Округри культура ӗҫченӗсем професси уявне паллӑ тунӑ. Урмаел культура ҫуртне пухӑннисене администраци пуҫлӑхӗн пӗрремӗш ҫумӗн ӗҫӗсене пурнӑҫлаканӗ Альберт Кузьмин саламланӑ. Вӑл культура ӗҫченӗсем пархатарлӑ ӗҫ тунине палӑртса хӑварнӑ.
Пултаруллӑ та маттур ӗҫченсене Хисеп грамотисемпе тата Тав хучӗсемпе чысланӑ.
Шупашкарти Трактор тӑвакансене культура ҫурчӗн халӑх пултарулӑх центрӗн Хисеп грамотине Любовь Павлова (Ҫӗнӗ Мӑратри культура ҫурчӗн заведующийӗ) тивӗҫнӗ. Надежда Козловӑна (Асанкасси ял библиотеки), Галина Симаковӑна (Шурут культура ҫурчӗн заведующийӗ), Миндания Чумаровӑна (Урмаел ял библиотеки) Комсомольски округӗн администрацийӗн Хисеп грамотипе, Илдус Шайдуллина (искусствӑсен шкулӗн преподавателӗ) — Тав хучӗпе чысланӑ.
Наталья Григорьева (ХиртиМӑрат культура ҫурчӗн культорганизаторӗ), Надежда Краснова (Дубовка культура ҫурчӗн культорганизаторӗ), Оксана Лукиянова (Аслӑ Чурачӑк библиотекарӗ) администрацин культура тата архив ӗҫӗсен секторӗн Хисеп грамотисене тивӗҫнӗ.
Шаннӑ ӗҫе тӳрӗ кӑмӑлпа пурнӑҫланӑшӑн, професси ӗҫӗнчи пысӑк ҫитӗнӳсемшӗн, республикӑра профсоюз юхӑмне аталантарнӑшӑн искусствӑсен шкулӗн директорӗн ҫумне Георгий Перьева, тӗп билиотека директорне Инна Ядровӑна культура ӗҫченӗсен Раҫҫейри професси союзӗн Хисеп грамотипе саламланӑ. Вера Горбунова, Любовь Филиппова библиотекарьсем, Юлия Федорова, Анна Можаева культура ҫурчӗн ӗҫченӗсем, Тамара Сапожникова педагог «Чувашрессопроф» профсоюз организацийӗн Хисеп грамотине илме тивӗҫ пулнӑ. Пӗтӗм Раҫҫейри профсоюз организацийӗн Чӑваш енри уйрӑмӗн Хисеп грамотипе Наталья Ковшова педагога, Михаил Кузнецов, Валерий Данилов, Алевтина Трофимова культура ӗҫченӗсене, Ирина Шмелева библиотекаре чысланӑ.
А.Антонова.