӗсене палӑртнӑ. Унта Анат Тимӗрчкассинчи «Умелые руки» клуб пӗрлешӗвне ҫӳрекен Ксения Морозова тата Анна Терентьева тӗрлесе 3-мӗш вырӑна тухнӑ. Дубовкӑри клуб пӗрлешӗвне ҫӳрекен Вероника Ефимова теттесем ҫыхса 2-мӗш степеньлӗ лауреат пулса тӑнӑ.
Конкурсра мала тухнисене пурне те ӑшшӑн саламлатпӑр, малашне те ҫитӗнӳсем тума сунатпӑр.
Наталья КАЛАШНИКОВА.