Манӑн пилӗк хаҫат редакторӗпе, сахал-и, нумай-и, ӗҫлеме тиврӗ. Сахал-и, нумай-и, терӗм те, практикӑна пӗрремӗш ҫул килсен хаҫат редакторӗнче В.Ю. Михайлов ӗҫлетчӗ. Ӑна РСФСР Верховнӑй Совечӗн депутатне суйлама кандидата тӑратнӑ май, Валерий Юрьевичӑн вӑхӑчӗ сахалрахчӗ те, мана сӗнӳ-канашсем панине питех ас тумастӑп. Икӗ уйӑхра ӑна сайра редакцире курнӑ. Тӗп редактор ҫумӗнче вара В.Н. Григорьев тӑрӑшатчӗ. Редакцири ӗҫсене тӗпрен илсен вӑл йӗркелесе пыратчӗ. Сотрудниксем ҫитменнипе мана вӑл практикант пек мар, корреспондент пек ӗҫе илчӗ, практикӑра палӑртнӑ пӗр уйӑх вырӑнне икӗ уйӑх редакцире тӑрӑшрӑм. Вӑл вара яланах мана хавхалантарса пыма, пулӑшма тӑрӑшатчӗ. Хаҫатӑн юбилейлӗ ҫулӗнче ун ҫинче чарӑнса тӑрас килет.
Вторник, 13 октября
