«Россия — футбольная страна» конкурсӑн регионти тапхӑрне пӗтӗмлетнӗ. Асӑннӑ конкурса Комсомольски 1-мӗш вӑтам шкулӗн педагогӗсем хутшӑннӑ.
Ҫак кунсенче ырӑ хыпар ҫитнӗ, конкурса тӑратнӑ ӗҫсем – чи лайӑххисен шутне кӗнӗ. «Лучший проект для лиц с ограниченными возможностями» номинацире «Адаптивный футбол в школе» проект 1-мӗш вырӑна тухнӑ. Ӑна вӑтам шкул директорӗ Ирина Соловьева хатӗрленӗ.
«Лучшая футбольная инициатива» номинацире Петр Родионов педагог проекчӗ ҫӗнтернӗ.
Асӑннӑ проектсене Раҫҫей шайӗнче апрелӗн 4-мӗшӗччен хаклаҫҫӗ. Педагогсене ӑнӑҫу сунатпӑр.
Петр РОДИОНОВ.