Понедельник, Июнь 21

Культура ĕçченĕсем – сцена çинче

Культура ĕçченĕсем – сцена çинче

Районта Сăр тата Хусан хÿтĕлев чиккисене тăвакансен çулне халалланă культура мероприятийĕсен смотр-конкурсĕ старт илчĕ. Унта районти ял тăрăхĕсем хутшăнаççĕ.
Конкурс тĕллевĕсем — патриотла туйăмсене вăйлатасси, Чăваш Енре пурăнакан халăхсен йăли-йĕркисене упраса хăварасси, халăх пултарулăхĕн çĕнĕ формисене аталантарасси, юрра-ташша ăста, талантлă çынсене тата коллективсене тупса палăртса вĕсен пултарулăхне аталанма пулăшасси.
Майăн 4-мĕшĕнче Комсомольски ял тăрăхĕн пултарулăх ушкăнĕсем сцена çине тухрĕç. Комсомольски 1-мĕш, 2-мĕш вăтам шкулĕсен кадечĕсемпе вĕренекенĕсем, «Пилеш», «Пучах» ача сачĕсен коллективĕсем, «Островок» ташă ушкăнĕн, фитнес-аэробика федерацийĕн воспитанникĕсем хăйсен пултарулăхĕпе савăнтарчĕç. Залра ларакансем кашни юрă, сăвă, ташăшăн тăвăллăн алă çупса тав турĕç.
Артистсем смотр-конкурсăн тĕп темисене: Аслă Отечественнăй вăрçăра çĕнтернĕренпе 76 çул çитнине тата Сăрпа Хусан хÿтĕлев чиккисене тăвакансен çулталăкне чуна пырса тивмелле уçса пачĕç.
Г.ГИНАТУЛЛИНА.

 

Добавить комментарий

Ваш e-mail не будет опубликован. Обязательные поля помечены *

*

code