![18 пушар пулнă](http://kasalen.ru/wp-content/uploads/2019/06/герб-флаг-1.jpg)
2019 çул пуçланнăранпа районта 18 пушар регистрациленĕ. Пĕлтĕр çак вăхăтра 15 хутчен вут-çулăм алхаснă. Пушарта 3375500 тенкĕлĕх пурлăх çунса кĕленнĕ. Ăçта вут-çулăм алхаснă-ха? 14 тĕслĕхре уйрăм хуçалăхсем çуннă. Пушар Комсомольски, Аслă Çĕрпÿел, Хирти Сĕнтĕр, Шурут, Александровка, Кайнлăк, Хырхĕрри, Урмаел, Тукай ял тăрăхĕсенче пулнă. Пушар тухнин сăлтавĕсем электропроводкăсем юсавсăр пулни, кăмакасемпе пĕлсе усă курманни, вут-çулăмран асăрханманни. Çавăнпа та пурне те тимлĕ, асăрхануллă пулма ыйтасшăн. Пушар тухнине курсассăн тÿрех «01», «101» номерсемпе шăнкăравлăр.
В.ДАВЫДОВ,
районти пушар надзор уйрăмĕн начальникĕ.