Публикации

Шкулта ăс пухнă вăхăта аса илнĕ чухне эпир яланах хамăра вĕрентнĕ учительсене аса илетпĕр. Мĕншĕн тесен учитель вĕренекенсемшĕн — ăслă, хăйне тивĕçлĕ тытма пĕлекен, йывăрлăхра ăнланса пулăшма пултаракан çын. Учитель — хисепе тивĕçлĕ тата пархатарлă професси. Шăпах вăл пулас ученăйсене, дипломатсене, чаплă культура ĕçченĕсене тата ытти тĕрлĕ профессире вăй хуракансене çитĕнтерет. Учитель — яваплă ĕç. Унăн профессионализмĕнчен вĕренекен пуласлăхĕ çеç мар, общество мĕнле аталанасси те килет. Чăн-чăн учитель пĕлÿ панисĕр пуçне ачан пултарулăхне курса ăна юрăхлă çул çине кăларать. Çав вăхăтрах унăн кашни ачапа хутшăнма тĕрĕс меслет тупмалла. Вĕренекенсене хисеплемен педагог вĕсен юратăвне, ăнланулăхне тивĕçеймест. Зоя Петровна Журавлева Юнтапа ялĕнче Елена Андреевнăпа Петр Степанович Анисимовс

Нумаях пулмасть районти чи хисеплĕ çынсенчен пĕри, ЧР тава тивĕçлĕ ял хуçалăх ĕçченĕ, «Труд» ЯХПК председателĕнче нумай çул ĕçленĕ Василий Петрович Николаев сумлă юбилейне уявларĕ. Савăнăçлă уяв тепĕр самантпа та асра юлчĕ: хисеплĕ ĕçчене «Чăваш Республики умĕнчи тава тивĕçлĕ ĕçсемшĕн» орден медалĕпе наградăларĕç. Паян Василий Петрович — пирĕн хаçатăн хăни. — Василий Петрович, чи малтанах Сире юбилей ячĕпе саламлатăп. Пурнăç урапи кăлтăртатса пынă май, акă, çичĕ теçетке çула та хыçа хăвартăр. Çак хушăра Эсир хăвăрăн ырми-канми ĕçĕрпе, хуçалăха ăнăçлăн ертсе пыма пултарнипе ял çыннисем хушшинче çеç мар, районта та, республикăра та хисепе тивĕçрĕр. Хăвăрăн ĕç биографийĕпе кăштах паллаштарăр-ха. — Тавах. Шкул пĕтернĕ хыççăн эпĕ Сĕнтĕрвăрринчи вăрман техникумĕнче вĕрентĕм, унтан пĕр хушă Пер

Нумаях пулмасть район тĕп больницинче ĕçлекен аслă квалификаци категориллĕ акушер-гинеколог Анна Козлова хăйĕн ылтăн юбилейне паллă турĕ. Анна Васильевнăн професси ĕçĕ-хĕлĕ пĕтĕмпех акушерствăпа тата гинекологипе çыхăннă. И.Н. Ульянов ячĕллĕ Чăваш патшалăх университечĕн медицина факультетне пĕтернĕ хыççăн вăл Патăрьел районĕнчи Аслă Арапуçĕнчи участок больницинче акушер-гинекологра ĕçлеме пикеннĕ. 1997 çулта Комсомольскинчи тĕп больницăна куçнă. Пирĕнтен кашниех çак çут тĕнчене килсен чи малтанах акушерăн савăнăçлă сăн-питне, ывăннă куçĕсене курать. Ашшĕ-амăшĕ тахçанах кĕтнĕ пепке çут тĕнчене килсен мĕн тери савăннине сăмахпа калама та çук. Кунта вара шăпах акушер-гинеколог хĕрарăма пысăк пулăшу кÿрет, ача çуратма планланă вăхăтран пуçласа çăмăлланичченех вăл кашни хĕрарăма сăнаса, пулăш

Нумаях пулмасть Комсомольски 2-мĕш вăтам шкулĕнче вĕренекенсем Президент гранчĕсен фончĕ пулăшнипе пурнăçланакан «Эпĕ спорт туризмĕ суйлатăп. Туризм ялти шкулсене» спорт туризмĕн ăмăртăвне хутшăнчĕç. Ăмăртăва Чăваш Республикин Спорт туризмĕн федерацийĕ пуçарнипе ирттерчĕç. Çак проектпа килĕшÿллĕн пирĕн шкула туризм хатĕрĕсем, вĕренсем, палаткăсем, хурансем, çывăрмалли михĕсем тата кароматсем пачĕç. Мероприятие савăнăçлă лару-тăрура уçса шкул директорĕ Е.Н.Савельев ЧР Спорт туризмĕн федерацийĕн Президентне В.А.Атачкина тав турĕ. В.А.Атачкин тата районти депутатсен Пухăвĕн депутачĕ Б.В.Малов ăмăртăва хутшăнакансене лайăх кăтартусем тума сунчĕç. Пурĕ ăмăртура 5—11-мĕш классенче ăс пухакан 86 вĕренекен тупăшрĕ. Пĕтĕмлетÿсене 4 ÿсĕм ушкăнĕнче турĕç. Пĕрремĕш ушкăнра Кирилл Кузьминпа Александр

Октябрĕн 1-мĕш кунне эпир Пĕтĕм тĕнчери ватă çынсен кунне — ăслăлăх, ырă кăмăл тата хисеп уявне — паллă тăватпăр. Ваттисен кунĕ пире аслă ăрури çынсемшĕн пирĕн юрату, тимлĕх сывлăш пек кирлине тепĕр хут аса илтерет. Ытти çулсенче «Каçал ен» редакцире нумай çул ĕçлесе тивĕçлĕ канăва кайнă хисеплĕ ĕçченсене хăнана чĕнекенччĕ. Кăçал коронавирус чирĕ çак ылтăн уява яланхи пек паллă тума чăрмавсем кăларса тăратрĕ. Редакци коллективĕ нумай çул хушши асăннă организацире бухгалтерта ĕçленĕ В.П.Тимофеевăна, секретарь-машинисткăра тăрăшнă В.С.Воробьевăна, В.В.Гавриловпа З.Н.Соловьева журналистсене, Н.К.Скворцов фотокорреспондента, паянхи кунчченех корректор тивĕçĕсене пурнăçлакан Л.Д.Бариновăна çак сумлă уявпа саламлать. Пурнăçри кĕркунне сирĕн пуçăрсене кĕмĕлленĕ пулсан та чунăрсем çамрăк пулччăр,

Сентябрĕн 24-мĕшĕнче Комсомольскинчи Культура çуртĕнче Чăваш наци конгресĕ йĕркеленипе, Чăваш Республикин Культура министерствипе республикăри хĕрарăмсен Канашĕ пулăшнипе регионсем хушшинче «Хĕрарăм, сан умăнта таятăп пуçăма» фестиваль-конкурсăн пĕрремĕш тапхăрĕн иккĕмĕш зонăри тупăшăвĕ иртрĕ. Çак ăмăртăва кăçал Аслă Çĕнтерÿ пулнăранпа 75 çул тата Чăваш автономине туса хунăранпа 100 çул çитнине халалланă. Ял хĕрарăмĕн пултарулăхне тĕрĕслекен ăмăртура Чăваш Республикин кăнтăр енчи районĕсенчи — Канаш, Комсомольски, Улатăр, Елчĕк, Патăрьел — ялсенче пурăнакан, тĕрлĕ ĕçре вăй хуракан чи маттур та пултаруллă хĕрарăмсем хăйсен ăсталăхне кăтартрĕç. Конкурса хутшăнакансен ăмăртăвĕ фойеренех пуçланчĕ. Кунта конкурсанткăсен «кĕреке» сĕтелĕсем аш-какайпа сĕт-çуран хатĕрленĕ юр-варпа, улма-çырлапа,