Июль уйӑхӗн юлашки вырсарникунӗнче Раҫҫейӗн Тинӗс-Ҫар флотӗнче службӑра пулнисем, пирӗн ҫӗршывӑн тинӗс чиккисене сыхлакансем хӑйсен професси уявне паллӑ турӗҫ . Комсомольски муниципаллӑ округӗнчи Тинӗс-Ҫар флочӗн ветеранӗсем те йӑлана кӗнӗ уява палӑртма йышлӑн пухӑнчӗҫ .
Уявӑн савӑнӑҫ лӑ пайӗ Тинӗс-Ҫар флотӗнче службӑра пулнисен ячӗпе Комсомольски ялӗнчи «Ҫӗр тата ҫынсем» халӑх музейӗ ҫумӗнче вырнаҫ тарнӑ палӑк умӗнче иртрӗ. Моряксене Комсомольски муниципаллӑ округӗн пуҫлӑхӗн тивӗҫӗсене пурнӑҫлакан Николай Раськин, Комсомольски тата Елчӗк районӗсен ҫар комиссарӗ Сергей Данилов, «Тинӗс тӑванлӑхӗ» обществӑлла организацин ертӳҫи Евгений Орешкин, ветерансен совечӗн председателӗ, Тинӗс-Ҫар флочӗн ветеранӗ Юрий Тимофеев тата Комсомольски территори уйрӑмӗн начальникӗ Мария Илларионова саламларӗҫ .
Аслӑ тусӗсене ыр сунма Комсомольски 1-мӗш вӑтам шкулӗнчи П.З.Сорокин ячӗллӗ Тинӗс кадет класӗнчи кадетсем те хаваспах килнӗ. Вӗсем савӑнӑҫлӑ митинга хутшӑнакансене илемлӗ сӑвӑ-юрӑ парнелерӗҫ . Ҫирӗп сывлӑх, виҫесӗр телей, мирлӗ кӑвак тӳпе, ӑнӑҫу тата пурнӑҫ ра яланах шанӑҫпа ҫирӗплӗх сунчӗҫ . Марина Волкова шӑрантарнӑ «Я русский» юрӑ та уява илемлетрӗ.
Любовь ШУРЯШКИНА.