Алӑн паллӑ тунӑ
Халӑх пӗрлӗхӗн кунне округра пурӑнакансем анлӑн паллӑ тунӑ. Ҫак ятпа Комсомольскинчи культура ҫуртӗнче иртнӗ савӑнӑҫлӑ концерт умӗн округ пуҫлӑхӗ Николай Раськин кӑҫал Раҫҫейре Халӑхсен пӗрлӗхӗн, Чӑваш Енре Халӑхсен туслӑхӗн, пирӗн округра вара Халӑхсен килӗшӳллӗхӗн ҫулталӑкӗсем пулнӑ май ку уйрӑмах пысӑк пӗлтерӗшлине палӑртнӑ. Пирӗн тӑрӑхра тӗрлӗ халӑх ывӑл-хӗрӗ ӗмӗртенех туслӑн килӗштерсе пурӑнать,ӗҫлет, савӑнать. Концертра та вырӑс, чӑваш, тутар юррисем янранӑ. Тӑван ҫӗршыва юратни, паттӑрсемпе мухтанни, ӗҫченсене ырлани - тӗп тематика пулнӑ.
Уяв умӗн те территори уйрӑмӗсенчи культура ҫурчӗсемпе библиотекӑсенче, шкулсенче Халӑхсен пӗрлӗхне халалласа нумай мерорияти пулнӑ. Унта аслисем те, ачасем те хастар хутшӑннӑ.





































































































































