Владимир Павлов, Чăваш Республикин культура тава тивĕçлĕ ĕçченĕ:
« РФ Конституцине кĕртекен çĕнĕлĕхсен хушшинче наци культурипе чĕлхине тивĕçлипе упраса аталантармаллине палăртакан йĕркесем те пур. Раççей çĕршыри тĕрлĕ халăх тулли тата пĕр тан право никĕсĕ çинче пĕрлешсе туса хунă нумай нациллĕ патшалăх. Кашни халăхăн хăйĕн нацилĕхне, хăйне евĕрлĕхне, чĕлхипе культурине упраса тата малалла аталантарса пыма ирĕк пур. Патшалăхăн тата тĕп саккунăн тивĕçĕ – федераци йышĕнчи халăхсене, кашни наци çыннине, унăн пурнăçпе ĕç-хĕлне туллин йĕркелесе пыма майсем туса парасси.