
Чӑваш Республикин Пуҫлӑхӗ Олег Николаев пултаруллӑ 1000 ҫамрӑк 2025 ҫулта 2500-шер тенкӗ стипенди илсе тӑрасси ҫинчен йышӑну тунӑ. Вӗренӳре, обществӑлла ӗҫсенче, спортра, культурӑра палӑрнисем хушшинче пирӗн округри яш-кӗрӗм те пур.
Яланхи пекех стипендиатсем хушшинче шкулта вӗренекенсем ытларах. Вӗсем: Комсомольски 2-мӗш вӑтам шкулӗнчи Дарья Арсентьева, Дмитрий Анисимов, Татьяна Григорьева, Кирилл Кузьмин, Комсомольски 1-мӗш вӑтам шкулӗн вӗренекенӗ Ангелина Павлова, Комсомольскинчи искусствӑсен ача-пӑча шкулӗн воспитанникӗсем Валерия Григорьевӑпа Кристина Краснова, «Молодая гвардия Единой России» обществӑлла организацин членӗсем Ярослав Григорьев, Диана Басникова, Дарья Вунберова, ачасемпе ҫамрӑксен «Движение первых» юхӑмӑн участникӗ Дарья Ульдина, Аслӑ Чурачӑк вӑтам шкулӗнчи Диана Гибатдинова, Рилия Мирзетзянова, Урмаел вӑтам шкулӗнчи Эльвира Салахутдинова, Тукай Мишер вӑтам шкулӗнчи Ландыш Шайхалова, Ҫӗнӗ Мӑрат вӑтам шкулӗнчи Иван Филиппов, Александровка вӑтам шкулӗнчи Александр Невский, Комсомольски тӗп больницин участокри врач-педиатрӗ Диляра Арифуллина.
Ҫамрӑксене малашне те ҫитӗнӳсем сунатпӑр.