2023 ҫулхи майӑн 17-мӗшӗнче Комсомольски муниципаллӑ округӗнче Чӑваш Республикинчи Телейлӗ ачалӑх ҫулталӑкне халалланӑ шкул театрӗсен «Асам» фестивалӗн муниципаллӑ тапхӑрӗ пулать. Вӑл Комсомольскинчи культура ҫуртӗнче 10.00 сехетре пуҫланать.
Фестивале Раҫҫей Федерацийӗн Федераллӑ Пухӑвӗн Патшалӑх Думин депутачӗн А.Л.Салаеван пуҫарӑвӗпе Чӑваш Республикинчи пӗтӗмӗшле пӗлӳ паракан организацисенче йӗркеленӗ шкул театрӗсен хушшинче ирттереҫҫӗ.
Комсомольски муниципаллӑ округӗнчи 16 шкулти театр коллективӗ театр постановкисем хатӗрлесе хӑйсен шкулӗнчи ачасем умне тухса актер ӑсталӑхне туптать.
Спектакльсене пурне те пӑхнӑ хыҫҫӑн шкулти чи лайӑх театра палӑртӗҫ. Унӑн республикӑри шкул театрӗсен «Асам» фестивалӗн шайӗнче республикӑри малта пыракан театрсен сценисем ҫине тухмалла пулӗ.
«Асам» фестивале ҫитсе курма васкӑр, ҫамрӑк артистсен пултарулӑхне пахалӑр.