Суббота, 8 февраля

Cпорт

Фев72025 - РедакцияНет Ответов
Хастартарах хутшӑнасса шанатпӑр

Хастартарах хутшӑнасса шанатпӑр

Раҫҫей пенсионерӗсен союзӗ тата ЧР физкультурӑпа спорт министерстви «За активное долголетие» спартакиада ирттерни пирки пӗлтерсех тӑратпӑр. Унта 60 ҫултан иртнӗ арҫынсем, 55 ҫултан аслӑрах хӗрарӑмсем хутшӑнаҫҫӗ. Кӑҫал вӑл январӗн 28-мӗшӗнче пуҫланчӗ. Унта шахмат тата сӗтелҫи теннисӗ енӗпе ӑмӑртмаллаччӗ. Шахматпа (хӑвӑрт выляса) пӗр арҫынпа пӗр хӗрарӑм хутшӑнмаллаччӗ. Шел пулин те, ку вӑйӑпа ӑмӑртӑва каякан хӗрарӑм пулмарӗ. В.Б.Тихонов арҫынсем хушшинче япӑх мар тупӑшрӗ. Округра  шахмат енӗпе ӑмӑртусем сахал иртеҫҫӗ. Ӑна йӗркелеме (хӑвӑрт выляссипе 10 минут) йывӑрах та мар. «Кӗтне» физкультурӑпа спорт комплексӗнче шахмат сехечӗсем те ҫук, фигурӑсем те аслӑрах ӳсӗмрисене тивӗҫтермеҫҫӗ, пӗчӗк. Шахматла хӑвӑрт выляссипе ӑмӑртусем йӗркелес тесен сахалтан та   шахматӑн ятарлӑ
Подробнее
Фев72025 - РедакцияНет Ответов
Кире пуканӗсем йӑтса тупӑшрӗҫ

Кире пуканӗсем йӑтса тупӑшрӗҫ

Иртнӗ шӑматкун «Кӗтне» физкультурӑпа спорт комплексӗнче округри шкул ачисем хушшинче кире пуканӗ йӑтас енӗпе ӑмӑрту пулса иртрӗ. Округ пуҫлӑхӗ Н.Н.Раськин, вӗрентӳ пайӗн начальникӗ Н.А.Комиссарова, Чӑваш Республикин чемпионӗ, ӑмӑртӑвӑн тӗп судйи  В.М.Гаврилов ҫамрӑк спортсменсене тупӑшура ҫитӗнӳсем сунчӗҫ. Ӑмӑртусем хӗрӳ иртрӗҫ, кашниех лайӑх кӑтартусемпе палӑрма тӑрӑшрӗ. Арҫын ачасемпе пӗрлех хӗрачасем те ҫӗнтерӳшӗн кӗрешрӗҫ. 50 килограмлӑ виҫере малти виҫӗ вырӑна Анастасия Тимофеева, Софья Воронова, Анна Казакова пайларӗҫ, 55 килограмм таранхи виҫере 1—3-мӗш вырӑнсене Элина Ибрагимова, Диляра Сафьянова, Дарья Арсентьева ҫӗнсе илчӗҫ. Вӗсем 8 килограмм таякан кире пуканӗсем ҫӗклерӗҫ. 60 килограмм таранхи виҫере Айназ Гималдинова, Анастасия Ефремова, Рамина Сатртдинова чи пултаруллис
Подробнее
Фев72025 - РедакцияНет Ответов
Округ —  иккӗмӗш вырӑнта

Округ —  иккӗмӗш вырӑнта

Чӑваш Енре ГТО физкультурӑпа спорт комплексне пӗлтӗрхи 4-мӗш кварталта мӗнле ӗҫе кӗртнине хакланӑ. Ҫак рейтингра Елчӗк округӗ малта. Пирӗн округ маларах та иккӗмӗш вырӑнтаччӗ, халӗ те унтан анман. Виҫҫӗмӗш вырӑнта — Етӗрне округӗ. ЧР физкультурӑпа спорт министрӗ Василий Петров палӑртнӑ тӑрӑх, халӑх хушшинче ГТО комплексне аталантарас ӗҫ кӑҫал та пурнӑҫланса пырӗ. Енчен те хальлӗхе республикӑра ҫак нормативсене пурнӑҫламалли 23 лапам ӗҫлет пулсан, ҫитес 3 ҫулта тата 14 ҫакӑн евӗр площадка тума палӑртнӑ. Ҫавӑн пекех кӑҫалтан ГТО комплексне пурнӑҫланӑ тата диспансеризаци витӗр тухнӑ ҫынсен налук вычечӗпе усӑ курма май пурри ҫинчен те ан манӑр.  
Подробнее
Янв312025 - РедакцияНет Ответов
Малтисен ретӗнче

Малтисен ретӗнче

Халӑха спорта явӑҫтарас, сывӑ пурнӑҫ йӗркине тытса пыма хавхалантарас тӗлӗшпе пирӗн республикӑра чылай ӗҫ тӑваҫҫӗ. Уйрӑм муниципалитетсенчен ку енӗпе Патӑрьел, Йӗпреҫ тата Комсомольски округӗсем палӑрнӑ. Пирӗн тӑрӑхра пурӑнакансем ГТО нормативне тултарас енӗпе те иртнӗ ҫул Чӑваш Енре малтисен ретӗнче пулнӑ. Кӑҫал та ҫитӗнӳсемпе савӑнтарасса шанас килет.
Подробнее
Янв312025 - РедакцияНет Ответов
Йӗлтӗр спорчӗ кӑмӑла ҫӗклет, ҫӗнтерӳ хаваслӑх парнелет

Йӗлтӗр спорчӗ кӑмӑла ҫӗклет, ҫӗнтерӳ хаваслӑх парнелет

Иртнӗ шӑматкун йӗлтӗр спортне кӑмӑллакансем Комсомольски вӑрман уҫланкине йышлӑн пуҫтарӑннӑ. Унта СССР чемпионкине Вера Черновӑна халалланӑ йӑлана кӗнӗ ӑмӑрту иртнӗ.   Округ администрацийӗн вӗренӳ пайӗн начальникӗ Наталия Комиссарова пуҫтарӑннисене спорт уявӗпе ӑшшӑн саламланӑ, Вера Чернован тӗслӗхӗпе хавхаланса дистанцие ӑнӑҫлӑн парӑнтарма, ҫӗнӗ спорт ҫитӗнӗвӗсем тума суннӑ. Ҫак кун сывӑ пурнӑҫ йӗркине юратакан, усӑллӑ та активлӑ канӑва кӑмӑллакан ҫитӗннисем те, шкул ачисем те старта йышлӑн тӑнӑ. Хӗллехи вӑрманта йӗлтӗрпе ярӑнни пурне те савӑк кӑмӑл парнеленӗ. Кашни ӳсӗмре, паллах, ҫӗнтерӳҫӗсене те палӑртнӑ. 2011—2012 ҫулсенче ҫуралнӑ хӗрачасем хушшинчи хӗрӳ тупӑшура П.Семенова пӗрремӗш вырӑна тухнӑ. А.Лукиянова пьедесталӑн иккӗмӗш картлашкине, Е.Быкова виҫҫӗмӗшне хӑпарнӑ.
Подробнее
Янв312025 - РедакцияНет Ответов

Ентеше асра тытса — турнир

Шурут вӑтам шкулӗн спорт за- лӗнче Шурут ял тӑрӑхӗн тата Комсомольски районӗн хисеплӗ гражданинне Алексей Ершова халалласа волейбол турнирӗ ирттернӗ. Алексей Никифорович «Урожай» колхоза 1985 ҫултанпа нумай ҫул ертсе пынӑ, тӗрлӗ шайри депутат пулнӑ, ял-йыш ӑна хисепленӗ. Унӑн хастарлӑхӗпе пуян опычӗ чылай ҫынна ӗҫре ҫитӗнӳсем тума хавхалантарнӑ. Турнир пуҫланиччен унпа пӗрле ӗҫленисем тата унӑн юлташӗсем Алексей Ершов пултаруллӑ ертӳҫӗ, ырӑ чунлӑ ҫын пулнине аса илнӗ. Ӑмӑртӑва 4 команда хутшӑннӑ. Вӑйӑ хӗрӳ те интереслӗ иртнӗ. Патӑрьел округӗнчи Аслӑ Арапуҫ ялӗн команди пурне те кая хӑварса турнирӑн ҫӗнтерӳҫи пулса тӑнӑ. Округри ял хуҫалӑх предприятийӗсен ертӳҫисен команди иккӗмӗш вырӑна тивӗҫнӗ. Округри вӗренӳ учрежденийӗсен директорӗсен команди вара пьедесталӑн виҫҫӗмӗш картлашкине
Подробнее
Янв242025 - РедакцияНет Ответов

Вӑйлисем палӑрнӑ

Нумаях пулмасть «Кӗтне» физкультурӑпа спорт комплексӗнче муниципаллӑ округри шкул ачисем хушшинче сӗтелҫи теннисӗ енӗпе ӑмӑрту иртнӗ.  Унта 11 шкул команди хутшӑннӑ. Комсомольски 1-мӗш вӑтам шкулӗнче вӗренекенсем пысӑк ӑсталӑх кӑтартса ҫӗнтерӳҫӗсем пулса тӑнӑ. Комсомольски 2-мӗш вӑтам шкулӗнчи ачасем иккӗмӗш пулнӑ. Виҫҫӗмӗш вырӑна Тукай Мишер вӑтам шкулӗн команди ҫӗнсе илнӗ. Ҫӗнтерӳҫӗсене медальсемпе Хисеп грамотисем парса чысланӑ.
Подробнее
Янв172025 - РедакцияНет Ответов
Уявсене те паллӑ тунӑ, ӑмӑртусенче те тупӑшнӑ

Уявсене те паллӑ тунӑ, ӑмӑртусенче те тупӑшнӑ

Ҫӗнӗ ҫулхи кану кунӗсенче округра пурӑнакансем уявсене паллӑ тунипе пӗрлех культура тата спорт мероприятийӗсене те хастар хутшӑннӑ. Пӗтӗм ҫӗршывӗпех спорт тата сывлӑх декади пулнӑ май пирӗн тӑрӑхра та спорт ӑмӑртӑвӗсем иртнӗ. Январӗн 1—8-мӗшӗсенче округра сывӑ пурнӑҫ йӗркине юратакансем 27 тупӑшӑва хутшӑннӑ. Спорт площадкисенче 500 ытла ҫын тупӑшнӑ. 672 ҫын «Кӗтне» физкультурӑпа спорт комплексне ҫитсе сывлӑхне ҫирӗплетнӗ. Уйрӑм ялсемпе илсен кану кунӗсенче Асанкасси территори уйрӑмӗнче спорт ӑмӑртӑвӗсем ытларах пулнӑ. Унта волейболла та, футболла та, хоккейла та выляса тупӑшнӑ. Ҫавӑн пекех Хирти Сӗнтӗр тата Аслӑ Ҫӗрпӳел территори уйрӑмӗсене кӗрекен ялсенче те спорта юратакансем йышлӑ. Вӗсенче те ӑмӑртусем чылай пулнӑ.  Патшалӑх влаҫӗн, ӗҫ тӑвакан влаҫӑн территорири органӗсен
Подробнее
Дек272024 - РедакцияНет Ответов
Ҫӗнӗ ҫӗнтерӳсем хавхалантараҫҫӗ

Ҫӗнӗ ҫӗнтерӳсем хавхалантараҫҫӗ

Иртнӗ шӑматкун Комсомольскинчи вӑрман хӗрринче йӗлтӗр спортне кӑмӑллакансем тахҫанах кӗтнӗ мероприяти пулнӑ — хӗллехи спорт сезонне уҫнӑ. Ӑмӑртӑва СССР тава тивӗҫлӗ спорт мастерӗн, РФ тава тивӗҫлӗ физкультурӑпа спорт ӗҫченӗн, Тукай ялӗнче ҫуралнӑ Владимир Воронковӑн ячӗпе йӗркеленӗ.  Пуҫтарӑннисене муниципаллӑ округ пуҫлӑхӗ Николай Раськин, «Кӗтне» физкультурӑпа спорт комплексӗн директорӗн тивӗҫӗсене вӑхӑтлӑх пурнӑҫлакан Валерий Денисов тата спорт мастерӗн кандидачӗ Николай Ятманов спорт уявӗпе саламланӑ, ҫӗнӗ ҫӗнтерӳсем тума суннӑ. Ӑмӑртӑва хутшӑнас текенсем яланхиллех йышлӑн пулнӑ. Опытлӑ йӗлтӗрҫӗсем ҫеҫ мар, спортра пӗрремӗш утӑмсем тӑвакансем те старта тухнӑ. Уйрӑмах Ҫӗнӗ Мӑрат вӑтам шкулӗн спортсменӗсем лайӑх кӑтартусемпе палӑрнӑ. Физкультура учителӗ командӑна ӑмӑртӑва лай
Подробнее
Дек202024 - РедакцияНет Ответов

Шашкӑлла выляса мала тухнӑ

Шашка вӑййине юратакансем Комсомольскинче пурӑннӑ Нина Ивановна Степанова ятне аван пӗлеҫҫӗ. Вӑл спортӑн ҫак енӗпе районта хӗрарӑмсем хушшинче час-часах пӗрремӗш вырӑн йышӑннӑ, республика шайӗнчи тупӑшусене хутшӑнса та малти вырӑна тухнӑ. Декабрӗн 14-мӗшӗнче «Кӗтне» физкультурӑпа спорт комплексӗнче Н.И. Степановӑна асӑнса хӗрсемпе хӗрарӑмсем хушшинче шашка турнирӗ иртнӗ.  Вӑйӑсем хӗрӳ те интереслӗ пулнӑ. Кашниех ҫӗнтерӳ патне ӑнтӑлнӑ. 5—8-мӗш классенче вӗренекен хӗрачасем хушшинче Милана Волкова (Аслӑ Чурачӑк вӑтам шкулӗ) пӗрремӗш вырӑн ҫӗнсе илнӗ. Иккӗмӗшӗнче — Марина Петухова (Комсомольски 2-мӗш вӑтам шкулӗ), Эльвира Сурина (Хырхӗрри тӗп шкулӗ) виҫҫӗмӗш вырӑна тухнӑ. 9—11-мӗш классенче ӑс пухакансем хушшинче Комсомольски 2-мӗш вӑтам шкулӗнчи Айгель Гиннетуллина чи маттурри пулнӑ
Подробнее
Дек132024 - РедакцияНет Ответов
Тупӑшусем хӗрӳ иртрӗҫ, вӑйлисем ҫӗнтерчӗҫ

Тупӑшусем хӗрӳ иртрӗҫ, вӑйлисем ҫӗнтерчӗҫ

Иртнӗ эрнере Асанкасси вӑтам шкулӗн спорт залӗнче Совет Союзӗн Геройне Ф.Н.Чернова халалласа ирӗклӗ майпа кӗрешекенсен 35-мӗш ӑмӑртӑвӗ иртрӗ. Унта 200 ытла спортсмен хутшӑнчӗ. Тупӑшма хамӑр округран ҫеҫ мар, Шупашкар, Канаш хулисенчен, Вӑрнар, Елчӗк, Патӑрьел округӗсенчен, Ульяновск хулипе  облаҫӗнчен ирӗклӗ майпа кӗрешекенсем килсе ҫитрӗҫ. Кӑҫалхи ӑмӑртӑва Аслӑ Отечественнӑй вӑрҫӑра Ҫӗнтерӳ тунӑранпа 80 ҫул ҫитнине халалланӑ. Малтанах вӑрҫӑра вилнисене тата совет Союзӗн Геройне халалласа лартнӑ палӑк умне чечек кӑшӑлӗсем хучӗҫ. Вырӑнти «Ҫӑлкуҫ» халӑх вокал ансамблӗ ял гимнне шӑрантарчӗ. Ӑмӑртӑва килнисене муниципаллӑ округ пуҫлӑхӗ Н.Н.Раськин, округ депутачӗ, «Асаново» ял хуҫалӑх кооперативӗн председателӗ А.Н.Бахтеров, «Кӗтне» физкультурӑпа спорт шкулӗн директорӗн ӗҫӗсене тӑвакан
Подробнее
Дек62024 - РедакцияНет Ответов
Ҫӗнӗ Мӑратсем – малтисем

Ҫӗнӗ Мӑратсем – малтисем

Ноябрӗн 30-мӗшӗнче «Кӗтне» физкультурӑпа спорт комплексӗнче «Комплекс» строительство фирмин призӗсемшӗн волейбол турнирӗ иртнӗ. Унта 2007 ҫулта тата каярах ҫуралнӑ хӗрсем тупӑшнӑ. Мероприятие уҫса Комсомольски муниципаллӑ округ пуҫлӑхӗ Николай Раськин, «Кӗтне» спорт шкулӗн директорӗн тивӗҫӗсене вӑхӑтлӑх пурнӑҫлакан Валерий Денисов тата ЧР тава тивӗҫлӗ физкультурӑпа спорт ӗҫченӗ Евгений Тихонов пурне те ӑнӑҫу суннӑ. Хӗрӳ тупӑшура Ҫӗнӗ Мӑрат вӑтам шкулӗн команди ҫӗнтерӳҫӗ пулса тӑнӑ. Аслӑ Чурачӑк вӑтам шкулӗн хӗрӗсем — кӗмӗл медальсен хуҫисем. Комсомольски 1-мӗш вӑтам шкулӗнче пӗлӳ илекенсем вара — виҫҫӗмӗш вырӑнта. Мала тухнӑ командӑсене кубоксемпе, грамотӑсемпе, медальсемпе тата хаклӑ парнесемпе чысланӑ. 
Подробнее
Ноя292024 - РедакцияНет Ответов
Журналистсем спортра та маттур

Журналистсем спортра та маттур

Ҫак кунсенче Шупашкарти «Волга» стадионта массӑллӑ информаци хатӗрӗсен командисем хушшинче пӗрремӗш ГТО фестивалӗ иртрӗ. Ӑна ЧР Спорт министерстви, ЧР Цифра министерстви тата «Советская Чувашия» хаҫат пулӑшнипе йӗркелесе ирттерчӗҫ. Мероприятие 24 команда йышӗнче 100 ытла калем ӑсти хутшӑнчӗ, ҫав шутра «Каҫал ен» тата «Вакыт» хаҫатсен ӗҫченӗсем те айккинче тӑрса юлмарӗҫ. Чи малтанах республика Пуҫлӑхӗ Олег Николаев, ЧР цифра аталанӑвӗн, информаци политикин тата массӑллӑ коммуникацисен министрӗ Михаил Степанов, ЧР физкультурӑпа спорт министрӗ Василий Петров, ҫӑмӑл атлетикӑпа СССР тава тивӗҫлӗ спорт мастерӗ, ҫуллахи 25-мӗш Олимп вӑййисене хутшӑннӑ тӗнче тата Европа чемпионки Алина Николаева  саламлӑ сӑмах каласа пуҫтарӑннисене ГТО нормисене ӑнӑҫлӑн тытма сунчӗҫ. «Ҫакӑн пек фестивальсем
Подробнее
Ноя292024 - РедакцияНет Ответов
Малти вырӑна тухнӑ

Малти вырӑна тухнӑ

Ноябрӗн 26-мӗшӗнче Комсомольскинчи «Кӗтне» физкультурӑпа спорт комплексӗнче ЧР патшалӑх влаҫ органӗсен, ӗҫ тӑвакан федераллӑ влаҫ органӗсен территорири уйрӑмӗсен тата вырӑнти хӑйтытӑмлӑх органӗсен XXII спартакиадипе килӗшӳллӗн волейбол вӑййин пӗрремӗш тапхӑрӗ иртнӗ. Мероприяти Комсомольски ача-пӑча искусство шкулӗн «Островок» ушкӑнӗн илемлӗ ташшинчен пуҫланнӑ. Ӑмӑртӑва Канаш хулин, Шӑмӑршӑ, Комсомольски тата Пӑрачкав муниципаллӑ округӗсен командисем хутшӑннӑ. Хӗрӳ тупӑшура пурне те хыҫа хӑварса пирӗн округ команди мала тухма пултарнӑ. Иккӗмӗш вырӑнта — Шӑмӑршӑсем, виҫҫӗмӗшӗнче — Пӑрачкавсем.
Подробнее
Ноя292024 - РедакцияНет Ответов

Шывра ишсе ӑмӑртнӑ

Нумаях пулмасть «Кӗтне» физкультурӑпа спорт комплексӗн бассейнӗнче шывра ишессипе шкул ачисем хушшинче ӑмӑрту иртнӗ. Муниципаллӑ округ пуҫлӑхӗн пӗрремӗш ҫумӗн — территорисене тирпей-илем кӗртес тата аталантарас енӗпе ӗҫлекен управленин начальникӗн тивӗҫӗсене пурнӑҫлакан Альберт Кузьмин тата «Кӗтне» спорт шкулӗн директорӗн тивӗҫӗсене вӑхӑтлӑх пурнӑҫлакан Валерий Денисов мероприятие уҫса спортсменсене ӑнӑҫу тата лайӑх кӑтартусем тума суннӑ. Ачасем ӳсӗмне кура тӗрлӗ ушкӑнсенче ӑмӑртнӑ, 50 тата 100 метрлӑ дистанцисенче финиша чи малтан  ҫитме ӑнтӑлнӑ. 2015 ҫулта ҫуралнисем тата ҫамрӑкраххисем хушшинче Урмаел вӑтам шкулӗнчи Камиля Шакурова тата ҫак шкултах вӗренекен Салих Сахров дистанцие пуринчен те малтан парӑнтарма пултарнӑ. 2013—2014 ҫулсенче ҫуралнисем хушшинче Комсомольски 1-мӗш
Подробнее
Ноя222024 - РедакцияНет Ответов

Волейболла вылянӑ

Ноябрӗн 16-мӗшӗнче «Кӗтне» физкультурӑпа спорт комплексӗн спорт залӗнче «Слава картофелю» агрофирма призӗсемшӗн уҫӑ волейбол турнирӗ иртнӗ. Унта Комсомольски, Йӗпреҫ, Вӑрнар, Елчӗк, Шупашкар округӗсен командисем хутшӑннӑ. Муниципаллӑ округ пуҫлӑхӗ Николай Раськин, «Слава картофелю» агрофирма директорӗ Хасиятулла Идиатуллин, «Кӗтне» спорт шкулӗн директор ҫумӗ Петр Порядков тата ЧР тава тивӗҫлӗ физкультурӑпа спорт ӗҫченӗ Евгений Тихонов саламлӑ сӑмах каласа спортсменсене ӑнӑҫу суннӑ. Хӗрӳ тупӑшура Ҫӗнӗ Шупашкар хула команди ҫӗнтерӳҫӗ пулса тӑнӑ. Иккӗмӗш вырӑна Йӗпреҫ округӗн команди, виҫҫӗмӗшне Вӑрнарсем  тивӗҫнӗ. Ҫӗнтерӳҫӗсемпе призерсене кубоксем, медальсем тата грамотӑсем парса чысланӑ. Евгений ТИХОНОВ.
Подробнее
Ноя12024 - РедакцияНет Ответов
Кӑтартусем аван

Кӑтартусем аван

Кӑҫалхи виҫӗ кварталта Чӑ-ваш Енре пурӑнакан 3529 ҫын пӗтӗм Раҫҫейри ГТО нормативӗсене тытса палӑрту паллисене тивӗҫнӗ, ҫав шутра 2230 ҫын — «ылтӑна», 712 ҫын — «кӗмӗле», 587 ҫын — «бронзӑна». Пурӗ виҫӗ кварталта gto.ru сайтра 3600 ҫын ытла регистрациленнӗ. 23,6 пин ытла ҫын нормативсене панӑ, пӗлтӗрхи ҫак тапхӑрта ку кӑтарту 21,5 пин ытла ҫынпа танлашнӑ пулнӑ. ЧР Спорт министерстви муниципаллӑ пӗрлешӳсенче тата хула округӗсенче ГТО комплексне мӗнле ӗҫе кӗртнине хакланӑ. Ҫапла gto.ru сайтра миҫе ҫын регистрациленнине, миҫе ҫын тӗрӗслев витӗр тухнине, миҫен палӑрту паллисене тивӗҫнине тата ытти кӑтартусене пӑхса ятарлӑ рейтинг хатӗрленӗ. Кӑҫалхи 3-мӗш кварталти кӑтартусем тӑрӑх Етӗрне муниципаллӑ округӗ пӗрремӗш вырӑна тивӗҫнӗ. Иккӗмӗш вырӑнта — Комсомольски муниципаллӑ округӗ, виҫҫӗ
Подробнее
Окт252024 - РедакцияНет Ответов
Чушкӑлла выляса ӑмӑртнӑ

Чушкӑлла выляса ӑмӑртнӑ

Октябрӗн 18-мӗшӗнче Комсомольскинчи «Кӗтне» физкультурӑпа спорт комплексӗнче Комсомольски муниципаллӑ округ пуҫлӑхӗн Кубокӗшӗн территори уйрӑмӗсен командисем хушшинче чушкӑлла выляс енӗпе ӑмӑрту иртнӗ. Унта 60 ҫултан аслӑрах арҫынсемпе 55 ҫултан аслӑрах хӗрарӑмсем хутшӑннӑ. Мероприятие уҫса муниципаллӑ округ пуҫлӑхӗн пӗрремӗш ҫумӗн — территорисене тирпей-илем кӗртес тата аталантарас енӗпе ӗҫлекен управленин начальникӗн тивӗҫӗсене пурнӑҫлакан Альберт Кузьмин пурне те лайӑх кӑтартусем тума, ӑнӑҫлӑн тупӑшма суннӑ. Вӑйӑ хаваслӑ та кӑмӑллӑ иртнӗ. Хӗрарӑмсем хушшинче Людмила Макарова ҫӗнтерӳҫӗ пулса тӑнӑ. Светлана Ванюшкина — иккӗмӗш вырӑна, Татьяна Васильева виҫҫӗмӗш вырӑна тивӗҫнӗ. Арҫынсем хушшинче Нежеметдин Сахров чи пултарулли пулнӑ. Иккӗмӗш вырӑнта — Вячеслав Ефремов, виҫҫӗмӗшӗнче
Подробнее
Окт182024 - РедакцияНет Ответов

МИХАЙЛОВ АНДРЕЙ, УЧАСТНИК СВО ИЗ ЧУВАШИИ, ОТКРЫЛ ТУРНИР ПО ДАРТСУ В САНКТ-ПЕТЕРБУРГЕ

Чувашская национально-культурная автономия Санкт-Петербурга продолжает поддержку участников СВО, которые проходят лечение и реабилитацию в госпиталях Санкт-Петербурга и Ленинградской области. Регулярно производится сбор и передача необходимой гуманитарной помощи, традиционно проходят выступления творческих коллективов перед воинами, а также чувашские артисты показывают шефские концерты в воинских частях. Члены Молодежной организации РОО «Чувашская национально-культурная автономия Санкт-Петербурга» посетили чувашских воинов - участников специальной военной операции, находящихся на лечении и реабилитации в госпитале на территории Санкт-Петербурга. Тем более к Михайлову Андрею, кавалеру ордена Мужества и ветерану боевых действий,  приехали навестить его земляк и однокурсник Иванов Ни
Подробнее
Окт182024 - РедакцияНет Ответов

Чи вӑйлисем тупӑшнӑ

Иртнӗ канмалли кунсенче Шупашкарта «Хыпар» хаҫат парнисемшӗн кире спорчӗн пӗтӗм Раҫҫейри 39-мӗш турнирӗ иртнӗ. Йӑлана кӗнӗ ӑмӑртура ҫӗршывӑн 19 регионӗнчен 150 ытла спортсмен тупӑшнӑ. Ҫӑмӑл мар тупӑшура Чӑ-ваш Ен спортсменӗсем 4 ылтӑн, 7 кӗмӗл тата 5 пӑхӑр медаль ҫӗнсе илнӗ. Пӗтӗм Раҫҫейри турнир пӗтӗмлетӗвӗпе Киров облаҫӗн команди тӗп кубока тивӗҫнӗ. Сӑмах май каласан, вӑл виҫҫӗмӗш ҫул ӗнтӗ ҫӗнтерӗве алӑран ямасть. Чӑваш Ен спортсменӗсен пӗрлештернӗ команди иккӗмӗш вырӑнта, Тутарстан команди — виҫҫӗмӗш. 
Подробнее
Окт182024 - РедакцияНет Ответов
Эпир спортпа туслӑ

Эпир спортпа туслӑ

Октябрӗн 12-мӗшӗ округри предприятисенче, учрежденисенче тата администрацире ӗҫлекенсемшӗн чӑннипех те ырӑ иртен пуҫланнӑ. Ӗҫченсем ир-ирех ҫӗкленӳллӗ кӑмӑлпа Комсомольскинчи «Кӗтне» физкультурӑпа спорт комплексӗн стадионне пуҫтарӑннӑ. Кунта пӗтӗм Раҫҫейри «Ӗҫе тата хӳтӗлеве хатӗр» физкультурӑпа спорт комплексӗн фестивалӗ иртнӗ. Пуҫтарӑннисене муниципаллӑ округ пуҫлӑхӗ Николай Раськин ӑшшӑн саламланӑ, лайӑх кӑтартусем туса ГТОн ылтӑн паллине тивӗҫме суннӑ. Фестивале пухӑннисем тӗрлӗ хӑнӑхтарусем туса хӑйсен вӑйне, ҫивӗчлӗхне, тӳсӗмлӗхне, кӗлетке пиҫӗлӗхне тӗрӗсленӗ, нормативсене тӗпе хурса лайӑх кӑтартусем патне ӑнтӑлнӑ. Аса илтеретпӗр, ГТО комплексӗ «Демографи» наци проектне кӗрекен «Спорт — пурнӑҫ норми» федераллӑ проектӑн пӗлтерӗшлӗ пайӗ шутланать. Проектӑн тӗп тӗллевӗ — кулле
Подробнее
Окт112024 - РедакцияНет Ответов
Спорта юратакасем ҫуллахи сезона хупнӑ

Спорта юратакасем ҫуллахи сезона хупнӑ

Кӗркуннен пӗрремӗш уйӑхӗ сисӗнмесӗрех иртрӗ. Ҫуллахи пек ӑшӑ кунсем хыҫала юлчӗҫ, урамра кунран-кун сивӗтсе пыни туйӑнать. Йӑлана кӗнӗ тӑрӑх, ҫуллахи спорт сезонне хупма та вӑхӑт ҫитрӗ. Иртнӗ шӑматкун спорта юратакансем ҫак сӑлтавпа «Кӗтне» физкультурӑпа спорт комплексӗн стадионне пуҫтарӑннӑ. Унта «Каҫал ен» хаҫат призӗсемшӗн ҫулсерен йӗркелекен ҫӑмӑл атлетика эстафети иртнӗ. Спорт уявне округра пурӑнакансем, шкулсенче ӑс пухакансем, организацисемпе предприятисен ӗҫченӗсем тата спорт ҫемйисем хутшӑннӑ. Мероприятие муниципаллӑ округ пуҫлӑхӗн социаллӑ ыйтусемпе ӗҫлекен ҫумӗ — вӗренӳ пайӗн начальникӗ Наталия Комиссарова уҫнӑ. Вӑл ӑмӑртӑва хутшӑнакансене ӑнӑҫлӑн дистанцие парӑнтарма суннӑ. Ҫавӑн пекех «Каҫал ен» хаҫатӑн тӗп редакторӗн тивӗҫӗсене вӑхӑтлӑх пурнӑҫлакан Татьяна Мамуткина, «Кӗт
Подробнее
Окт112024 - РедакцияНет Ответов

Атте – кашниншӗн ырӑ тӗслӗх

Раҫҫейри Ҫемье ҫулталӑкне халалласа кӑҫал республикӑра, ҫавӑн пекех пирӗн округра та час-часах тӗрлӗ мероприятисем иртеҫҫӗ. Вӗсенчен пӗри — ҫемье канӑвӗн «Папа-Фест» фестивалӗ. Ӑна ҫемьесем ҫине тимлӗх уйӑрас, йӑлана кӗнӗ ҫемье хаклӑхӗсене упрама пулӑшас политикӑна анлӑн сарас тӗллевпе ирттереҫҫӗ. Нумаях пулмасть округри Ашшӗсен канашӗ ертсе пынипе ҫакӑн пек фестиваль Комсомольскинчи «Кӗтне» физкультурӑпа спорт комплексӗнче йӗркелесе ирттернӗ. Кашни ачан пурнӑҫӗнче ашшӗ пысӑк вырӑн йышӑнать. Ахальтен мар халӑхра: «Пӗр атте ҫӗр учительтен пӗлтерӗшлӗрех» теҫҫӗ. Шӑпах ашшӗ хӑйӗн тӗслӗхӗпе, хӳтлӗхӗпе, юратӑвӗпе ачана кирлӗ пек аталанма пулӑшать, пурнӑҫри йывӑрлӑхсене ҫӗнтерсе пыма, хӑюллӑ та ҫирӗп тӗллевлӗ пулма вӗрентет. Фестивале хутшӑннӑ ашшӗсем те ачисемшӗн тӗслӗх пулнине, пӗр ӗҫрен те
Подробнее
Окт42024 - РедакцияНет Ответов
Спортпа туслӑ пулни вӑй-хал кӳрет

Спортпа туслӑ пулни вӑй-хал кӳрет

Округри, республикӑри спорт пурнӑҫӗпе интересленекенсем Киров поселокӗнче пурӑнакан Федор Ефимов ҫинчен илтнех. Кире пуканӗ йӑтас тата йӗлтӗрпе чупас енӗпе ирттерекен тӗрлӗ ӑмӑртусенче час-часах унӑн ятне ҫӗнтерӳҫӗсем хушшинче курма пулать. 88 ҫул тултарнӑскер, пӗтӗм Раҫҫей шайӗнчи ӑмӑртусенче те ветерансен хушшинче ҫӗнтерӳҫӗ пулса тӑнӑ. Федор Леонтьевич Патӑрьел районӗнчи Кивӗ Катек ялӗнче ҫуралса ӳснӗ. Ача чухнех спортпа туслӑ пулнӑ, йӗлтӗрпе чупса малти вырӑнсене тухнӑ. Ун чухне тренировкӑсемех те туман, ытти ачасемпе пӗрле пушӑ вӑхӑта урамра ирттернӗ, пӗрле чупнӑ, вылянӑ, йӗлтӗрпе ярӑннӑ. Ҫулӗ ҫитсен ытти яшсем пекех салтак атти тӑхӑннӑ, ҫартан килсен авланнӑ. Федор Ефимов службӑра пулнӑ вӑхӑтра вӗсен ҫемйи Киров поселокне куҫса килнӗ. Ҫавӑнпа салтак та таврӑнсан ҫӗнӗ вырӑнта пурӑн
Подробнее
Сен302024 - РедакцияНет Ответов
ПЕРВЫЙ ТУРНИР ПО НАСТОЛЬНОМУ ТЕННИСУ СРЕДИ МОЛОДЕЖИ НАЦИОНАЛЬНО-КУЛЬТУРНЫХ ОБЪЕДИНЕНИЙ САНКТ-ПЕТЕРБУРГА

ПЕРВЫЙ ТУРНИР ПО НАСТОЛЬНОМУ ТЕННИСУ СРЕДИ МОЛОДЕЖИ НАЦИОНАЛЬНО-КУЛЬТУРНЫХ ОБЪЕДИНЕНИЙ САНКТ-ПЕТЕРБУРГА

Впервые в Санкт-Петербурге в спортивном комплексе «Центр Физкультура и Здоровье» Красногвардейского района прошло соревнование по настольному теннису среди молодежи национально-культурных объединений и жителей города Санкт-Петербурга. Соревнования организовали  Молодежная организация Чувашской  национально-культурной автономии Санкт-Петербурга, Центр “Физкультура и Здоровье” и Санкт-Петербургский Дом национальностей. Финансирование мероприятия произвела Чувашская национально-культурная автономия Санкт-Петербурга. В соревнованиях приняли участие 21 человек из 12 национально-культурных объединений Санкт-Петербурга. Мероприятие торжественно открыли Соминский Алексей Игоревич, директор государственного бюджетного образовательного учреждения дополнительного образования детей
Подробнее
Сен272024 - РедакцияНет Ответов

900 ҫынна яхӑн старта тухнӑ

Ҫулсерен ирттерекен «Нацисен кросӗ» чи массӑллӑ спорт мероприятийӗсенчен пӗри шутланать. Ӑна халӑха сывӑ пурнӑҫ йӗркине ытларах явӑҫтарас, спортпа туслаштарас тӗллевпе йӗркелеҫҫӗ. Кӑҫалхи спорт уявӗ сентябрӗн 21-мӗшӗнче иртнӗ. Ҫак кун Комсомольскинчи «Кӗтне» физкультурӑпа спорт комплексӗн стадионне халӑх йышлӑн пуҫтарӑннӑ, кун хӗвеллӗ те ӑшӑ пулнине кура ачасем те, ҫитӗннисем те ӑмӑртуран айккинче юлман. Спортсменсене муниципаллӑ округ пуҫлӑхӗ Николай Раськин дистанцие ӑнӑҫлӑн парӑнтарма, спортра ҫӗнӗ ҫитӗнӳсем тума суннӑ. Хыҫҫӑнах VIP-чупу пуҫланнӑ: Николай Раськин, администрацин пай ертӳҫисемпе специалисчӗсем, территори уйрӑмӗсен начальникӗсем, шкул директорӗсем старта тухнӑ. Малалла вара ача садне ҫӳрекенсенчен пуҫласа ветерансем таранах тӗрлӗ дистанцисенче вӑй виҫнӗ. Пурӗ округра ҫ
Подробнее
Сен202024 - РедакцияНет Ответов
«Наци кросӗ» сентябрӗн 21-мӗшӗнче иртет

«Наци кросӗ» сентябрӗн 21-мӗшӗнче иртет

Ҫулсеренех «Наци кросӗ» — Пӗтӗм Раҫҫейри чупу кунӗ сентябрь уйӑхӗнче иртет. Кӑҫал спорта кӑмӑллакансене 21-мӗшӗнче старта йыхравлаҫҫӗ. Ӑмӑрту VIP-чупупа пуҫланӗ,  унтан старта ача садне ҫӳрекенсем тухаҫҫӗ. 55 ҫултан аслӑраххисем 400-шер метр дистанцие парӑнтарӗҫ.  55 ҫула ҫитичченхи арҫынсен 1600 метр, хӗрарӑмсен 1200 метр чупса ӑмӑртмалла. Шкул ачисем ӳсӗмне кура 5 ушкӑнра старта тухаҫҫӗ. Хутшӑнакансем хушшинче чи кӗҫӗннине тата чи аслине уйрӑммӑн хавхалантараҫҫӗ. Организаци-учреждени ертӳҫисем, шкул ачисем кӑҫал та  хастар пуласса шанаҫҫӗ. Ӑмӑртусем 10.00 сехетре «Кӗтне» ФСКра иртеҫҫӗ. (Хамӑр инф.).
Подробнее
Сен202024 - РедакцияНет Ответов

Спорт фестивлӗ иртрӗ

Сентябрӗн 14-мӗшӗнче «Кӗтне» физкультурӑпа спорт комплексӗнче пӗртӑван Зубаревсене халалланӑ спорт фестивалӗ иртрӗ. Ку фестивале кашни ҫулах паллӑ ентешсене — полиатлонпа ветерансем хушшинчи Раҫҫей чемпионне Сергей Зубарева тата республикӑра иртнӗ нумай спорт ӑмӑртӑвӗсен призерне Юрий Зубарева халалласа ирттереҫҫӗ. Ӑмӑртӑва ҫулсерен спорта юратакансем йышлӑн пуҫтарӑнаҫҫӗ. Кӑҫал та унта спорт ветеранӗсем ҫеҫ мар, округри шкулсенче пӗлӳ илекенсем те кӑмӑлтан тупӑшрӗҫ. Мероприятие округ администрацийӗн пуҫлӑхӗн ҫумӗн тивӗҫӗсене пурнӑҫлакан Фарад Зейнетдинов, ЧР спорт ветеранӗсен канашӗн председателӗ, «Россия» спорт обществин Чӑваш Енри уйрӑмӗн председателӗ, ЧР тава тивӗҫлӗ физкультурӑпа спорт ӗҫченӗ Василий Шоркин, «Кӗтне» спорт шкулӗн директорӗн тивӗҫӗсене вӑхӑтлӑх пурнӑҫлакан Петр По
Подробнее
Сен202024 - РедакцияНет Ответов

Егорова асӑнса – футбол турнирӗ

Пӗр синкерлӗ кун Чечен Республикинче служба командировкинче пулнӑ ентешсем инкеке лекнӗ. РФ ШӖМ уйрӑмӗн территорине кӗме тытӑннӑ террорист хӑйне хӑй сирпӗтсе янӑ. Унпа пӗрле Чӑваш Енри полицин икӗ ӗҫченӗн — Александр Егоровӑн тата Валерий Пучковӑн пурнӑҫӗсем татӑлнӑ.  Ҫак кунсенче Анат Тимӗрчкасси ялӗнче Чечен Республикинче  пуҫне хунӑ Александр Егорова асӑнса футбол турнирӗ ирттернӗ. А.Егоров аслӑ сержант 2013 ҫулхи сентябрь уйӑхӗнче пурнӑҫран уйрӑлнӑ. Вилнӗ хыҫҫӑн ӑна Хӑюлӑх орденӗпе наградӑланӑ. Мероприятие Комсомольски муниципаллӑ округ пуҫлӑхӗ Николай Раськин, РФ Ш,Мӗн полицин патрульпе пост службин Шупашкарти батальон командирӗ Ярослав Игнатьев, Чӑваш Республикинчи обществӑлла йӗркене хӳтӗлекен управленин начальникӗ Николай Григорьев, ШӖМ управленийӗн канашӗн ветеранӗ Сер
Подробнее
Авг302024 - РедакцияНет Ответов

Спорт уявӗ хавхалантарнӑ

Нумаях пулмасть аслӑ ӑрӑвӑн «Кӗмӗл ӳсӗм» хутшӑну центрне ҫӳрекенсем «Кӗтне» физкультурӑпа спорт комплексӗн стадионне пуҫтарӑнса РФ Патшалӑх ялавӗн кунне халалланӑ спорт уявне хутшӑннӑ. Хастарсем тренажерсем ҫинче тӗрлӗ хусканусем туса хӑйсен вӑй-халне аталантарнӑ, баскетбол ункине ҫӑмха ывӑтас, футбол мечӗкне хапхана тапса кӗртес енӗпе ӑмӑртнӑ. Пӗр сӑмахпа каласан, вӑхӑта усӑллӑ та интереслӗ ирттернӗ. Мероприятие хутшӑнакансене ҫанталӑкӗ те савӑнтарнӑ, ӑмӑр кунсем хыҫҫӑн ӑшӑ хӗвел тухни лайӑх кӑмӑл парнеленӗ. «Патшалӑх ялавӗ — ҫӗршывӑн пӗрлӗхӗн, унӑн историйӗпе паянхи кунӗн символӗ. Чи кирли вара — вӑл халӑхӑн пӗрлӗхне кӑтартать. Аслӑ ӑрӑва пӗрлештерекен, хавхалантаракан ҫакӑн пек мероприятисем ирттерме пултарнӑшӑн эпир питӗ хавас», — палӑртнӑ «Кӗмӗл ӳсӗм» центра ҫӳрекенсем. 
Подробнее
Авг232024 - РедакцияНет Ответов

Паттӑр ячӗпе турнир

Ятарлӑ ҫар операцине хутшӑнса пирӗн ҫӗршывӑн пуласлӑхӗшӗн пуҫӗсене хунӑ ентешсене асра тытса тӑрасси — пирӗн тивӗҫ. Ҫак кунсенче паттӑррӑн пуҫне хунӑ Димитрий Степанова асӑнса Асанкассинче волейбол турнирӗ ирттернӗ. Кӑҫалхипе вӑл виҫҫӗмӗш хут пулнӑ. Мероприятие уҫса муниципаллӑ округ пуҫлӑхӗн тивӗҫӗсене вӑхӑтлӑх пурнӑҫлакан Альберт Кузьмин сӑмах каланӑ, паттӑрсене яланах асра тытмаллине палӑртнӑ, командӑсене ӑнӑҫу суннӑ. Турнира волейбол вӑййине юратакансем   йышлӑн пуҫтарӑннӑ. Пурӗ 6 команда ӑмӑртӑва хутшӑнса пултарулӑхне кӑтартса панӑ, хӗрӳ тупӑшура ҫӗнтерӳ патне ӑнтӑлнӑ. Куракансем волейболистсене вӑйӑ тӑршшӗпех хавхалантарса пынӑ.  Шупашкартан килнӗ спортсменсен «Вымпел» команди пысӑк ӑсталӑх кӑтартса турнирӑн ҫӗнтерӳҫи пулса тӑнӑ. Пьедесталӑн иккӗмӗш картлашки
Подробнее
Авг162024 - РедакцияНет Ответов

Спорт тусӗсем тӗрлӗ енлӗн ӑмӑртнӑ

Пирӗн ҫӗршывра йӑлана кӗнӗ тӑрӑх августӑн иккӗмӗш шӑматкунӗнче Физкультурник кунне уявлаҫҫӗ. Ҫак уяв пире спорт пурнӑҫра питӗ пысӑк вырӑн йышӑнни ҫинчен аса илтерет, сывӑ пурнӑҫ йӗркине пӑхӑнма, кӗлеткене аталантарма хистет. Уяв спортӑн вӑл е ку тӗсӗнче пысӑк ҫитӗнӳсем туса мухтава тивӗҫнисене ҫеҫ мар, кулленхи пурнӑҫра физкультурӑпа туслисене те пӗрлештерет. Ҫак кунсенче Комсомольскинчи «Кӗтне» спорт комплексӗнче Физкультурник кунне халалласа уяв ирттернӗ, спорта юратакансем тӗрлӗ ӑмӑртусене хутшӑннӑ. Чи малтанах пуҫтарӑннисем ҫӑмӑл атлетика енӗпе спорт мастерӗпе Алевтина Биктимировӑпа пӗрле ирхи зарядка ирттернӗ. Муниципаллӑ округ пуҫлӑхӗ Николай Раськин спорта юратакансене уяв ячӗпе ӑшшӑн саламланӑ, спорт ветеранӗсене Вениамин Белкова, Николай Ятманова, Геннадий Петухова, Евгений Ти
Подробнее
Авг92024 - РедакцияНет Ответов
Спорт сывлӑха ҫирӗплетет, ҫитӗнӳсем тума хавхалантарать

Спорт сывлӑха ҫирӗплетет, ҫитӗнӳсем тума хавхалантарать

Пирӗн округра сывӑ пурнӑҫ  йӗркине тытса пыракансем сахал мар. Вӗсем ялти, округри, республикӑри, Раҫҫей шайӗнчи ӑмӑртусене  хутшӑнаҫҫӗ, япӑх мар кӑтартусем тӑваҫҫӗ. Кӑҫал ирӗклӗ майпа кӗрешекен Е.Давыдов, Д.Чумаков, Д.Маргиданов, А.Зейнетдинов тата ытти кӗрешӳҫӗсем хӑйсен виҫе категорийӗсенче ӑмӑртса  республика шайӗнче пӗрре мар малти вырӑна тухрӗҫ. Патӑрьелӗнчи 14—15 ҫулхи арҫын ачасемпе хӗр ачасем хушшинче армрестлинг енӗпе  иртнӗ ӑмӑртура пирӗн округ команди 2-мӗш вырӑн йышӑнчӗ. А.Сафиуллинпа И.Шакуров хӑйсен  виҫе категорийӗсемпе чемпионсем  пулчӗҫ. Пирӗн округри футболистсен «Исток» команди республикӑри 2-мӗш лигӑра  ӑмӑртса малти вырӑн йышӑнчӗ. Волейболистсен «Кубня» команди те регион шайӗнче палӑрчӗ. ГТО нормативӗсене пурнӑҫлас енӗпе 2023
Подробнее
Июл262024 - РедакцияНет Ответов
Паттӑра асӑнса – турнир

Паттӑра асӑнса – турнир

Тӑван ҫӗршыва хӳтӗлесе хӑйсен пурнӑҫне шеллемен паттӑрсене асра тытасси — пирӗн тивӗҫ. Украинӑри ятарлӑ ҫар операцийӗнче пуҫӗсене хунӑ ентешсене асӑнса округра час-часах спорт ӑмӑртӑвӗсем иртеҫҫӗ. Ҫакӑн пек мероприятисем ҫитӗнекен ӑрусене те ҫирӗп кӑмӑллӑ, хӑюллӑ, ҫӗршыва юрӑхлӑ пулма хистеҫҫӗ. Июлӗн 20-мӗшӗнче Янкасси ялӗнче Украинӑри ятарлӑ ҫар операцийӗнче пуҫне хунӑ Анатолий Логинова асӑнса мини-футболпа тата волейболпа турнир ирттернӗ. Анатолий Логинов 2023 ҫулта хӑй ирӗкӗпе ятарлӑ ҫар операцине тухса кайнӑ, Клещеевка ҫывӑхӗнче ҫапӑҫнӑ. Пӗлтӗрхи июлӗн 20-мӗшӗнче нацистсен «Азов» ушкӑнӗпе тан мар ҫапӑҫура Анатолий тата унпа пӗр ушкӑнра ҫапӑҫакансем паттӑррӑн пуҫӗсене хунӑ. Анатолий Викторовича вилнӗ хыҫҫӑн Хӑюлӑх орденӗпе наградӑланӑ. Мероприятие уҫса Хирти Сӗнтӗр территори у
Подробнее
Июл122024 - РедакцияНет Ответов
126 километр парӑнтарчӗҫ

126 километр парӑнтарчӗҫ

Физкультурӑна пропагандӑлас, халӑха спорта тата сывӑ пурнӑҫ йӗркине явӑҫтарас тӗллевпе республикӑра кашни ҫулах профсоюзсен велочупӑвне йӗркелеҫҫӗ.  Июлӗн 6-мӗшӗнче профсоюзсен V «Потому чТо мы Вместе» велочупӑвӗ иртрӗ. Ку вӑл профсоюзсем йӗркелекен чи интереслӗ, нумай ҫынна илӗртекен спорт мероприятийӗсенчен пӗри. Унта пирӗн ҫӗршывӑн тӗрлӗ регионӗсенчен велоспорта юратакансем пуҫтарӑнаҫҫӗ. Мероприятие йӗркелекенсем кӑҫалхи юбилейлӑ маршрута тата та интереслӗрех тума тӑрӑшнӑ. Профсоюзсен пиллӗкмӗш велочупӑвне хутшӑнма ҫӗршывӑн 22 регионӗнчен пурӗ 200 ытла спортсмен пуҫтарӑннӑ. Ирхине вӗсем Комсомольски ялӗнче старта тухрӗҫ. Муниципаллӑ округ пуҫлӑхӗ Николай Раськин велочупӑва пуҫтарӑннисене саламласа ҫак физкультура мероприятийӗ профсоюз юхӑмӗн пӗрлӗхне кӑтартса пани ҫинчен кал
Подробнее
Июн282024 - РедакцияНет Ответов

Асӑну каҫӗсем, тӗрлӗ ӑмӑртусем иртнӗ

Иртнӗ эрнере пирӗн округра пурӑнакансем Асӑнупа хурлӑх кунне (июнӗн 22-мӗшӗ Аслӑ Отечественнӑй вӑрҫӑ пуҫланнӑ кун) паллӑ турӗҫ. Июнӗн 23-мӗшӗ Троица уявӗ пулчӗ. Ҫынсем вилнисене асӑнма масарсем ҫине ҫитрӗҫ. Ҫав кунсенче округри территори уйрӑмӗсенчи ялсенче культура тата спорт мероприятийӗсем те нумай  иртнӗ. Кашни ҫемьенех пырса тивнӗ Тӑван ҫӗршывӑн Аслӑ вӑрҫи. Чылай ҫын фронтран яла таврӑнайман. Ҫапӑҫу хирӗсенче пуҫ хунисене асӑнса «Асӑну ҫуртисем» ҫутнӑ. Аслӑ   Отечественнӑй вӑрҫа хутшӑннисем ячӗпе лартнӑ палӑксем патне чечек ҫыххисем хунӑ. Культура ҫурчӗсенче Асӑну каҫӗсем йӗркеленӗ. Троица умӗн ялсенче спорт ӑмӑртӑвӗсем те чылай пулнӑ.  Акӑ, Аслӑ Чурачӑк, Анат тата Тури Тимӗрчкасси, Ҫӗнӗ Мӑрат ялӗсенчи ҫамрӑксем футбол уйӗнче тупӑшнӑ. Аслӑ Чурачӑк ялӗнче ирт
Подробнее
Июн182024 - РедакцияНет Ответов
Спартакиада иртнӗ

Спартакиада иртнӗ

«Кӗтне» физкультурӑпа спорт комплексӗнче округри вӗрентӳ учрежденийӗсенче ӗҫлекенсем хушшинче спартакиада иртнӗ. Сывӑ пурнӑҫ йӗркине юратакансене профсоюзӑн вырӑнти комитечӗн председателӗ В.Макарова саламланӑ, ӑмӑртусенче ӑнӑҫу суннӑ. Округри 12 вӗрентӳ учрежденийӗнчи 100е яхӑн спорт тусӗ  ҫуран чупассипе, дартспа тупӑшнӑ, хаваслӑ стартсенче тата ытти енсемпе мала тухассишӗн ӑнтӑлнӑ. Ӑмӑртусем чӑннипех те хаваслӑ та кӑсӑклӑ ҫав вӑхӑтрах хӗрӳ иртнӗ. Чи пултаруллисем ҫӗнтерӳҫӗ пулса тӑнӑ. Пӗрремӗш вырӑна «Кӗтне» спорт шкулӗн ӗҫченӗсем ҫӗнсе илнӗ. Иккӗмӗш вырӑнта Комсомольски 2-мӗш шкулӗнче тӑрӑшакансем. Виҫҫӗмӗшӗнче «Рябинушка» ача сачӗн коллективӗ. Ҫӗнтерӳҫӗсем наградӑсене тивӗҫнӗ. Шкул ачисем ҫеҫ мар, вӗсене вӗрентекенсем те «Спорт — пурнӑҫ норми» девизпа  пурӑнаҫҫӗ, ӗҫлеҫҫӗ. Ҫ
Подробнее
Май212024 - РедакцияНет Ответов
Командирсем маттур та пултаруллӑ

Командирсем маттур та пултаруллӑ

«Зарница» тата Орленок ҫарпа спорт вӑййисем    ӳсекен ӑрӑва  патриотизмла  воспитани парас енӗпе пысӑк пӗлтерӗшлӗ.  Кӑҫал вӗсем пирӗн округра 55-мӗш хут иртрӗҫ.    Шкулсенчи ҫамрӑк армеецсем  майӑн 13—17-мӗшӗсенче хӑйсен пултарулӑхӗпе ӑсталӑхне кӑтартрӗҫ. Командӑпа ӗҫлесси — кӑткӑс та хӑйне май интереслӗ. Командир пултарулӑхӗнчен, вӑл хӑй хыҫҫӑн ертсе пыма пӗлнинчен нумай килет.  «Орленок» ҫарпа спорт вӑййисене хутшӑнакансемшӗн те ҫакӑ питӗ пӗлтерӗшлӗ. Ҫавӑнпа та «Командир малта пырать» конкурс питӗ хӗрӳ иртрӗ. Унта командӑсен ертӳҫисем хӑйсен пултарулӑхне тӗрлӗ енсенче кӑтартса пачӗҫ. Тӗл пересси енӗпе Комсомольски 2-мӗш вӑтам шкулӗн командирӗ Кирилл Кузьмин мала тухрӗ. Данияр Хамдеевпа (Урмаел вӑтам шкулӗ) Виктория Зуева (Нӗркеҫ вӑтам шкулӗ) та лайӑх кӑтартусемпе палӑ
Подробнее
Май142024 - РедакцияНет Ответов
Япӑх мар ӑмӑртрӗҫ

Япӑх мар ӑмӑртрӗҫ

Пирӗн округра пурӑнакансем «За активное долголетие» республикӑри спартакиадӑна хастар хутшӑнаҫҫӗ. Апрель уйӑхӗн вӗҫӗнче Кӳкеҫре иртнӗ ӑмӑртура япӑх мар кӑтартусем тунӑ. Р.В.Сапожникова 300 метра чупса 2-мӗш вырӑн йышӑннӑ. Н.В.Волков финишра 5-мӗш пулнӑ. 4 хӗрарӑмран тата 4 арҫынтан тӑракан команда комбинированнӑй эстафетӑра 3-мӗш вырӑн ҫӗнсе илнӗ. Ку эстафета пирки тӗплӗнрех чарӑнса тӑрас килет. Вӑл 8 тапхӑртан тӑрать. Пӗрремӗшӗнче Р.Сапожникова скакалкӑпа сиксе, ун хыҫҫӑн Г.Гаврилова ункӑсем витӗр тухса, Н.Волков футбол мечӗкӗпе тӗрлӗ фигурӑсем хушшипе иртсе, Л.Васильева дартс енӗпе, В.Гаврилов теннис ракетки ҫинче шара сиктерсе пырса, Т.Перепелкина барьерсем айӗнчен шуса тухса, В.Скворцов футбол мечӗкне пӗчӗк хапхасене тапса кӗртсе, Г.Орлов тӳп-тӳрӗ чупса ӑмӑртрӗҫ. Кашниех хӑйсен тап
Подробнее
Май72024 - РедакцияНет Ответов
Ентеш ячӗпе – турнир

Ентеш ячӗпе – турнир

Халӑх Украинӑри ятарлӑ ҫар операцине хутшӑнса пуҫ хунӑ салтаксен ятне манмасть. Вӗсене асӑнса тӗрлӗ мероприятисем йӗркелеҫҫӗ. Ҫакӑ вӗсен ятне ӗмӗрлӗхех асра тытма май парать. Акӑ, апрелӗн 27-мӗшӗнче «Кӗтне» физкультурӑпа спорт комплексӗн стадионӗнче ятарлӑ ҫар операцийӗнче паттӑрла вилнӗ «Хӑюлӑхшӑн» ордена тивӗҫнӗ В.С.Жуков ячӗпе мини-футбол енӗпе ҫитӗннисем хушшинче  турнир иртнӗ. Мероприятие уҫнӑ ҫӗре округ пуҫлӑхӗн социаллӑ ыйтусемпе ӗҫлекен ҫумӗ Н.А.Комиссарова, Комсомольски тата Елчӗк округӗсен ҫар комиссарӗ С.Ю.Данилов, рота командирӗ, Ҫӗнӗ Шупашкар хулин депутачӗсен Пухӑвӗн депутачӗ Г.А.Михайлов, Владимирпа пӗрле службӑра пулнисем, унӑн амӑшӗ, мӑшӑрӗ, ачисем, тӑванӗсем хутшӑннӑ. Вӗсем В.Жукова  манманни,  ятне чӗрисенче упрани, унӑн паттӑрлӑхне асра тытни пирки
Подробнее
Апр232024 - РедакцияНет Ответов

Чи пултаруллисем ҫӗнтернӗ

Иртнӗ эрнере «Кӗтне» физкультурӑпа спорт комплексӗнче ҫӑмӑл атлетсен Чӑваш Республикинчи ӑмӑртӑвӗн муниципалитет тапхӑрӗнчи тупӑшӑвӗсем иртнӗ. Унта округри пур шкулсен командисем те хутшӑннӑ. 2007—2008 ҫулта ҫуралнӑ  хӗрсенчен 60 метра чупса  В.Григорьева (Аслӑ Чурачӑк вӑтам шкулӗ) пӗрремӗш, А.Прокопьева (Ҫӗнӗ Мӑрат вӑтам шкулӗ) иккӗмӗш, Г.Шарафутдинова (Чӗчкен тӗп шкулӗ) виҫҫӗмӗш вырӑнсем ҫӗнсе илнӗ. 300 метрлӑ дистанцире малти виҫӗ вырӑна К.Ильина (Ҫӗнӗ Мӑрат вӑтам шкулӗ), В.Григорьева (Аслӑ Чурачӑк  вӑтам шкулӗ), Г.Шарафутдинова (Чӗчкен тӗп шкулӗ) йышӑннӑ. 1000 метрлӑ дистанцие К.Ильина (Ҫӗнӗ Мӑрат вӑтам шкулӗ) чи малтан чупса тухнӑ. Ун хыҫҫӑн финиша П.Порфенова (Аслӑ Чурачӑк вӑтам шкулӗ) тата К.Потапова (Хирти Явӑш вӑтам шкулӗ) ҫитнӗ. Мечӗке чи инҫе ывӑтаканни Н.Осипова (Александро
Подробнее
Апр162024 - РедакцияНет Ответов
Ҫуллахи спорт сезонне уҫрӗҫ

Ҫуллахи спорт сезонне уҫрӗҫ

Иртнӗ шӑматкун «Кӗтне» физкультурӑпа спорт комплексне ҫӑмӑл атлетикӑна юратакансем йышлӑн пуҫтарӑнчӗҫ. Стадионта  ҫак кун ҫуллахи спорт сезонне савӑнӑҫлӑ лару-тӑрура уҫса округра мала тухассишӗн кросс енӗпе ӑмӑрту иртрӗ. Унта вӗрентӳ учрежденийӗсенче пӗлӳ илекенсем, спортпа туслӑ ҫынсем йышлӑн хутшӑнчӗҫ. Тупӑшӑва килнисене округ пуҫлӑхӗн пӗрремӗш ҫумӗ А.Г. Кузьмин, «Кӗтне» физкультурӑпа спорт комплексӗн директорӗн ӗҫӗсене тӑвакан В.Х.Денисов саламларӗҫ, ӑнӑҫлӑ финишсем сунчӗҫ. 2 километрлӑ дистанцире 2006—2008 ҫулсенче ҫуралнӑ хӗрачасем хушшинче малти виҫӗ вырӑна Карина Ильина, Полина Парфенова, Виктория Федорова ҫӗнсе илчӗҫ. Ҫак ӳсӗмри арҫын ачасенчен чи пултаруллисем Ярослав Кокорев, Максим Мышкин, Расиль Гайнуллов пулчӗҫ. 2009—2010 ҫулсенчи хӗрачасем хушшинче Милена Лукия
Подробнее
Апр162024 - РедакцияНет Ответов
Халӑх вӑййи аталантӑр

Халӑх вӑййи аталантӑр

Пирӗн мӑн асаттесемех чушкӑлла вылянӑ. Ҫак халӑх вӑййи манӑҫа ан тухтӑр, аталантӑр тесе спорт ветеранӗ В.И.Пундяков нумай тӑрӑшать. Ун пуҫарӑвне округри влаҫ органӗсенче ӗҫлекенсем те ырласа йышӑнаҫҫӗ. Нумаях пулмасть «Кӗтне» физкультурӑпа спорт комплексӗн стадионӗнче ветерансем хушшинче чушкӑлла выляс енӗпе иртнӗ ӑмӑртӑва хутшӑнакансене саламлама  округ пуҫлӑхӗ Н.Н.Раськин та килни ҫакна ҫирӗплетет. Ветерансем хӑйсен тӗслӗхӗсемпе ҫак вӑййа ҫамрӑксене те явӑҫтарас тӗллевлӗ. Вӑйӑсем интереслӗ иртрӗҫ. Ҫулсенчи ҫынсем хӑйсен ачалӑхне таврӑнса хаваспах патакпа инҫетре вырнаҫтарнӑ йывӑҫ фигурӑсене ытларах ҫапса ӳкерес тесе тӑрӑшрӗҫ. 55 ҫулхи тата аслӑрах хӗрарӑмсем хушшинче Тамара Перепелкина чи нумай очко пуҫтарса ҫӗнтерӳҫӗ пулса тӑчӗ. Альбина Полякова иккӗмӗш вырӑн йышӑнчӗ. Валентина
Подробнее
Апр122024 - РедакцияНет Ответов

Спортпа туслӑ салтак

Йӑлмахва ялӗнче 2004 ҫулхи апрелӗн 13-мӗшӗнче ҫуралнӑ Андриян Яковлева 2023 ҫулхи ноябрь уйӑхӗнче салтака кайма повестка тыттарнӑ. Ҫамрӑк каччӑ Псков хулине ракетчиксен ҫарне лекет. Ҫӳллӗ шайри ҫар дисциплини кашни салтака ҫар присягине шанчӑклӑ тытса пыма хистет. Ҫапла калаҫҫӗ халӑхра: «Ҫар службинчен ҫамрӑксем арҫын пулса таврӑнаҫҫӗ». Паллах, ҫӑмӑлах мар службӑра, анчах пӗтӗм йывӑрлӑхсене парӑнтарать ҫамрӑк ҫын. Яковлев рядовой ҫар службинче малтанхи кунсенчех хӑйне пур енӗпе те лайӑх енчен ҫеҫ кӑтартать. Ҫар уставне тимлӗн ӑнланса пурнӑҫлать, нарядсене пӗр асӑрхаттарусӑр ирттерсе ярать, ҫуралнӑ ялпа, ҫывӑх ҫынсемпе яланах ҫыхӑну тытать. Кӑҫалхи февралӗн 23-мӗшӗнче Тӑван ҫӗршыва хӳтӗлекенсен кунӗнче Андриян службӑра тӑракан чаҫре уяв ячӗпе спорт мероприятийӗсем ирттернӗ, кире пука
Подробнее
Апр122024 - РедакцияНет Ответов

Республика тулашӗнче палӑрнӑ

Нумаях пулмасть Мари Элта С.Н.Бутяков ячӗпе каратэ енӗпе республикӑн уҫӑ ӑмӑртӑвӗ пулса иртнӗ. Унта пирӗн округри ачасемпе ҫамрӑксен «Кӗтне» спорт шкулӗн спортсменӗсем те хутшӑннӑ. Андрей Самарин 63 килограмм виҫеллисем хушшинче пӗрремӗш вырӑн ҫӗнсе илнӗ. Юлия Акчурина 32 килограмм таранхи виҫере иккӗмӗш пулнӑ. Савелий Скворцов ҫак виҫерех виҫҫӗмӗш вырӑн йышӑннӑ. Каратэ пирӗн округра аталанса ҫеҫ пырать-ха. В.В.Акчурин тренер воспитанникӗсем пысӑк ҫитӗнӳсем туни савӑнтарать. Валерий Денисов.
Подробнее
Апр122024 - РедакцияНет Ответов
Пӗчӗклех маттур

Пӗчӗклех маттур

Урмаел вӑтам шкулӗнче вӗренекен Салих Сахров 8 ҫулта анчах-ха. Апла пулин те вӑл спортра пысӑк ҫитӗнӳсем тунипе палӑрса тӑрать. Иртнӗ ҫул вӑл Хусанта  хӗллехи дуатлон енӗпе иртнӗ ӑмӑртура 1-мӗш вырӑн йышӑннӑччӗ. Мускавран акватлон ӑмӑртӑвӗнчен 2-мӗш вырӑнпа таврӑннӑччӗ. Нумаях пулмасть вӑл Сочи хулинче иртнӗ Пӗтӗм Раҫҫейри «Лига триатлона. Дети» ӑмӑртӑва хутшӑннӑ. Хӑйӗн ӳсӗм ҫулӗсенчи спортсменсемпе ӑмӑртса дуатлон енӗпе 3-мӗш вырӑн ҫӗнсе илнӗ. Халӗ Салих асӑннӑ тупӑшӑвӑн Волгоградра иртекен 3-мӗш тапхӑрне хутшӑнма хатӗрленет. Пултаруллӑ ачана унта та ӑнӑҫу сунатпӑр. Нежметдин Сахров.
Подробнее
Апр92024 - РедакцияНет Ответов
Паттӑр ентеш ячӗпе турнир

Паттӑр ентеш ячӗпе турнир

Украинӑри ятарлӑ ҫар операцине хутшӑнса «Хӑюлӑх» ордена тивӗҫнӗ, ҫапӑҫура вӑхӑтсӑр пуҫ хунӑ ентеше, Геннадий Павлова асӑнса ирӗклӗ майпа кӗрешес енӗпе уҫӑ турнир ирттересси йӑлана кӗчӗ. Кӑҫал вӑл «Кӗтне» физкультурӑпа спорт комплексӗнче  апрелӗн 7-мӗшӗнче иртрӗ. Унта хамӑр округри спортсменсемпе пӗрлех республикӑран, Тутарстанран, Ульяновск облаҫӗнчен килнӗ хӑнасем те хутшӑнчӗҫ. Ҫак кун пурӗ 200 ытла кӗрешӳҫӗ кавир ҫине тухрӗ. Пуҫтарӑннисене малтанах  округ пуҫлӑхӗ Н.Н.Раськин саламларӗ. Кӗрешӳ чӑн-чӑн арҫынсемшӗн пулнине, ҫак спорт енӗ ҫамрӑксене кавир ҫинче ҫеҫ мар, кулленхи  пурнӑҫра кирлӗ пулакан  характера ҫирӗплетме пулӑшнине,  вӗсем кашниех Тӑван ҫӗршыв хӳтӗлевҫисем, унӑн тӗрекӗ пулнине палӑртрӗ. Ӑмӑртӑва уҫнӑ ҫӗре  округ пуҫлӑхӗн социаллӑ ыйтусемпе ӗҫлекен ҫумӗ Н.А.Комисса
Подробнее
Апр52024 - РедакцияНет Ответов
Спорт пур ӳсӗмрисене те кирлӗ

Спорт пур ӳсӗмрисене те кирлӗ

Шкул  ҫулӗсенче ҫеҫ мар, ҫитӗнсе ҫитсе ӗҫлеме пуҫласан та, тивӗҫлӗ канӑва кайсан та ҫынсемшӗн физкультурӑпа спорт юнашар пулмалла. Ҫак тӗллеве тытать «Демография» наци проекчӗн «Спорт — пурнӑҫ норми» проекчӗ. Халӑх пушӑ вӑхӑтне усӑллӑ та хӑйсемшӗн ирттертӗр, ытларах хусканусем туса сывлӑхне ҫирӗплеттӗр тесе кирлӗ условисем туса пама тӑрӑшать. Пирӗн округра халӑха сывӑ пурнӑҫ йӗркине тытса пыма явӑҫтарас тесе  тӗрлӗ ӑмӑртусем тӑтӑшах иртеҫҫӗ. Тепӗр чухне ялсенчи пуҫаруллӑ ҫамрӑксем хӑйсем тӗллӗнех футбол, волейбол тата ытти спорт енӗсемпе тупӑшусем йӗркелени савӑнтарать. Округ центрӗнчи «Кӗтне» физкультурӑпа спорт комплексӗнчи ӑмӑртусене тӗрлӗ ӳсӗмри ҫынсем хутшӑнаҫҫӗ. Ҫамрӑксене спорта явӑҫтарнипе пӗрлех вӗсен патриотизм туйӑмне ӳстерес тӗлӗшпе  Аслӑ Отечественнӑй, Афган
Подробнее
Апр52024 - РедакцияНет Ответов

Ун пек пуҫаруллӑ ҫын кирлех

Мӗн пӗчӗкренех спорта юратса ӳснӗскерӗн, Урмаел вӑтам шкулне пӗтернӗ хыҫҫӑн Фидаил Рахимзяновӑн малалла ӑҫта вӗренме каясси пирки ыйту тухса тӑман. Парта хушшинче ларнӑ чухнех хӑйне вӑй-хал енчен ҫирӗплетнӗ, пур предметсемпе те аван паллӑсемпе ӗлкӗрсе пынӑ. Ҫавӑнпа та вӑл И.Я.Яковлев ячӗллӗ Чӑваш патшалӑх институчӗн физвоспитани  факультетне ҫӑмӑллӑнах вӗренме кӗнӗ. Аслӑ вӗренӳ заведенине пӗтернӗ хыҫҫӑн ӑна Аслӑ Чурачӑк вӑтам шкулне ӗҫлеме яраҫҫӗ. 1984 ҫултан пуҫласа вара унӑн пӗтӗм пурнӑҫӗ ачасене спорта юратма хӑнӑхтарас, ӳт-пӗвне ҫирӗплетес енӗпе ҫыхӑнать. Ҫамрӑк специалист вӑл шкулта ҫӑмӑл атлетика, йӗлтӗр спорчӗ, футбол енӗпе секцисем йӗркелет. Ачасемпе тӗрӗс тренировкӑсем ирттерни, хавхалантарса пыни, вӗсене хӑйсен вӑйне туйма пулӑшни  «ҫимӗҫне» парать. Аслӑ Чурачӑк вӑт
Подробнее
Апр22024 - РедакцияНет Ответов
Ӗҫ коллективӗсем тупӑшрӗҫ

Ӗҫ коллективӗсем тупӑшрӗҫ

«Демографи» наци проекчӗн тӗллевӗсенчен  пӗри ҫӗршывра пурӑнакан халӑх ӗмӗрне вӑрӑмлатма пулӑшас, ҫынсене сывӑ пурнӑҫ йӗркине тытса пыма хавхалантарас, физкультурӑпа спорта явӑҫтарас енӗпе тӑрӑшасси пулса тӑрать. «Спорт — пурнӑҫ йӗрки» проекта пурнӑҫласа республикӑра та, пирӗн округра та тӗрлӗ мероприятисем чылай иртеҫҫӗ. Вӗсенчен пӗри — Пӗтӗм Раҫҫейри  ГТО физкультурӑпа спорт комплексне ӗҫ коллективӗсенче сарасси. Мартӑн 30-мӗшӗнче «Кӗтне» физкультурӑпа спорт комплексӗнче ӗҫ коллективӗсем хушшинче ГТО енӗпе Пӗтӗм Раҫҫейри фестивалӗн муниципаллӑ тапхӑрӗ иртрӗ. Пуҫтарӑннисене округ пуҫлӑхӗ Н.Н.Раськин, «Кӗтне» ФСК директорӗн ӗҫӗсене  тӑвакан В.Х.Денисов, фестивалӗн тӗп судйи П.Ю.Порядков саламларӗҫ, ӑнӑҫусем сунчӗҫ. «Ку — ҫынсен ӳсӗмне, профессине пӑхмасӑр сывӑ пурнӑҫ йӗрки
Подробнее
Мар262024 - РедакцияНет Ответов

Чи ӑстараххисем ҫӗнтернӗ

«Кӗтне» физкультурӑпа спорт комплексӗнче 2008 ҫулта ҫуралнӑ тата кӗҫӗнрех арҫын ачасем тата хӗр ачасем хушшинче округра мала тухассишӗн волейбол турнирӗ иртнӗ. Кашни командах тӑрӑшса вылянӑ. Арҫын ачасем хушшинче Александровка тӗп шкулӗнче вӗренекенсем ҫӗнтерӳҫӗ пулса тӑнӑ. Кӗҫӗн Ҫӗрпӳел тата Хирти Явӑш вӑтам шкулӗнче вӗренекенсем иккӗмӗш тата виҫҫӗмӗш вырӑнсем йышӑннӑ. Хӗрачасенчен чи пултаруллисем Хирти Явӑш вӑтам шкулӗнче вӗренекенсем пулнӑ. Икккӗмӗш вырӑна Хырай Ӗнел вӑтам шкулӗнче пӗлӳ илекенсем тухнӑ. Александровка тӗп шкулӗн команди виҫҫӗмӗш вырӑнта. Ҫӗнтерӳҫӗсем дипломсемпе медальсене тивӗҫнӗ. Ирина ИЛЬИНА.
Подробнее
Мар152024 - РедакцияНет Ответов

Хӗрсем ырӑ тӗслӗх кӑтартаҫҫӗ

Тӑманлӑ Выҫли ялӗнчи хӗрсен волейбол команди округра ҫак спорт енӗпе иртекен пур ӑмӑртӑва та хутшӑнма тӑрӑшать. Пӗрре мар вӗсем ҫӗнтерӳҫӗсем шутӗнче пулнӑ. Хӑйсен ялӗнче те волейбол енӗпе тупӑшусем йӗркелеҫҫӗ. Иртнӗ эрнере кунта  хӗрсем хушшинче турнир ирттерчӗҫ. Вӑйӑсем интереслӗ те хӗрӳ иртрӗҫ. Кашни командах ҫӗнтерӳшӗн ӑнтӑлчӗ. Апла пулин те хальхинче те Тӑманлӑ Выҫли ялӗн пикисем спорт площадкинче пысӑк  ӑсталӑхпа палӑрчӗҫ, турнирта пӗрремӗш вырӑн ҫӗнсе илчӗҫ. Аслӑ Чурачӑк ялӗнчи хӗрсен  туслӑ команди иккӗмӗш вырӑн йышӑнчӗ. Ҫӗнӗ Мӑратри волейболисткӑсем виҫҫӗмӗш пулчӗҫ. Хӗрсем хӑйсен ырӑ тӗслӗхӗпе куракансене сывӑ пурнӑҫ йӗркине тытса пыма, спортпа туслӑ пулма хавхалантараҫҫӗ. Ирина Ильина.
Подробнее
Мар122024 - РедакцияНет Ответов
Ентеш ячӗпе – турнир

Ентеш ячӗпе – турнир

Мухтавлӑ ентеш, Владислав Ильин вице-адмирал парнисемшӗн волейбол енӗпе ирттерекен турнир йӑлана кӗнӗ. Кӑҫал вӑл  мартӑн 7-мӗшӗнче «Кӗтне» физкультурӑпа спорт комплексӗнче иртрӗ. Унта 2008—2009 ҫулсенче ҫуралнӑ пирӗн округри хӗрсемсӗр пуҫне Шупашкар, Елчӗк, Йӗпреҫ, Вӑрнар, Патӑрьел муниципаллӑ округӗсенчен килнӗ спортсменкӑсем тупӑшрӗҫ. Ӑмӑртӑва  округ пуҫлӑхӗ Н.Н.Раськин уҫрӗ, ҫамрӑк волейболисткӑсене тупӑшусенче ӑнӑҫу сунчӗ. Салам сӑмахӗсемпе Раҫҫей Федерацийӗн Геройӗ Н.Ф.Гаврилов генерал-лейтенант, Раҫҫей писательсен союзӗн членӗ, ҫар ветеранӗ И.М.Вершинин, «Кӗтне» ентешлӗх представителӗсем,  турнир спонсорӗ, предприниматель В.Е.Михеев, округри депутатсен Пухӑвӗн председателӗ С.Н.Грачева тухса калаҫрӗҫ. Тупӑшусем хӗрӳ те интереслӗ иртрӗҫ, кашни командах ҫӗнтерӳшӗн ӑнтӑлчӗ. Пысӑк
Подробнее
Мар72024 - РедакцияНет Ответов
Ӑмӑртӑва йыхравлатпӑр

Ӑмӑртӑва йыхравлатпӑр

Мартӑн 9-мӗшӗнче хӗллехи спорт сезонӗ хупӑннӑ ятпа, «Каҫал ен» хаҫат парнисене ҫӗнсе илессишӗн йӗлтӗрҫӗсен йӑлана кӗнӗ  эстафетӑллӑ ӑмӑртӑвӗ пулать. Вӑл Комсомольскинчи вӑрман хӗрринче 10 сехетре пуҫланать. Кӑмӑл тӑвакансем пурте унта хутшӑнма пултараҫҫӗ. Пӗтӗмӗшле пӗлӳ паракан тӗп тата вӑтам шкулсен командисенче 2 хӗрачапа  2 арҫын ача пулмалла. Предприятисемпе организацисен, учрежденисен командисенче  3 арҫынпа 1 хӗрарӑм старта тӑрӗ. Ветерансен командисем 2 арҫынран тата 2 хӗрарӑмран пулмалла.  Пурте 1 километра чупӗҫ. Пурне те ӑмӑртӑва йыхравлатпӑр!
Подробнее
Мар12024 - РедакцияНет Ответов
Ҫар ҫыннисем пек  кӑтартса пачӗҫ

Ҫар ҫыннисем пек  кӑтартса пачӗҫ

Тӑван ҫӗршыва юратма, хаклама, сыхлама  мӗн пӗчӗкрен хӑнӑхтармалла. Ҫак чӑнлӑха тӗпе хурса ӗҫлеҫҫӗ Комсомольски 1-мӗш вӑтам шкулӗнче тӑрӑшакан вӗрентекенсем. Кунта Ҫӗршыв хӳтӗлевҫин кунне халалласа стройпа юрӑ смотрӗ ирттересси йӑлана кӗнӗ. Кӑҫал та ҫак тупӑшӑва ачасемпе вӗрентекенсем чылай малтан хатӗрленме пуҫларӗҫ. Стройра хӑйсене тытма, тӗрӗс пусса утма, ҫаврӑну хӑнӑхӑвӗсем тума  вӗренчӗҫ. Шкулти 5—8-мӗш классенче вӗренекенсемпе ОБЖпа вӗрентекен Г.Н. Миронов, физкультура учителӗсем В.П.Автономовпа А.Ф.Мамуткин чылай вӑхӑт ӗҫлерӗҫ. Палӑртнӑ кун Раҫҫей тата Чӑваш Республикин гимнӗсем янрарӗҫ, музыка учителӗ Е.В.Федотов йӗркелесе пынипе параппанҫӑсен взводӗнчи вӗренекенсен пӗр тикӗс кӗввипе ялав ҫӗклесе кӗчӗҫ. Шкул директорӗ И.А.Соловьева ачасене уяв ячӗпе саламларӗ, смотрта ӑ
Подробнее
Мар12024 - РедакцияНет Ответов
Вырӑнта та ӑмӑртусем йӗркелемелле

Вырӑнта та ӑмӑртусем йӗркелемелле

Тивӗҫлӗ канӑва кайнисен ӗмӗрне вӑрӑмлатма, спортпа туслаштарма хавхалантарас тӗллевпе Раҫҫейри «Пенсионерсен союзӗ» обществӑлла организаци май килнӗ таран тӑрӑшать. Ҫак тӗллевпех «Спортивное долголетие» спартакиада йӗркелет те. Ҫулсем иртсен те чун ватӑлмасть. Кунсерен хусканусем туни, ҫуран е йӗлтӗрпе чупни, велосипедпа ҫӳрени кашни ватӑ ҫыннах кирлӗ. Пысӑк кӑтартусемшӗн мар, сывлӑха ҫирӗплетес тӗлӗшпе ӑмӑртусене хутшӑнни те лайӑх. Ҫынсене куратӑн, хӑвна тӗрӗслесе пӑхатӑн. Кунта пӗр сиен те ҫук. Пирӗн округра ҫакна ӑнланакансем пур, анчах та вӗсен йышӗ нумаях мар.  Февраль пуҫламӑшӗнче «Кӗтне» физкультурӑпа спорт комплексӗнче республикӑра иртекен спартакиадӑна хатӗрленес енӗпе ӑмӑртусем йӗркеленӗччӗ. Ҫакӑн ҫинчен малтанах пӗлтернӗччӗ. Шел пулин те, шахмат вӑййине 6 арҫын анчах ху
Подробнее
Мар12024 - РедакцияНет Ответов
Чӗмпӗртен, Улатӑртан ҫӗнтерӳпе

Чӗмпӗртен, Улатӑртан ҫӗнтерӳпе

Пирӗн тӑрӑхри йӗлтӗрҫӗсем вырӑнти, республикӑри ӑмӑртусенче палӑрнипе пӗрлех  вӗсен тулашӗсенчи тупӑшусенчен те наградӑсемпе таврӑнаҫҫӗ. Февраль уйӑхӗн вӗҫӗнче Ульяновск хулинче Чӗмпӗр кубокӗшӗн йӑлана кӗнӗ турнирӗ иртнӗ. Унта Ульяновск, Самара, Сызрань, Тольятти, Пенза, Мускав облаҫӗсенчи, Хусанти вӑйлӑ йӗлтӗрҫӗсем старта тӑнӑ. Хӑйсен ӳсӗмӗсенчи спортсменсем хушшинче ӑмӑртса Хырхӗрринчи Николай  Ятманов 30 километрлӑ дистанцире чемпион пулса тӑнӑ. Комсомольскинчи Зуфар Тимаев 50 километрлӑ дистанцие виҫҫӗмӗш ҫитнӗ. Ҫак спорт тусӗсемех Улатӑр хулинче В.В.Яшина асӑнса иртнӗ ӑмӑртура та палӑрнӑ. Улатӑр округӗн, Мордва Республикин, Киров облаҫӗн тата пирӗн республикӑран пынӑ йӗлтӗрҫӗсем 10 километрлӑ дистанцире тупӑшнӑ. Хӑйсен ӳсӗмӗсенчи спортсменсем хушшинче Николай Ятмановпа Зуф
Подробнее
Фев272024 - РедакцияНет Ответов

Сунарҫӑсем ӑмӑртнӑ

Февралӗн 24-мӗшӗнче Комсомольскинче Тӑван ҫӗршыв хӳтӗлевҫин кунне тата Комсомольски муниципаллӑ округне туса хунӑранпа 85 ҫул ҫитнине халалласа сунарҫӑсен биатлонӗпе ӑмӑрту ирттернӗ. Мероприятие округ пуҫлӑхӗ Николай Раськин та хутшӑннӑ. Вӑл пурне те уявпа саламласа ӑмӑртура ӑнӑҫу суннӑ. Ҫавӑн пекех «Чувашохоторыболовсоюз» обществӑлла организацин председателӗ Валерий Нямуков та тухса калаҫнӑ, пурне те ҫитӗнӳсем тума суннӑ. Палӑртса хӑвармалла: пирӗн округ территорийӗнче ҫакӑн пек мероприяти пӗрремӗш хут йӗркеленӗ. Тупӑшу питӗ интереслӗ иртнӗ, ӑмӑртӑва хутшӑнакансене те, куракансене те ҫӗкленӳллӗ кӑмӑл парнеленӗ. Ҫӗнтерӳҫӗсене грамотӑсемпе тата хаклӑ парнесемпе наградӑланӑ. (ХАМӐР ИНФ.).
Подробнее
Фев272024 - РедакцияНет Ответов

Дартс енӗпе ӑмӑрту иртрӗ

Ҫӗршыв хӳтӗлевҫин кунӗ умӗн РФ Социаллӑ фончӗн пирӗн округри клиент служби ҫумӗнчи «Кӗмӗл ӳсӗм» хутшӑну центрӗнче дартс енӗпе ӑмӑрту пулса иртрӗ. Унта хутшӑнакансем чылайӑн пулчӗҫ. Арҫынсем хушшинче чи нумай очко пуҫтарса Вячеслав Скворцов пӗрремӗш вырӑн ҫӗнсе илчӗ. Иккӗмӗш вырӑна Анатолий Гаврилов, виҫҫӗмӗшне Алексей Самаркин йышӑнчӗҫ. Хӗрарӑмсем хушшинче те ҫивӗч кӗрешӳ пычӗ. Унта чи пултарулли Елена Васильева пулчӗ. Маргарита Можаевӑпа Светлана Ильина иккӗмӗшпе виҫҫӗмӗш вырӑнсене ҫӗнсе илчӗҫ. Ҫӗнтерӳҫӗсем наградӑсене тивӗҫрӗҫ. Ӑмӑртура пуҫтарӑннисене спорт ветеранӗ В.И.Пундяков хавхалантарса пычӗ. Малалла та спорт тупӑшӑвӗсем пулӗҫ. Аслӑ ӳсӗмри ҫынсене унта хастар хутшӑнма чӗнетпӗр. Ирина Самарина.
Подробнее
Фев222024 - РедакцияНет Ответов
Кубокшӑн тӑхӑр команда вылянӑ

Кубокшӑн тӑхӑр команда вылянӑ

Иртнӗ канмалли кунсенче Тукай Мишерти тата Чӗчкенти спорт залӗсенче Чӑваш Республикинчи тутарсен наципе культура пӗрлешӗвӗн суперкубокне ҫӗнсе илессишӗн  тутар ҫамрӑкӗсем хушшинче волейбол ӑмӑртӑвӗ иртнӗ. Мероприятие  уҫнӑ ҫӗре Комсомольски муниципаллӑ округӗн пуҫлӑхӗ Николай Раськин хутшӑннӑ. Вӑл агропромышленноҫ  комплексӗн ветеранне, округӑн Хисеплӗ гражданинне Гариф Апракова юбилей ячӗпе саламланӑ, юбилей медалӗпанӑ. «Чӑваш Республикинчи тутарсен наципе культура пӗрлешӗвӗ» обществӑлла организаци председателӗ Агзям Шакиров Николай Раськина Чӑваш Енри «Пӗрле» аталану фончӗ валли 100 000 тенкӗлӗх сертификат парнеленӗ. Тукай Мишер ялӗнче пурӑнакансем Украинӑри ятарлӑ ҫар операцийӗн зонине час-часах гуманитари пулӑшӑвӗ ӑсатаҫҫӗ. Хальхинче те вӗсем фронтра кирлӗ япаласем
Подробнее
Фев132024 - РедакцияНет Ответов
Пурне те йӗлтӗр йӗрӗ йыхравларӗ

Пурне те йӗлтӗр йӗрӗ йыхравларӗ

Февралӗн 10-мӗшӗнче иртнӗ «Раҫҫей йӗлтӗр йӗрӗ — 2024» чупу  ҫӗршыври пиншер ҫынна йӗлтӗр ҫине тӑратрӗ. Пирӗн муниципаллӑ округра пурӑнакансем те ҫак кун «Спорт — пурнӑҫ норми» девизпа Комсомольскинчи вӑрман  уҫланкине йышлӑн пуҫтарӑнчӗҫ. Ҫанталӑк сивӗ-рех тӑни те хӑратмарӗ вӗсене. Спортсменсем хаваслӑ кӑмӑл-туйӑмпа старта тӑчӗҫ. Округ пуҫлӑхӗ Николай Раськин, округ депутачӗсен Пухӑвӗн председателӗ Светлана Грачева ӑмӑртӑва килнисене саламласа ӑнӑҫу сунчӗҫ. Чи малтан старта чи пӗчӗк участниксем тӑчӗҫ. Шкул ҫулне ҫитмен ачасенчен Игнат Коз- ловпа Артемий Хораськин («Рябинушка» ача сачӗ) пултаруллӑ пулчӗҫ. VIP-чупӑва округ администрацийӗн пай пуҫлӑхӗсем, территори уйрӑмӗсен начальникӗсем, шкул директорӗсем хутшӑнчӗҫ. Ветерансем хӑйсен тӗслӗ- хӗпе хӑш ӳсӗмре пулсан та йӗ
Подробнее
Фев62024 - РедакцияНет Ответов

Раҫҫей йӗлтӗр йӗрӗ йыхӑрать

«Раҫҫей йӗлтӗр йӗрӗ — 2024» ҫитес шӑматкун, февралӗн 10-мӗшӗнче, иртет. Кӑҫалхипе вӑл 42-мӗш хут пулать. Ӑмӑртусене Комсомольски вӑрманӗнчи йӗлтӗр трасси ҫинче йӗркелӗҫ. Йӗлтӗрҫӗсене тата хӑнасене 9 сехетрен пуҫласа 9.45 сехетчен регистрацилӗҫ. Ӑмӑрту 10 сехетре пуҫланать. Сывлӑх енчен чару ҫуккисем, ӳсӗмне кура, тӗрлӗ ушкӑнсенче тупӑшма пултараҫҫӗ. Ача-пӑча сачӗсене ҫӳрекенсем 100 метрлӑ дистанцие тухӗҫ, 1—4 классем — 500 м, 5—7 классем 1 км чупӗҫ. Аслӑраххисем — 1 километртан пуҫласа 3 километр таран. Йӗлтӗр йӗрӗ пурне те кӗтет, ӑмӑртусене хастар хутшӑнар!
Подробнее
Фев62024 - РедакцияНет Ответов

Иккӗмӗш кӑтартупа палӑрнӑ

Патӑрьелӗнчи «Паттӑр» спорт шкулӗнче 14—15 ҫулхи арҫын ачасем тата хӗр ачасем хушшинче армрестлинг енӗпе республика чемпионачӗ иртнӗ. Унта пирӗн округри вӗренӳ учрежденийӗсенчи пултаруллӑ спортсменсен команди те хутшӑннӑ. Хӑйсен виҫисенче лайӑх кӑтартусем туса Айназ Сафиуллин (70 килограмм), Ильнас Шакуров (45 килограмм) пӗрремӗш вырӑн йышӑннӑ.  Анна Казакова (50 килограмм), Динара Азмуханова (70 килограмм), Максим Ильдюхин (55 килограмм), Айзат Минятуллов (65 килограмм), Михаил Шмелев (70 килограмран ытларах) иккӗмӗш вырӑн ҫӗнсе илнӗ. Анастасия Латышева (60 килограмм), Фирдалия Рахимзянова (70 килограмм), Ислам Гайнуллов (50 килограмм) виҫҫӗмӗш пулнӑ. Округ команди вара пӗтӗмӗшле 2-мӗш кӑтартупа палӑрнӑ. Ҫӗнтерӳҫӗсем медальсене, Хисеп грамотисене тивӗҫнӗ.  Ирина Ильина
Подробнее
Фев22024 - РедакцияНет Ответов

Юниорсем ҫӗнтерӳпе савӑнтарчӗҫ

Пирӗн округри ҫамрӑксемпе шкул ачисен хушшинче ирӗклӗ кӗрешӳ секцийӗсене ҫӳрекенсем йышлӑ. Хӑйсен вӑй-халне тӗрӗслес тӗллевпе вӗсем час-часах тӗрлӗ шайри ӑмӑртусене хутшӑнаҫҫӗ. Акӑ, январӗн 31-мӗшӗнче Шупашкар хулинче ҫак енӗпе Чӑваш Республикинчи юниорсен первенстви иртрӗ. Унта «Кӗтне» спорт шкулӗн воспитанникӗсем те хастар хутшӑнчӗҫ. 2007—2008 ҫулсенче ҫуралнисем хушшинче ирӗклӗ майпа кӗрешсе 92 килограмм таранхи виҫере Евгений Давыдов 1-мӗш, 40 килограмлисенчен Надежда Карсунова 2-мӗш, Антон Андреев 71 килограмлӑ виҫере 3-мӗш вырӑнсене йышӑнчӗҫ. Эльвира Демьянова вара 2004—2006 ҫулсенчи кӗрешӳҫӗ-хӗрсен хушшинче (76 кг) ҫӗнтерӳҫӗ пулса тӑчӗ.  «Кӗтне» спорт шкулӗн воспитанникӗсемпе тренерӗсене лайӑх кӑтартусемпе саламлатпӑр, малашне те ҫитӗнӳсем тума сунатпӑр. Валерий ДЕНИС
Подробнее
Янв302024 - РедакцияНет Ответов

Ентеш ячӗпе ӑмӑрту иртрӗ

Иртнӗ шӑматкун, январӗн 27-мӗшӗнче, Комсомольскинчи вӑрман хӗрринче хамӑр ентеше, СССР чемпионкине Вера Черновӑна, халалласа йӗлтӗрҫӗсен ӑмӑртӑвӗ иртрӗ. Спортсменсене — ӑнӑҫлӑ финиш, пуҫтарӑннисене старта тӑнисене хавхалантарса пыма вӑй-хал панӑн ҫанталӑкӗ те уяр та тӳлек тӑчӗ. Ӑмӑртӑва килнисене муниципаллӑ округ пуҫлӑхӗ Николай Раськин, «Кӗтне»  физкультурӑпа спорт комплексӗн директорӗн ӗҫӗсене пурнӑҫлакан Валерий Денисов, спорт ветеранӗ Василий Пундяков саламларӗҫ, ӑнӑҫусем сунчӗҫ. Ҫак кун Николай Раськин та йӗлтӗр сырса старта тӑчӗ. Николай Никандрович, Валерий Денисов тата Ирина Соловьева VIP-чупура лайӑх кӑтартусемпе палӑрчӗҫ. Ӑмӑртӑва 16 шкул вӗренекенӗсем, уйрӑм йӗлтӗрҫӗсем 160 ытла ҫын хутшӑннине палӑртма кӑмӑллӑ. Малтанах арҫын ачасем 2 километрлӑ дистанцие чупс
Подробнее
Янв192024 - РедакцияНет Ответов

Спорт пӗр ҫӗре чӑмӑртать, сывлӑха ҫирӗплетет

Тукай территори уйрӑмӗнче пурӑнакансем хушшинче физкультурӑпа спорта юратакансем йышлӑ. Ҫавӑнпах кунта тӗрлӗ ӑмӑртусем час-часах  йӗркелеҫҫӗ. Тӑманлӑ Выҫлире — Афган вӑрҫинче вилнӗ Виктор Тумакова,  Ҫӗнӗ Мӑратра  Чечен вӑрҫинче пуҫне хунӑ Леонид Борисова манмаҫҫӗ, вӗсене асӑнса ҫулсеренех волейбол  турнирӗсем ирттереҫҫӗ. Ҫуллахи вӑхӑтра вара, Ҫимӗк кунӗнче, Ҫӗнӗ Мӑрат, Анат Тимӗрчкасси, Аслӑ Чурачӑк ялӗсенчи ҫамрӑксем хушшинче туслӑх турнирӗ иртет. Унта футболла выляса мала тухассишӗн ӑмӑртаҫҫӗ, вӑйӑ кашни ҫул тӗрлӗ ҫӗрте, командӑсем хутшӑнакан ялсенче, пулать. Тӑманлӑ Выҫлире волейбол вӑййине уйрӑмах юратаҫҫӗ, ялти ҫамрӑксем, студентсем, арҫынсем, хӗрсемпе хӗрарӑмсем пӗр-пӗринпе час-часах тупӑшаҫҫӗ. Тури Тимӗрчкассисем хоккей вӑййине кӑмӑллаҫҫӗ.
Подробнее
Янв162024 - РедакцияНет Ответов

Спорт – пурнӑҫ йӗрки

Раҫҫей халӑхӗ сывӑ пурнӑҫ йӗркине тытса пытӑр, спортпа тата физкультурӑпа туслаштӑр тесе РФ Президенчӗ Владимир Путин та, правительство та ҫулсеренех пӗлтерӗшлӗ чылай проектпа программа вӑя кӗртме тӑрӑшать. «Спорт — пурнӑҫ йӗрки» девизпа ӗҫлесе спорт площадкисемпе стадионсем хута ярать, мӗн пуррине юсама тӑрӑшать. Акӑ, иртнӗ ҫул пирӗн округра Кӗҫӗн Ҫӗрпӳелӗнчи спортзала юсанӑ, спорт площадкине ӗҫе кӗртнӗ. Комсомольскинче искусствӑлла сарӑмпа витнӗ футбол уйӗпе чупмалли ҫул ӗҫе кӗчӗ. Кӑҫалхи ҫул пуҫланас умӗн Комсомольски 1-мӗш вӑтам шкулӗнче «Самбо в школу» проект ӗҫлеме пуҫланӑ. Округри спорта юратакансем Комсомольскинчи «Кӗтне» физкультурӑпа спорт комплексӗнче тӗрлӗ хӑнӑхусем тума, бассейнра ишме пултараҫҫӗ. Шкул ачисем ҫеҫ мар, ӗҫ коллективӗсенче тӑрӑшакансем  те ГТО 
Подробнее
Янв122024 - РедакцияНет Ответов
Кану кунӗсем хаваслӑ та усӑллӑ иртнӗ

Кану кунӗсем хаваслӑ та усӑллӑ иртнӗ

 х Январӗн 3-мӗшӗнче «Кӗтне» физкультурӑпа спорт комплексӗнче Ф.Б.Мамуткина асӑнса ҫамрӑксем хушшинче волейбол турнирӗ иртнӗ. Фирс Борисович чӑн-чӑн спорт тусӗ пулнӑ. Вӑл уйрӑмах волейбол тата футбол вӑййисене юратнӑ. Район командинче выляса пысӑк ҫитӗнӳсем тунӑ. Чӑваш Республикин пӗрлештернӗ командипе Атӑлҫи тӑрӑхӗнчи вӑйӑсенче палӑрнӑ. Турнира хутшӑнакансене округ пуҫлӑхӗ Н.Н.Раськин, Фирс Борисовичӑн мӑшӑрӗ Г.А.Мамуткина, ывӑлӗ Андрей Фирсович, мӑнукӗ Артем саламланӑ, тупӑшусенче ӑнӑҫу суннӑ. Вӑйӑсем хӗрӳ те интереслӗ иртнӗ. Кашни командах ҫӗнтерессишӗн ӑнтӑлнӑ. Аслӑ Чурачӑк вӑтам шкулӗнчи волейболистсем пӗрремӗш вырӑн ҫӗнсе илнӗ. Икккӗмӗш вырӑнта — Шурут вӑтам шкулӗн команди. Комсомольски 1-мӗш вӑтам шкулӗнче вӗренекенсем виҫҫӗмӗш пулнӑ. Ҫӗнтерӳҫӗсем Хисеп грамотисене, парн
Подробнее
Дек292023 - РедакцияНет Ответов

Проектпа паллаштарнӑ, Паттӑрлӑх урокӗ ирттернӗ

Хаҫатӑн иртнӗ номерӗнче Комсомольски 1-мӗш вӑтам шкулӗн никӗсӗ ҫинче «Самбо в школу» проекта савӑнӑҫлӑ лару-тӑрура уҫни ҫинчен кӗскен пӗлтернӗччӗ ӗнтӗ. Ҫак кун республикӑри 10 муниципаллӑ шкулта харӑсах Пӗтӗм Раҫҫейри «Zа самбо» тата «Самбо в школу»  проектсем старт илнӗ. Савӑнӑҫлӑ мероприятие уҫнӑ ҫӗре Чӑваш Республикин Пуҫлӑхӗ Олег Николаев, ЧР физкультурӑпа спорт министрӗ Василий Петров, ЧР вӗрентӳ министрӗ Дмитрий Захаров, муниципаллӑ округ пуҫлӑхӗ Николай Раськин тата ыттисем те хутшӑннӑ. — Пирӗн пӗтӗмӗшле тӗллев — проекта республикипех сарса ачасене спортпа туслашса хӑйсене ҫирӗплетме пулӑшасси. Ҫак тӗллевпе спорт инфраструктурине малалла та аталантарса пырӑпӑр, — тенӗ Олег Алексеевич хӑйӗн сӑмахӗнче. Малалла вӑл самбо ачасене шкул саккинченех характера ҫирӗплетме, вӑй-ха
Подробнее
Дек262023 - РедакцияНет Ответов

Хӗллехи спорт сезонне уҫнӑ

Декабрӗн 23-мӗшӗнче Комсомольски вӑрманӗнчи йӗлтӗр трасси ҫинче Олимп чемпионне, СССР тава тивӗҫлӗ спорт мастерне Владимир Петрович Воронкова асӑнса йӗлтӗрпе чупассипе йӑлана кӗнӗ ӑмӑрту иртнӗ. Ҫак ӑмӑртусемпе округри спортсменсем хӗллехи спорт сезонне уҫнӑ. Унта хутшӑнакансене, хӑнасемпе «чирлекенсене» Комсомольски муниципаллӑ округ пуҫлӑхӗн ҫумӗн тивӗҫӗсене пурнӑҫлакан Альберт Кузьмин, «Кӗтне» ФСК директорӗн ӗҫӗсене тӑвакан Валерий Денисов, спорт ветеранӗ Василий Пундяков саламласа ҫирӗп сывлӑх, спортра ҫитӗнӳсем  тума суннӑ.  2006—2007 ҫулсенче ҫуралнӑ  хӗрачасен ушкӑнӗнче йӗлтӗрпе чупса Аслӑ Чурачӑк вӑтам шкулӗн вӗренекенӗсем  Полина Порфенова 1-мӗш, Анастасия Ефремова 3-мӗш, Анна Казакова (Ҫӗнӗ Мӑрат) 2-мӗш вырӑнсене йышӑннӑ.  Ҫак ӳсӗмри  арҫын ачасем хушшинче 1-мӗш вырӑн хуҫи
Подробнее
Дек262023 - РедакцияНет Ответов
Самбо пирӗн округра та вӑй илӗ

Самбо пирӗн округра та вӑй илӗ

Самбо спорт енӗ пирӗн ҫӗршывра ҫуралнӑ. Вӑл вырӑсларан куҫарсан хӗҫ-пӑшалсӑр хӳтӗленесси тенине пӗлтерет. Юлашки ҫулсенче Раҫҫейре ҫак спорта аталантарас енӗпе нумай ӗҫ тӑваҫҫӗ. Пирӗн республикӑра та самбо вӑй илсех пырать. Ӑна малалла та ҫул уҫса парас тӗлӗшпе округсенче те «Самбо в школу» проекта ӗҫе кӗртеҫҫӗ. Декабрӗн 25-мӗшӗнче вара Комсомольски 1-мӗш вӑтам шкулӗнче те самбо спорчӗн залне савӑнӑҫлӑ лару-тӑрура уҫнӑ. Ҫак мероприятие Чӑваш Республикин Пуҫлӑхӗ Олег Николаев тата ытти официаллӑ ҫынсем хутшӑннӑ. Тӗплӗнрех хаҫатӑн ҫитес номерӗнче каласа парӑпӑр.
Подробнее
Дек222023 - РедакцияНет Ответов

Вырӑнта та ӑмӑртусем ирттермелле

Раҫҫейри Пенсионерсен союзӗ ҫулсеренех «Спортивное долголетие» ятпа ваттисем хушшинче республика  спартакиади  ирттерет. Унта пирӗн округ команди кашни ҫулах хутшӑнать, япӑх мар кӑтартусемпе палӑрать. Спартакиадӑна арҫынсем 60 урлӑ каҫсан, хӗрарӑмсем 55 ҫултан иртсен хутшӑнма пултараҫҫӗ. Ӑмӑрту спортӑн тӗрлӗ енӗсемпе пулать. Шахмат, сӗтелҫи теннисӗпе пневматикӑлла винтовкӑран перессипе, 50 метра ишессипе, командӑра пӗр арҫынпа пӗр хӗрарӑм пулмалла. Дартс вӑййине пӗтӗм команда (4 арҫын тата 4 хӗрарӑм) хутшӑнать. Комбинированнӑй эстафетӑра та ҫавӑн чухлӗ ҫынах пулмалла. Ҫавӑн пекех арҫынсем 400 метра, хӗрарӑмсем 200 метра чупса ӑмӑртӗҫ. Республикӑри спартакиадӑна кайма лайӑх команда пуҫтарас тесен малтан хамӑр округра та спортӑн ҫав енӗсемпе ӑмӑртусем ирттермелле. Муниципалл
Подробнее
Дек192023 - РедакцияНет Ответов
Патшалӑх влаҫ органӗсен ХXI спартакиадин финалӗ

Патшалӑх влаҫ органӗсен ХXI спартакиадин финалӗ

 Декабрӗн 17-мӗшӗнче «Кӗтне» физкультурӑпа спорт комплексӗнче патшалӑх влаҫ органӗсен, федерацин ӗҫ  тӑвакан влаҫ тата Чӑваш Республикин вырӑнти хӑй тытӑмлӑх органӗсен ӗҫченӗсен XXI Спартакиадин финал тапхӑрӗ иртрӗ.  Килсе ҫитнӗ хӑнасене чи малтанах Комсомольски муниципаллӑ округ пуҫлӑхӗ Николай Раськин, депутатсен Пухӑвӗн председателӗ Светлана Грачева, Чӑваш Республикин Пуҫлӑхӗн Администрацийӗн Ертӳҫин пӗрремӗш ҫумӗ — шалти политика управленийӗн пуҫлӑхӗ Владимир Степанов, физкультурӑпа спорт министрӗн ҫумӗ Александр Фадеев саламларӗҫ, ӑмӑртусене хутшӑнакансене лайӑх кӑмӑл, ӑнӑҫу сунчӗҫ. «Паянхи уяв спорта, физкультурӑна юратакансене, сывлӑхлӑ та патвар пулас текенсене пурне те пӗрлештерет. Спартакиада — ӗҫтешсемпе тӗл пулса вӑй-хал, чӑтӑмлӑх, ӑсталӑх енӗпе ӑмӑртура в
Подробнее
Дек192023 - РедакцияНет Ответов

Шашка турнирӗ иртнӗ

Шашкӑпа шахмат — спортӑн ӑс-тӑнпа ҫыхӑннӑ вӑййисем. Унпа ачасенчен пуҫласа ваттисем таранах туслӑ. Пирӗн округра  та ҫав енсемпе тӑтӑшах ӑмӑртусем ирттерме тӑрӑшаҫҫӗ. Шашка вӑййине юратакансем Комсомольскинче пурӑннӑ Нина Ивановна Степанова ятне аван пӗлеҫҫӗ. Вӑл спортӑн ҫак енӗпе районта хӗрарӑмсем хушшинче час-часах пӗрремӗш вырӑн йышӑннӑ, республика шайӗнчи тупӑшусене хутшӑнса та малти вырӑна тухнӑ. Декабрӗн 16-мӗшӗнче «Кӗтне» физкультурӑпа спорт комплексӗнче Н.И. Степановӑна асӑнса шашка турнирӗ иртнӗ. Унта хутшӑнакансем чылайӑн пулнӑ. Ӑмӑртӑва килнисене муниципаллӑ округ пуҫлӑхӗ Н.Н.Раськин, Нина Ивановнӑн ывӑлӗсем Владимир Николаевичпа Алексей Николаевич, «Кӗтне» ФСК директорӗн ӗҫӗсене тӑвакан В.Х.Денисов, ӑмӑртӑвӑн тӗп судйи Н.А.Максимов саламланӑ, пурне те ӑнӑҫу суннӑ. Н.И
Подробнее
Дек152023 - РедакцияНет Ответов

Автомодель спортӗнче – иккӗмӗшсем

Декабрӗн 8-мӗшӗнче Ҫӗнӗ Шупашкарти 11-мӗш номерлӗ вӑтам шкул никӗсӗ ҫинче  автомодель спорчӗпе республика шайӗнчи «Патриотсем» ӑмӑрту пулнӑ. Тупӑшусем виҫӗ ушкӑнра иртнӗ. Унта пирӗн округри ачасене хушма пӗлӳ паракан центрӑн Асанкассинчи филиалӗн хастарӗсем хутшӑннӑ, ӑмӑртуран 2-мӗш вырӑнпа таврӑннӑ. Маттур каччӑсене кружокра Вячеслав Салаев педагог хут ҫӗленсен, самолетсен, автомобиль моделӗсем тума вӗрентет.  Пӗтӗмлетӳсем тӑрӑх, уйрӑм хутшӑнакансем хушшинче RC DRIFT класӗнче кӗҫӗн ушкӑнра Глеб Терентьев 3-мӗш вырӑн йышӑннӑ. «Кольцевые гонки» класри кӗҫӗн тата аслӑ ушкӑнӗсенче Осип Салаевпа Егор Козлов 3-мӗш вырӑна тухнӑ.  «Автогородок» класӗнче аслӑ ушкӑнра Осип Салаев 2-мӗш вырӑна, Егор Козлов 3-мӗш вырӑна йышӑннӑ. Призерсене тата вӗсен ертӳҫине республика ша
Подробнее
Дек122023 - РедакцияНет Ответов

Баскетболла выляса тупӑшрӗҫ

Иртнӗ эрнере вӗренекенсем хушшинче «Кӗтне» физкультурӑпа спорт комплексӗнче «КЭС-Баскет» шкул баскетбол лигин муниципалитет тапхӑрӗн ӑмӑртӑвӗсем пулса иртрӗҫ. Малтанах арҫын ачасем тупӑшрӗҫ. Кунта пысӑк ӑсталӑх кӑтартса Комсомольски 1-мӗш вӑтам шкулӗнче пӗлӳ илекен спортсменсем 1-мӗш вырӑн йышӑнчӗҫ. Иккӗмӗш вырӑнта — Комсомольски 2-мӗш вӑтам шкулӗнче вӗренекенсем. Аслӑ Чурачӑк вӑтам шкулӗн команди виҫҫӗмӗш пулчӗ. Жюри Комсомольски 1-мӗш вӑтам шкулӗнчи Расим Шарафутдинов чи лайӑх вылякан  пулнине палӑртрӗ. Хӗрсем хушшинче те вӑйӑсем хӗрӳ иртрӗҫ. Пӗрремӗш вырӑна Комсомольски 1-мӗш вӑтам шкулӗнчи хӗрсем алӑран вӗҫертмерӗҫ. Аслӑ Чурачӑк вӑтам шкулӗн команди иккӗмӗш вырӑн йышӑнчӗ. Комсомольски 2-мӗш вӑтам шкулӗнче вӗренекен хӗрсен команди виҫҫӗмӗш вырӑнта пулчӗ. «Чи лайӑх вылякан» я
Подробнее
Дек52023 - РедакцияНет Ответов

Йӑлана кӗнӗ турнир вӑйлисене пуҫтарнӑ

Асанкассинче ку тӑрӑхра ҫуралса ӳснӗ Совет Союзӗн Геройне Ф.Н. Чернова асӑнса ирӗклӗ майпа кӗрешекенсен турнирне ирттересси йӑлана кӗнӗ. Кӑҫал вӑл 34-мӗш хут иртнӗ, тӗрлӗ округсемпе облаҫсенчен килнӗ 178 кӗрешӳҫӗне пуҫтарнӑ. Ӑмӑртӑва килнӗ спортсменсене Комсомольски муниципаллӑ округ пуҫлӑхӗн пӗрремӗш ҫумӗ А.Г.Кузьмин, Асанкасси  территори уйрӑмӗн начальникӗ Н.Н.Карпов, «Кӗтне» ачасемпе ҫамрӑксен спорт шкулӗн директорӗн ӗҫӗсене пурнӑҫлакан В.Х.Денисов, «Асаново» ял хуҫалӑх кооперативӗн председателӗ А.Н.Бахтеров, хӑнасем саламланӑ, тупӑшусенче ӑнӑҫусем суннӑ. Кавир ҫинчи тупӑшусем хӗрӳ те интереслӗ иртнӗ. Кашниех ҫӗнтерӳшӗн ӑнтӑлнӑ. Спортсменсем 24, 28, 32, 36, 48, 51, 55, 60, 65, 71,  80, 92 виҫе категорийӗсемпе кавир ҫине тухса вӑй виҫнӗ. Тӗрлӗ виҫе категорийӗсенче пирӗн округ
Подробнее
Дек52023 - РедакцияНет Ответов

Алӑ вӑйне виҫсе ӑмӑртрӗҫ

«Кӗтне» физкультурӑпа спорт комплексӗнче 2009—2010 ҫулсенче ҫуралнӑ арҫын ачасемпе хӗр ачасем хушшинче армреслинг енӗпе округра мала тухассишӗн ӑмӑртусем пулса иртрӗҫ. Унта 13 шкулти 126 алӑ вӑйне виҫекен хутшӑнчӗ. Ачасене «Кӗтне» ФСК директорӗн ӗҫӗсене тӑвакан В.Х.Денисов саламларӗ, ҫитӗнӳсем сунчӗ. Спортсменсем 8 виҫе категорийӗнче тупӑшрӗҫ. Хӗрсенчен хӑйсен виҫе категорийӗсенче пӗрремӗш вырӑна Анастасия Волкова (Комсомольски 1-мӗш вӑтам шкулӗ), Анна Казакова (Ҫӗнӗ Мӑрат вӑтам шкулӗ), Диляра Сафьянова (Чӗчкен тӗп шкулӗ), Анастасия Латышева (Шурут вӑтам шкулӗ), Айше Тухфетуллина (Комсомольски 1-мӗш вӑтам шкулӗ), Айназ Зейнетдинова (Чӗчкен тӗп шкулӗ), Фирдиля Рахимзянова (Урмаел вӑтам шкулӗ), Динара Азмуханова (Урмаел вӑтам шкулӗ) тивӗҫрӗҫ. Иккӗмӗш вырӑна Инзулия Табаева (Урмаел вӑтам
Подробнее
Ноя282023 - РедакцияНет Ответов

Спорт – пурнӑҫ йӗрки

«Гигант» колхозӑн футбол, волейбол, хоккей командисем районта яланах малти вырӑнсенче пынӑ, республикӑри ӑмӑртусенче те лайӑх кӑтартусем тунӑ. Ку ырӑ йӑла паянхи кун та ҫухалман. Территори уйрӑмӗсенчи кашни ялтах спорт площадкисем пур. Ӗҫ хыҫҫӑн спорта юратакансем унта тӗрлӗ вӑйӑсем выляҫҫӗ. Виҫӗ ялта хоккей площадкисем йӗркеленӗ. Вӗсене патшалӑх пулӑшӑвӗпе тата вырӑнти ҫынсен тӑрӑшулӑхӗпе тунӑ. Территори уйрӑмӗнче Совет Союзӗн Геройне Г.Чернова, Чечен вӑрҫинче пуҫ хунӑ И.Быкова асӑнса  ӑмӑртусем ирттересси йӑлана кӗнӗ. Ҫамрӑксем хӑйсем те такам хушмасӑрах, хӑйсен пуҫарӑвӗпе, хавхаланӑвӗпе уявсенче, канмалли кунсенче тупӑшусем йӗркелеҫҫӗ. Пӗрле пуҫтарса призсем туянаҫҫӗ.  Ҫулталӑк тӑршшӗпе территори уйрӑмӗнче  ӑмӑртусем чылай иртеҫҫӗ. Вӗсене хамӑр тӑрӑхри спортсменсем ҫе
Подробнее
Ноя212023 - РедакцияНет Ответов
Чи вӑйлисем – турнир ҫӗнтерӳҫисем

Чи вӑйлисем – турнир ҫӗнтерӳҫисем

Иртнӗ шӑматкун «Кӗтне» физкультурӑпа спорт комплексӗнче  2013—2016 ҫулсенче ҫуралнӑ арҫын ачасемпе хӗрачасем хушшинче ирӗклӗ майпа кӗрешессипе  Д.Г.Гельметдинов фермер хуҫалӑхӗн парнисене ҫӗнсе илессишӗн  уҫӑ турнир пулнӑ. Турнира уҫма «Кӗтне» ФСК директорӗн ӗҫне тӑвакан Валерий Денисов, турнир спонсорӗ Динар Гельметдинов, Станислав Григорьев тата сумлӑ ытти хӑнасем хутшӑннӑ. Вӗсем пурте ҫамрӑк кӗрешӳҫӗсене ӑмӑртура ӑнӑҫу суннӑ. Ҫавӑн пекех Станислав Григорьев Комсомольски муниципаллӑ округӗнчи чи маттур кӗрешӳҫӗ- сене спорт форми парнеленӗ. Ҫамрӑк спортсменсем хушшинчи тытӑҫусем хӗрӳ те кӑсӑклӑ иртнӗ. Хӗрачасем икӗ виҫе категорийӗнче вӑй виҫнӗ. 24 килограмлисем хушшинче Изабелла Суюкова 1-мӗш вырӑна тухнӑ, Кира Данилова — 2-мӗш вырӑнта. 28 кг виҫе категорийӗнче вара
Подробнее
Ноя142023 - РедакцияНет Ответов

Шахматла выляса палӑрнӑ

Шашка, шахмат — пуҫа ӗҫлеттерекен, шутлама хистекен вӑйӑсем. Пирӗн округра та спортӑн ҫак тӗсӗсене юратакансем йышлӑ. Иртнӗ шӑматкун, ноябрӗн 11-мӗшӗнче, «Кӗтне» физкультурӑпа спорт комплексӗнче 60 ҫултан иртнӗ арҫынсемпе 55 ҫул урлӑ каҫнӑ хӗрарӑмсем шахматла выляса мала тухассишӗн тупӑшнӑ. Ӑмӑртусенче арҫынсем хушшинче В.В.Скворцов ҫӗнтерӳҫӗ пулнӑ, В.И.Пундяков иккӗмӗш вырӑна тухнӑ, виҫҫӗмӗш вырӑна вара А.П.Самаркинпа А.А.Гаврилов пайланӑ. Хӗрарӑмсем хушшинче Т.И.Волкова пӗрремӗш вырӑн йышӑннӑ, Е.П.Васильева вара — иккӗмӗш. Кӗмӗл ӳсӗмри спортсменсене ҫӗнтерӳпе саламлатпӑр, малашне те ӑсталӑхне ӳстерсе пыма сунатпӑр. Любовь ШУРЯШКИНА.
Подробнее
Ноя102023 - РедакцияНет Ответов

Чылайӑшне спортпа туслашма пулӑшнӑ

Ӳсерехпе Владимирӑн хусканупа ҫыхӑннӑ спорт вӑййисем енне туртӑнасси чакмарӗ ҫеҫ мар, малалла вӑй илсе пычӗ. Нӗркеҫри, Ҫӗнӗ Кипеҫри шкулсенче вӗреннӗ чухне те вӑл ушкӑн вӑййисене кӑмӑллатчӗ. Футбол, хоккей, волейбол вӑййисене хаваспах хутшӑнатчӗ. Хӑйӗн тӗслӗхӗпе тантӑшӗсене те тупӑшусене явӑҫтарма тӑрӑшатчӗ. Совет ҫарӗнче службӑра тӑнӑ вӑхӑтра та Володя спортран уйрӑлман. Радиоспорт енӗпе Харьков хулинче сывлӑш-ҫар вӑйӗсенче тӑракан салтаксем хушшинче ҫӗнтерӳҫӗ пулнӑ.  Салтакра пулнӑ вӑхӑтра спортӑн ытти енӗпе те чаҫри ӑмӑртусенче пӗрре мар палӑрнӑ. Ҫартан таврӑнсан Владимир Семенович Вӑрнарти совхоз-техникума вӗренме кӗрет. Кунта та спортпа ҫывӑх пулать. Студентсене те ушкӑн вӑййисене явӑҫтарма тӑрӑшать. Хӑй хӗллехи нумай енлӗ тупӑшура (зимнее многоборье) Атӑлҫи федераллӑ округри ӑ
Подробнее
Ноя102023 - РедакцияНет Ответов
Чи ӑста вылякансем палӑрчӗҫ

Чи ӑста вылякансем палӑрчӗҫ

Округри шкулсенче тӑрӑшакан вӗрентекенсем хушшинче сӗтелҫи теннисӗ енӗпе ӑмӑртусем йӗркелесси йӑлана кӗнӗ. Кӑҫал унта 14 команда хутшӑнчӗ.  Ӑмӑртӑва килнисене  округ пуҫлӑхӗн социаллӑ ыйтусемпе ӗҫлекен ҫумӗ, вӗрентӳ пайӗн начальникӗ Н.А.Комиссарова, учительсен округри  профсоюз комитечӗн председателӗ В.Г.Макарова саламларӗҫ, ӑнӑҫу сунчӗҫ. Тупӑшусенче кашниех ӑсталӑхне кӑтартма тӑрӑшрӗ. Комсомольски 2-мӗш вӑтам шкулӗнчи вӗрентекенсем чи ӑстарах выляни палӑрчӗ, вӗсем пӗрремӗш вырӑн ҫӗнсе илчӗҫ. Урмаел вӑтам шкулӗн коллективӗ иккӗмӗш, Хирти Мӑнтӑр вӑтам шкулӗн команди виҫҫӗмӗш вырӑнсем йышӑнчӗҫ. Ӑмӑртура мала тухнисене Дипломсемпе парнесем парса чысларӗҫ. Николай Максимов.
Подробнее
Окт242023 - РедакцияНет Ответов

Спортсмена асӑнса турнир иртрӗ

Октябрӗн 21-мӗшӗнче «Кӗтне» физкультурӑпа спорт комплексӗнче мини-футбол енӗпе Раҫҫейӗн бронза чемпионне Ринат Рахимзянова асӑнса уҫӑ волейбол турнирӗ иртрӗ.  Ӑмӑртусене уҫса Комсомольски муниципаллӑ округӗн пуҫлӑхӗн ҫумӗ — вӗрентӳ пайӗн начальникӗ Наталия Комиссарова, Чӑваш Республикин Патшалӑх Канашӗн депутачӗ Петр Краснов, муниципаллӑ округӑн депутачӗсен Пухӑвӗн депутачӗ Ремис Мансуров, Урмаел ялӗнчи мечетьсен имамӗсем, ФСК директорӗн ҫумӗ Петр Порядков, Ринатӑн ашшӗ Фидаил Рахимзянов сӑмах каларӗҫ, спортсменсене вӑйӑсенче ӑнӑҫу сунчӗҫ. Турнира пӗтӗмпе арҫынсен 10 команди хутшӑнчӗ. Шупашкарпа Канаш хулисенчен, Патӑрьел, Канаш, Красноармейски, Муркаш, Комсомольски округӗсенчи, Тутарстан Республикинчи Кайпӑҫ, Пӑва районӗсенчи волейболистсем турнирӑн тӗп призӗшӗн харсӑррӑн кӗре
Подробнее
Окт242023 - РедакцияНет Ответов

 Ҫемье фестивалӗ

Иртнӗ шӑматкун  Канаш муниципаллӑ округӗнчи Шӑхасан ялӗнчи «Импульс» спорт шкулӗнче «Ӑрусен вӑййисем» ҫемье фестивалӗ пӗрремӗш хут иртнӗ. Ӑна «Г.Н.Смирнов ячӗллӗ фонд» обществӑлла организаци, «Единая Россия» политика партийӗн регионти уйрӑмӗ пулӑшнипе йӗркеленӗ. Ку мероприятие 14 округра пурӑнакансен пӗрлештернӗ командисем пухӑнса вӑй виҫнӗ. Ӑмӑртусенче ачасен, ашшӗ-амӑшӗн, тӑванӗсен, аслашшӗ-асламӑшӗсен, иккӗмӗш-виҫҫӗмӗш сыпӑксенчи тӑванӗсен хутшӑнма юранӑ. Мероприяти пухӑннисене пурне те сывӑ пурнӑҫ йӗрки, спортӑн ӑрӑва пӗрлештерекен пӗлтерӗшӗ ҫинчен аса илтернӗ.  Ҫак фестивале пирӗн округран Комсомольски ялӗнчи Тихоновсем хутшӑннӑ. Унта вӗсем спортӑн тӗрлӗ тӗсӗнче тупӑшнӑ,  ҫав шутра шашкӑлла, волейболла, дартсла,  сӗтелҫи теннисла вылянӑ. Ишессипе те ӑмӑртнӑ, «Пурнӑҫ йывӑҫҫи»
Подробнее
Окт132023 - РедакцияНет Ответов

Ватӑсем  чушкӑлла вылярӗҫ

Аслӑ ӑрури ҫынсене сывӑ пурнӑҫ йӗркине тытса пыма хавхалантарас, ытларах хусканусем тума май парас тӗллевпе округра час-часах ӑмӑртусем йӗркелеме тӑрӑшаҫҫӗ. Ҫак кунсенче «Кӗтне» физкультурӑпа спорт комплексӗн стадионӗнче тивӗҫлӗ канӑва кайнисем хушшинче чушкӑлла выляс енӗпе ӑмӑрту иртрӗ. Унта аслӑ ӑрури ҫынсем хапӑлласах хутшӑнчӗҫ. Хӗрарӑмсем хушшинче чи нумай очко пуҫтарса Антонина Миронова пӗрремӗш вырӑн ҫӗнсе илчӗ. Елена Васильева иккӗмӗш вырӑн йышӑнчӗ. Елена Карсакова виҫҫӗмӗш пулчӗ. Утмӑл ҫултан иртнӗ арҫынсенчен чи пултарулли Василий Пундяков пулчӗ. Алексей Самаркинпа Вячеслав Лаврушкин иккӗмӗш тата виҫҫӗмӗш вырӑнсене тухрӗҫ. Ҫӗнтерӳҫӗсене РФ Социаллӑ фончӗн округри Клиент службин ертӳҫи Надежда Юманова саламларӗ, Хисеп грамотисем, парнесем пачӗ. Валерий Денисов.
Подробнее
Окт102023 - РедакцияНет Ответов

Ӑмӑрту спорт тата хаҫат  тусӗсене пуҫтарчӗ

Иртнӗ шӑматкун, октябрӗн 7-мӗшӗнче «Кӗтне» физкультурӑпа спорт   комплексӗн стадионӗнче ҫуллахи спорт сезонне хупнӑ ятпа «Каҫал ен» хаҫат призне ҫӗнсе илессишӗн ҫӑмӑл атлетика енӗпе эстафетӑлла ӑмӑрту пулса иртрӗ. Вӑл округра пурӑнакан спорт тусӗсене йышлӑн пуҫтарчӗ. Спортсменсене финишра ӑнӑҫу суннӑн вӑл кун ҫанталӑкӗ те сулхӑнрах пулсан та, уяр тӑчӗ. Ӑмӑртӑва килнисене  муниципаллӑ округ пуҫлӑхӗн социаллӑ ыйтусемпе ӗҫлекен ҫумӗ, вӗрентӳ пайӗн начальникӗ Н.А.Комиссарова, «Каҫал ен» хаҫатӑн тӗп редакторӗн ӗҫне вӑхӑтлӑх тӑвакан Т.В.Мамуткина, спорт ветеранӗ В.И.Пундяков тата ыттисем те саламларӗҫ, тупӑшусенче ӑнӑҫусем сунчӗҫ. Малтанах ҫемье командисем старта тӑчӗҫ. Вӗсем кӑҫалхи ӑмӑртура йышлӑн пулнине палӑртма кӑмӑллӑ. Ашшӗпе амӑшӗнчен тата 8 ҫулчченхи ачаран тӑракан
Подробнее
Окт32023 - РедакцияНет Ответов
Ӑмӑртӑва йыхравлатпӑр!

Ӑмӑртӑва йыхравлатпӑр!

Октябрӗн 7-мӗшӗнче «Кӗтне» физкультурӑпа спорт комплексӗн стадионӗнче «Каҫал ен» хаҫат парнисемшӗн ҫӑмӑл атлетика енӗпе эстафетӑлла ӑмӑртусем  йӗркелеҫҫӗ. Унта кӑмӑл пуррисем пурте хутшӑнма пултараҫҫӗ. Тупӑшусем ушкӑнпа пулаҫҫӗ. Программӑра: 1-мӗш ушкӑн — «Спорт ҫемйисем». Командӑра ашшӗ, амӑшӗ, 8 ҫул тултарнӑ ача. Вӗсен черетпе 400 метра, 300  метра, 100 метра парӑнтармалла пулать. 2-мӗш ушкӑн — пӗтӗмӗшле пӗлӳ паракан тӗп шкулсем. Командӑра 8—9-мӗш классенче вӗренекенсем. 3 арҫын ача, 3 хӗр ача, пурте 400 метра чупаҫҫӗ. 3-мӗш ушкӑн — вӑтам шкулсем. Командӑра 10—11-мӗш классенче вӗренекенсем. 3 арҫын ача, 3 хӗр ача, пурте 400 метра чупаҫҫӗ. 4-мӗш ушкӑн — вӑтам шкулсем. Командӑра 8—9-мӗш класра вӗренекенсем. 3 арҫын ача, 3 хӗр ача, пурте 400 метра чупаҫҫӗ. 5-мӗш
Подробнее
Сен262023 - РедакцияНет Ответов

Спорт  фестивалӗ хӑй тавра пуҫтарчӗ

Округра пурӑнакансем Сергей Ивановичпа Юрий Иванович Зубаревсен ячӗсене манса кайманнине иртнӗ шӑматкун «Кӗтне» физкультурӑпа спорт комплексӗн  стадионне халӑх йышлӑ пуҫтарӑнни туллин ҫирӗплетсе пачӗ. Кунта ҫак кун пӗртӑван Зубаревсене асӑнса спорт фестивалӗ, ҫӑмӑл атлетикӑн  виҫӗ енлӗ (троеборье) ӑмӑртӑвӗ иртрӗ. Стадиона килнисене ӑнӑҫлӑ финиш сунса муниципаллӑ округ пуҫлӑхӗн социаллӑ ыйтусемпе ӗҫлекен ҫумӗ, вӗрентӳ пайӗн начальникӗ Н.А.Комиссарова, спорт ветеранӗ В.И.Пундяков, ветерансен совечӗн председателӗ Ю.С.Тимофеев, Зубаревсен тӑванӗсем, пӗлӗшӗсем саламларӗҫ. Ҫанталӑк та ӑмӑртӑва хутшӑнакансене ыр сунса хӗвеллӗ те ӑшӑ тӑчӗ. Спорт фестивалӗнче сывӑ пурнӑҫ йӗркине тытса пыракансем ҫуран чупассипе, арҫынсем турник ҫинче туртӑнассипе (хӗрарӑмсем выртса кӗлеткене алӑ вӑ
Подробнее
Сен192023 - РедакцияНет Ответов

«Наци кросӗ» спорта юратакансене пуҫтарнӑ

Сентябрӗн 16-мӗшӗнче Раҫҫейре «Наци кросӗ — 2023» ӑмӑрту иртнӗ. Вӑл хӑй тавра спорта юратакан пиншер ҫынна пуҫтарнӑ. Комсомольскинчи «Кӗтне» физкультурӑпа спорт комплексӗн стадионне те ҫак кун спорт тусӗсем йышлӑн пухӑннӑ. Ҫанталӑкӗ те, вӗсене лайӑх кӑмӑл-туйӑм парнелес, ҫитӗнӳсем тума хавхалантарас тенӗн, уяр та хӗвеллӗ тӑнӑ. Ӑмӑртӑва килнисене округ пуҫлӑхӗн социаллӑ ыйтусемпе ӗҫлекен ҫумӗ, вӗрентӳ пайӗн начальникӗ Н.А.Комиссарова, «Кӗтне» ФСК директорӗн ӗҫӗсене тӑвакан В.Х.Денисов, спорт ветеранӗ В.И.Пундяков тата ыттисем те саламланӑ, тупӑшусенче ӑнӑҫу суннӑ. Малтанах стадионта пӗтӗмӗшле зарядка иртнӗ. Старта малтан VIP-чупӑва хутшӑнакансем, территори уйрӑмӗсен начальникӗсем, вӗренӳ учрежденийӗсен директорӗсемпе заведующийӗсем, муниципаллӑ округӑн структура подразделенийӗсен
Подробнее
Сен152023 - РедакцияНет Ответов
«Наци кросне» хутшӑнма чӗнетпӗр

«Наци кросне» хутшӑнма чӗнетпӗр

Сентябрӗн 16-мӗшӗнче округри спорта юратакансем «Кӗтне» физкультурӑпа спорт комплексӗн стадионне пуҫтарӑнӗҫ.  Кунта  ҫак кун «Наци кросӗ — 2023» иртӗ. Унта тӗрлӗ ӳсӗмри ҫынсем старта тӑрӗҫ. Ӑмӑртӑва хутшӑнакансене ҫакӑн пек дистанцисем кӗтӗҫ: ача сачӗсене ҫӳрекенсем (100 метр), vip-чупу (400 метр), организацисемпе предприятисенче ӗҫлекенсем (арҫынсем 1600, хӗрарӑмсем 1200 м), 1—2-мӗш классенче вӗренекенсем (арҫын ачасем 200 м, хӗрачасем 100 м), 3—4-мӗш классенче вӗренекенсем (арҫын ачасем 400 м, хӗрачасем 200 м), 5—7-мӗш классенче вӗренекенсем (арҫын ачасем 800 м, хӗрачасем 400 м), 8—9-мӗш классенче вӗренекенсем (арҫын ачасем 1200 м, хӗрачасем 800 м), 10—11-мӗш классем (арҫын ачасем 1600 м, хӗрачасем 1200 м).  Регистраци ирхине 9—10 сехетсенче пулать. Малти вырӑнсене йышӑннисене наград
Подробнее
Сен152023 - РедакцияНет Ответов

Юлташла тӗл пулса вылянӑ

Сентябрӗн 13-мӗшӗнче «Кӗтне» физкультурӑпа спорт комплексӗн стадионӗнче мини-футбол вӑййипе юлташла тӗлпулусем иртнӗ. Унта Чӑваш Республикин Пуҫлӑхӗн Администрацийӗн, пирӗн муниципаллӑ округӑн территори уйрӑмӗсен начальникӗсен, ял хуҫалӑх предприятийӗсен ертӳҫисен, «Кубня» командисем хутшӑннӑ. Вӑйӑсем хӗрӳ те интереслӗ иртнӗ. Кашниех ҫӗнтерӳшӗн тӑрӑшса вылянӑ.  Футболистсенчен чылайӑшӗ аслӑрах ҫулсенче пулсан та, вӑйӑсенче вӑр-вар та  пултаруллӑ пулма тӑрӑшнӑ. Пуринчен те ӑстарах выляса «Кубня» команда пӗрремӗш вырӑн йышӑннӑ. Иккӗмӗш вырӑна Чӑваш Республикин Пуҫлӑхӗн Администрацийӗн команди йышӑннӑ. Виҫҫӗмӗшӗнче — территори уйрӑмӗсен начальникӗсен  тата ял хуҫалӑх предприятийӗсен ертӳҫисен командисем. Ҫакӑн пек ӑмӑртусем йӗркелени  ҫынсене кирек ӑҫта ӗҫлесен те «Сывӑ пурнӑҫ йӗр
Подробнее
Сен82023 - РедакцияНет Ответов
Спортпа туслӑ ҫемьесем

Спортпа туслӑ ҫемьесем

Канашри педагогика колледжӗ ҫитес ҫул 110 ҫул тултарать. Вӑл Комсомольски тӑрӑхӗнче ҫуралса ӳснӗ ҫӗршер ҫынна педагогика пӗлӗвӗ илме пулӑшнӑ. 1914 ҫулта Шӑхран ялӗнче (малтан Канаш ҫавӑн ятлӑ пулнӑ) учительсен семинарийӗ ӗҫлеме пуҫланӑ. 1919—1921 ҫулсенче 1-мӗш ступеньлӗ шкулсем валли учительсем хатӗрлекен  икӗ ҫуллӑх курссем ятлӑ пулнӑ. 1937 ҫулччен  унӑн педагогика техникумӗн статусӗ пулнӑ. Ун хыҫҫӑн ӑна педагогика училищи ят панӑ. 1997 ҫулта вӑл педагогика колледжӗ пулса тӑнӑ. Шӑпах Канашри педагогика училищине вӗренсе пӗтернӗ ҫӗршер вӗрентекен пирӗн районти шкулсенче нумай ҫул ачасене пӗлӳ парса ырӑ ят ҫӗнсе илнӗ. Чӑваш Республикин тава тивӗҫлӗ учителӗсем Е.А.Пушкарева, Н.Я.Зайцева, З.М.Быкова, А.Н.Титова, Раҫҫей Федерацийӗн пӗтӗмӗшле вӗрентӗвӗн хисеплӗ ӗҫченӗсем Л.М.Антонова, Т.П.Тит
Подробнее
Сен52023 - РедакцияНет Ответов

Округ делегацийӗ те хутшӑннӑ

Иртнӗ шӑматкун Шупашкарти «Олимпийский» стадионта  А.Г. Николаев летчик-космонавта асӑнса «Советская Чувашия» хаҫат парнисене ҫӗнсе илессишӗн ҫӑмӑл атлетика енӗпе  йӑлана кӗнӗ ӑмӑрту 85-мӗш хут иртнӗ. Унта пирӗн округ делегацийӗ те хутшӑннӑ. Вӗсем хӑйсен вӑйӗсене эсафетӑллӑ чупӑвӑн тӗрлӗ дистанцийӗнче тӗрӗслесе пӑхнӑ. Ҫӗнтерӳҫӗсен йышне кӗреймен пулсан та, япӑх мар кӑтартусем тунӑ. Округри спорта юратакансем республикӑри пӗлтерӗшлӗ мероприятисене хутшӑнни савӑнтарать.
Подробнее
Авг222023 - РедакцияНет Ответов
Паттӑра асӑнса – турнир

Паттӑра асӑнса – турнир

Украинӑри ятарлӑ ҫар операцине хутшӑнса пуҫне хунӑ паттӑр ентеше Дмитрий Степанова асӑнса августӑн 20-мӗшӗнче  Асанкасси ялӗнче волейбол турнирӗ иртнӗ. Мероприятие уҫнӑ ҫӗре Димӑн амӑшӗпе ашшӗ, тӑванӗсем, Комсомольски муниципаллӑ округ пуҫлӑхӗн тивӗҫӗсене пурнӑҫлакан Николай Раськин, Комсомольски тата Елчӗк округӗсен ҫар комиссарӗ Сергей Данилов, Асанкасси территори уйрӑмӗн начальникӗ Николай Карпов, «Асаново» ЯХПК председателӗ, округ депутачӗсен Пухӑвӗн депутачӗ Александр Бахтеров, «Кӗтне» ФСК директорӗн ӗҫӗсене тӑвакан Валерий Денисов хутшӑннӑ. Вӗсем Дмитрий Александровича аса илсе сӑмах каланӑ,  спортсменсене ӑмӑртусенче ӑнӑҫу суннӑ. Ятарлӑ ҫар операцийӗн участникӗсем Сергей Козлов, Владимир Белкин та ҫак турнира ҫитсе курнӑ. Ӑмӑртӑва пурӗ 9 команда хутшӑннӑ, пӗр команда Тӑманлӑ Выҫ
Подробнее
Авг152023 - РедакцияНет Ответов

Уяв хаваслӑ кӑмӑл-туйӑм парнеленӗ

Иртнӗ шӑматкун «Кӗтне» физкультурӑпа спорт комплексӗн стадионне сывӑ пурнӑҫ йӗркине тытса пыракансем, спортсменсем йышлӑн пуҫтарӑннӑ. Вӗсене Физкультурник кунӗ ячӗпе муниципаллӑ округ пуҫлӑхӗн ӗҫӗсене пурнӑҫлакан Н.Н.Раськин, депутатсен Пухӑвӗн председателӗ С.Н.Грачева, округӑн вӗрентӳ пайӗн начальникӗн ӗҫӗсене  пурнӑҫлакан Н.А.Комиссарова, «Единая Россия» партин вырӑнти уйрӑмӗн ӗҫ тӑвакан секретарӗ Л.М.Макарова, Комсомольски территори уйрӑмӗн начальникӗ М.А.Илларионова, спорт ветеранӗ В.И.Пундяков, «Кӗтне» ФСК директорӗн ӗҫӗсене пурнӑҫлакан В.Х. Денисов саламланӑ. Вӗсем спорт ҫын пурнӑҫӗнче пӗлтерӗшлӗ вырӑн йышӑннине палӑртнӑ. Округра ҫуралса ӳснӗ ҫынсем спортра пысӑк ҫитӗнӳсем тунине, ӳсекен ӑру вӗсен тӗслӗхӗпе хӑпартланса округри, республикӑри тата ун тулашӗнчи ӑмӑртусенче лайӑ
Подробнее
Авг142023 - РедакцияНет Ответов
Сывӑ пурнӑҫ йӗрки – куллен-кун чи кирли

Сывӑ пурнӑҫ йӗрки – куллен-кун чи кирли

Ҫынсем сывӑ пурнӑҫ йӗркине тытса пыччӑр, спортпа туслашчӑр тесе пирӗн округра чылай тӑрӑшаҫҫӗ. Ку тӗлӗшпе «Кӗтне» физкультурӑпа спорт комплексӗ уйрӑмах пӗлтерӗшлӗ вырӑн йышӑнать. Унта ӗҫлекенсем шкулсенчи физкультура учителӗсемпе пӗрле ялти массӑллӑ спорта аталантарассишӗн ҫине тӑрса вӑй хураҫҫӗ. Округра пирӗн тӑрӑхра анлӑ сарӑлнӑ тата вӑй илсе пыракан спорт тӗсӗсемпе тӑтӑшӑх ӑмӑртусем йӗркелетпӗр. Вӗсем хушшинче йӑлана кӗни те чылай. Йӗлтӗр спорчӗпе иртекен «Лыжня России», «Каҫал ен» хаҫат парнисемшӗн, В.Воронков, В.Чернова ячӗллӗ  тупӑшусем сывӑ пурнӑҫ йӗркипе туслӑ ҫӗршер ҫынна пуҫтараҫҫӗ. Совет Союзӗн Геройне Ф.Чернова, спорт ветеранне П.Матросова, Украинӑри ятарлӑ ҫар операцийӗнче пуҫ хунӑ Г.Павлова асӑнса йӗркелекен турнирсене округра пурӑнакан спорт тусӗсемпе пӗрлех республикӑри
Подробнее
Июл182023 - РедакцияНет Ответов

Велочупу иртет

Июлӗн 22-мӗшӗнче велосипедпа ярӑнма килӗштерекенсен «100 км — Мӗншӗн тесен эпир Пӗрле» чупӑвӗ иртет. Мероприятие Пӗтӗм Раҫҫейри профсоюз организацийӗсемпе структура подразделенийӗсем йӗркелӗҫ. Тӑваттӑмӗш хут иртекен велочупу Комсомольски муниципаллӑ округӗнче старт илӗ. Малтанах «Кӗтне» физкультурӑпа спорт комплексӗн  территорийӗнче  хутшӑнакансен регистрацийӗ пулать.  9 сехетре велосипедсемпе ҫула тухӗҫ. Маршрут 120 ҫухрӑма тӑсӑлмалла. Вӑл Комсомольскинчен Патӑрьелне, унтан Елчӗк тӑрӑхне ҫитмелле. Финиш 18 сехетре Комсомольски муниципаллӑ округӗнче пулӗ. Велочупӑва 18 ҫултан аслӑрах арҫынсемпе хӗрарӑмсем хутшӑнма пултараҫҫӗ. Пурне те асӑнмалӑх медаль парса чыслӗҫ.
Подробнее
Июл72023 - РедакцияНет Ответов

Тӑманлӑ Выҫлисенчен тӗслӗх илер

Тӑван тӑрӑх аталанасси, вӑл лайӑх енне улшӑнасси чи малтанах унта пурӑнакансенчен нумай килет.  Ял ҫынни пӗрле пуҫтарӑнса ӗҫлеме те, ҫав вӑхӑтрах усӑллӑ канма та пӗлет. Пушӑ вӑхӑта ирттермелли вырӑнсем пурри чӑннипех  кашнинех савӑнӑҫ  кӳрет. Тӑманлӑ Выҫлисем, спортпа туслӑскерсем, хӑйсен пуҫарӑвӗпе пурте пӗрле пуҫтарӑнса пляж волейболӗ вылямалли площадка туса лартма шутланӑ. Ҫак ӗҫе пӗчӗк ачасенчен пуҫласа аслӑ ӳсӗмрисем таранах хутшӑннӑ. Ял ҫыннисем  кӗске хушӑрах укҫа пуҫтарса ӗҫе пуҫӑннӑ. Чи малтанах палӑртнӑ вырӑнта ҫӗре якатса тирпейленӗ. Темиҫе машин хӑйӑр турттарса килнӗ, ӑна тӑкса сапаланӑ. Волейболла вылямалли сетка тата ытти хатӗр-хӗтӗр туяннӑ. Вӗсене кирлӗ вырӑнта вырнаҫтарнӑ. Ҫавӑн пекех выляма меллӗрех пултӑр, мечӗк уйран тухса ан кайтӑр тесе йӗри-тавр
Подробнее
Июн302023 - РедакцияНет Ответов
Спортпа туслашма хавхалантарӗҫ

Спортпа туслашма хавхалантарӗҫ

Спорт — сывлӑх ҫӑлкуҫӗ, тетпӗр. Ҫак чӑнлӑха шута илсе РФ правительстви те, Чӑваш республикин Пуҫлӑхӗ те, округ администрацийӗ те халӑх сывӑ пурнӑҫ йӗркине тытса пытӑр, спортпа туслаштӑр тесе тӗрлӗ проектсене ӗҫе кӗртме тӑрӑшать. Июнӗн 29-мӗшӗнче пирӗн округри Кӗҫӗн Ҫӗрпӳел ялӗнче спорт залне, Комсомольскинче «Кӗтне» физкультурӑпа спорт комплексӗ ҫумӗнчи стадиона савӑнӑҫлӑлару-тӑрура уҫрӗҫ. Вӗсенче Республика Пуҫлӑхӗ Олег Николаев пулса округри спорта юратакансене саламларӗ. Вӑл республикӑра пурӑнакансене спорта явӑҫтарма тӑвакан спорт сооруженисем йышланса пынине палӑртрӗ. Ҫакӑчӑваш спортсменӗсене Раҫҫей шайӗнче те пысӑк ҫитӗнӳсем тума май парать. Халӗ, тӗпрен юсанӑхыҫҫӑн уҫӑлнӑспорт площадкисенче, куллен хӑнӑхусем туса Комсомольски тӑрӑхӗнчи спортсменсем те ӑмӑртусенче палӑрасса шанни
Подробнее