1955 ҫулхи январь уйӑхӗнчи пленумра КПСС Центральнӑй Комитечӗн пӗрремӗш секретарӗ Н.С.Хрущев выльӑх-чӗрлӗх продукцийӗсем туса илессине ӳстересси ҫинчен доклад тунӑ. Унта кукуруза акса тӑвакан ҫӗр лаптӑкне 1960 ҫул тӗлне 28 миллион гектартан кая марӳстерме палӑртни ҫинчен каланӑ. Районта та пӗтӗм ҫӗршыври пекех кукуруза усси: унӑн лаптӑкне тата тухӑҫне ӳстересси пирки заметкӑсем тӑтӑшах пичетленнӗ. Кашни номерте тенӗ пекех «кукуруза» сӑмахпа ҫыхӑннӑ статьясене курма пулать: «Кукуруза акса ӳстерме торфпа ҫӗрӗк тӑпринчен чӳлмексем тӑваҫҫӗ»: «Тухӑҫлӑ кукурузӑшӑн ҫиелтен тӑрӑшаҫҫӗ»: «Кукурузӑна хакламан механизаторсем»: «Кукурузӑна апатлантарчӗҫ»…