Нумаях пулмасть Олег Николаев вырăнти пуçарусемпе пурнăçланакан проектсем тăрăх ĕçсем мĕнле пынипе паллашнă. Пурĕ Чăваш Енре кăçал инициативлă бюджетировани программи тăрăх 849 проекта пурнăçа кĕртме палăртнă. Çав шутра ача-пăча площадкисем, спорт площадкисем вырнаçтараççĕ, масарсен картисене тытаççĕ, çулсене юсаççĕ, социаллă пĕлтерĕшлĕ объектсен территорийĕсене тирпей-илем кĕртеççĕ тата ытти те.
«Енчен те çынсем ку ĕç кирлине палăртаççĕ пулсан, эпир вĕсене пулăшма яланах хатĕр. Кăçал пурнăçлама тăратнă кашни проектах укçа-тенкĕпе тивĕçтернĕ. Малашне те вырăнти инициативăсемпе пурнăçлакан проектсене валли укçа-тенкĕ уйăрăпăр», — палăртнă Чăваш Ен Пуçлăхĕ лару-тăрупа паллашнă хыççăн.