Предпринимательлӗхе аталантарасси — Чӑваш Ен Пуҫлӑхӗ Олег Николаев пуҫарнӑ республикӑн 2030 ҫулчченхи комплекслӑ программине кӗрет.
Ҫак кунсенче «Ҫулталӑк предпринимателӗ» конкурса хутшӑнма заявкӑсем тӑратас тапхӑр пуҫланнӑ. Ӑна Чӑваш Республикин экономика аталанӑвӗн тата пурлӑх хутшӑнӑвӗсен министерстви, Республика бизнес-инкубаторӗ, вырӑнти хӑй тытӑмлӑх органӗсем ирттереҫҫӗ. «Раҫҫей тӗревӗ» тата «Ӗҫлӗ Раҫҫей» обществӑлла организацисен регионти уйрӑмӗсем пулӑшаҫҫӗ. Конкурс «Тухӑҫлӑ тата конкурентлӑ экономика» наци проекчӗпе килӗшӳллӗн иртет.
Предпринимательсем ҫак номинацисенче тупӑшӗҫ: «Лидер производства», «Торговый лидер года», «Строитель будущего», «Сервисный Олимп», «Гастрономический лидер года», «Больше, чем бизнес», «СВОих не бросаем», «Международный игрок», «Агро инноватор года», «Туристический магнит года», «Самозанятый с характером», «Деловая леди года», «Это у нас семейное», «Гордость Республики».
Пӗчӗк тата вӑтам предпринимательство субъекчӗсем тата хӑй тӗллӗн ӗҫлекенсем 3 номинацирен ытла хутшӑнаймаҫҫӗ. Конкурс икӗ тапхӑрпа иртет. Пӗрремӗшӗ муниципалитетсенче пулать, заявкӑсене апрелӗн 10-мӗшӗччен йышӑнаҫҫӗ.
Оксана КОЗИНА.