«Молодая гвардия» обществӑлла организацин округри уйрӑмӗн хастарӗсем ҫак кунсенче Комсомольски чиркӗвӗн территорийӗнче субботник йӗркеленӗ. Ҫӳп-ҫапа хӗллене хӑварсан ҫуркунне вӑл юр айӗнчен чи малтан тухса илемсӗр курӑнса выртӗ. Организаци ертӳҫи Василий Кокарев ӗҫе пӗлсе йӗркелесе пынипе ҫамрӑксем маттур ӗҫленӗ, ырӑ ӗҫе хутшӑнни, тавралӑх тирпейлӗ те таса юлни хӑйсене те савӑнтарнӑ.