Cпорт

Иртнĕ эрнере 2020 çулхи физкультурăпа спорт спартакиадин шучĕпе районта  Чăваш республикинчи пушара хирĕç кĕрешекен службăн подразделенийĕсен ĕçченĕсем хушшинче йĕлтĕрпе чупас енĕпе ăмăрту иртнĕ. Тăвай, Елчĕк, Патăръел, Шăмăршă, Улатăр тата район  командисем старта тăнă. Спортсменсене район администрацийĕн пуçлăхĕ Александр Осипов, «Чăваш республикинчи пушара хирĕç кĕрешекен служба» КУ начальникĕ Герман Михайлов саламланă, тупăшусенче çĕнтерӳ суннă. Эстафетăра кашниех мала тухассишĕн кĕрешнĕ. Финиша чи малтан шăмăршăсем çитнĕ. Патăръел тата Тăвай районĕсен командисем иккĕмĕшпе виççĕмĕш вырăнсене пайланă. Пирĕн ентешсем те япăх мар ăмăртнă. Пушар хуралĕн ĕçченĕсем хĕрӳ вырăнсенче çеç мар йĕлтĕр йĕрĕ çинче те маттур пулнине çирĕплетсе панă. Хыпарсене Ю.ГАВРИЛОВ хатĕрленĕ.  

Февралĕн 26-мĕшĕнче районта «Раççей йĕлтĕр йĕрĕ — 2022» массăллă спорт ăмăртăвĕ иртрĕ. Ирхине çумăрпа хутăш юр çуни те спортсменсен кăмăл-туйăмне пăсаймарĕ, йĕлтĕрпе чупма кăмăллакансем пурте старта тăчĕç. Мероприятие район администрацийĕн пуçлăхĕ Александр Осипов уçрĕ. Вăл пурне те çирĕп сывлăх, йĕлтĕрпе чупса савăнма, дистанцие ăнăçлă парăнтарма сунчĕ. Чăваш Ен спорт министерствин представителĕ, олимп резервĕн шкулĕн директорĕн çумĕ Людмила Веселова сывă пурнăç йĕркине тытса пурăнакансене, йĕлтĕр спортне юратакансене, ăмăртакансене хавхалантарма килнисене тата мероприяти йĕркелÿçисене саламларĕ. «Кĕтне» ФСК директорĕ Евгений Тихонов йĕлтĕр спорчĕн уявĕпе саламласа пурне те çĕкленÿллĕ кăмăл-туйăм, хастарлăх сунчĕ. Спорт ветеранĕ Василий Пундяков мероприятие килнисене саламланă май ашшĕ-а

«Кĕтне» ФСК — районти спорт пурнăçĕн, аталанăвĕн центрĕ. Кунта тăтăшах тĕрлĕ мероприятисем, ăмăртусемпе турнирсем иртеççĕ. Сывлăхлă пурнăç йĕркине тытакансемшĕн те, ÿт-пĕвне çирĕплетес тĕллевлисемшĕн те пĕтĕм услови пур кунта. Йăр та яр ярăнма катока тасатсах тăраççĕ. Унсăр пуçне коньки çук пулсан кунтах вăхăтлăх илме пулать. Пĕлтĕр юсаса çĕнетнĕ бассейн алăкĕсем те шывра ишме кăмăллакансемшĕн яланах уçă. Тивĕçлĕ канурисем спорт комплексĕнче кашни кун пĕрер сехет сывлăхĕсене тÿлевсĕр çирĕплетме пултарни те аван. — Ман пурнăçра спорт яланах пысăк вырăн йышăннă. Ача чухне пушă вăхăтра юлташсемпе çулла мечĕк хăвалаттăмăр, велосипедпа ярăнаттăмăр, шывра ишеттĕмĕр, хĕлле коньки-йĕлтĕр çине тăраттăмăр. Шкулта вĕреннĕ вăхăтра физкультура чи юратнă уроксенчен пĕри пулнă маншăн. Салтак службире те

Çитес шăматкун, февралĕн 26-мĕшĕнче, спортпа туслисене «Раççей йĕлтĕр йĕрĕ — 2022» йăлана кĕнĕ чупу пуçтарать. Районта çак ăмăрту Комсомольскинчи вăрман хĕрринче иртĕ. Старта тухакансен 11.00 сехетрен кая юлмасăр вăрман хĕррине çитмелле. Чупăва 11.00 сехетре уçаççĕ, стартсем 11.30 сехетре пуçланаççĕ. Чупăва ача сачĕсен воспитанникĕсем, шкул ачисем, ял тăрăхĕсен пуçлăхĕсем, предприятисемпе организацисен пуçлăхĕсем хутшăнаççĕ. Спортсменсен QR-код е вакцинаци туни çинчен калакан сертификат пулмалла. Асăннă документсем пулмасан коронавируспа чирлесе ирттерни çинчен е коронавирус çукки çинчен калакан ПЦР-тест е сертификат кирлĕ. 18 çула çитменнисене справкăсем кирлĕ мар. Пурин те хăйсемпе пĕрле хÿтлĕх хатĕрĕсем пулмалла. ЙĔРКЕЛŸ КОМИТЕЧĔ.