Округри муниципаллӑ архив ӗҫченӗсем Комсомольски 1-мӗш вӑтам шкулӗнчи 7-мӗш «к» класс ачисемпе (ертӳҫи Р.А.Автономова) пӗрле Пӗтӗм Раҫҫейри «Ночь в архиве» акцие хутшӑнчӗҫ. Ӑна Раҫҫейри Тӑван ҫӗршыв хӳтӗлевҫин, Чӑваш Енри Ҫӗнтерӳпе патриотлӑх ҫулталӑкӗсене халалларӗҫ.
Мероприяти «Ҫӗр тата ҫынсем» музейре иртрӗ. Ӑна округ администрацийӗн архив ӗҫӗсен секторӗн заведующийӗ В.Н.Шингалова уҫрӗ. Архив ӗҫченӗсем «Герои Великой Отечественной войны» электронлӑ презентаци, архивра упранакан вӑрҫӑ вӑхӑтӗнчи документсенчен «Тыл для фронта» выставка йӗркеленӗ. Архив специалисчӗ Т.В. Краснова Аслӑ Отечественнӑй вӑрҫӑ паттӑрӗсем пирки «Помним всех, вспомним каждого…» квест-задани, «Герои-уроженцы Комсомольского района» презентаци хатӗрленӗ.
Ачасемпе Брест крепоҫне хӳтӗлекенсен, Панфиловецсен, А.Матросовӑн, Н.Гастеллон, Л.Голиковӑн, З.Портнован, комсомолецсен «Молодая гвардия» организацийӗн членӗсен тата ытти нумай-нумай ҫынсен паттӑрлӑхне аса илчӗҫ, вӗсен хӑюлӑхӗ пирки калаҫрӗҫ. Пирӗн районта ҫуралса ӳснӗ, ӗҫленӗ Социализмла ,ҫ Геройӗсем Н.Ф.Миронов тата Л.Н.Акчурин пирки те сӑмах пулчӗ.
Вӗренекенсем сарӑхнӑ, кивелнӗ документсемпе кӑсӑклансах паллашрӗҫ. Ҫак мероприяти ачасемшӗн усӑллӑ иртрӗ, нумайлӑха асра юлӗ.
Валентина Шингалова.