Публикации

Районти «Сельхозтехника» юсавпа техника предприятийĕ хăй вăхăтĕнче тĕрлĕ вĕренӳ заведенийĕсем пĕтернĕ çамрăксене çул уçса паракан çăлкуç пулнă тесен те тĕрĕсех пулĕ. Алла тракторист е водитель правине илнĕ чылай яш-кĕрĕм кунта пĕрремĕш ĕç утăмĕсем тунă. Аслă Чурачăкри Василий Тарасовăн ĕç биографийĕ те шăпах çак предприятирен пуçланнă. Маларах, паллах, ялти «Заветы Ильича» колхозра та кăштах тăрăшнă-ха вăл, Канашра ДОСААФ уйрăмĕнче водитель правине илнĕ. Унтан çар службинче пулнă. Байкал тăрăхĕнчи çар округĕнче автобатра салтак тивĕçне пурнăçланă. Хăйне пултаруллă та ăста водитель пулнине кăтартса панă, темиçе хутчен те çар чаçĕ автомобиль енĕпе ирттерекен тупăшусенче палăрса  командованинчен тав сăмахĕсене тивĕçнĕ. Яла таврăнсан, 1979 çулта Василий Александрович Комсомольскинчи «Се

Аслă Çĕрпӳел ял тăрăхĕнче çĕршывĕпех чапа тухнă çынсем сахал мар çуралса ӳснĕ. Паллă çынсен çулталăкĕ пулнă май вĕсене халалласа кунта тĕрлĕ мероприятисем йĕркелеме тăрăшаççĕ. Нумаях пулмасть Социализмла Ĕç Геройне Л.Н.Акчурина халалласа шашка-шахмат турнирĕ иртрĕ. Ăмăртăва хутшăнакансене Аслă Çĕрпӳел ял тăрăхĕн пуçлăхĕ А.Орешкин, районти депутатсен Пухăвĕн депутачĕ А.Тихонов саламларĕç. Тупăшăва 5 команда (1 шахматист тата 2 шашист) хутшăнчĕ. Вăйăсем хĕрӳ иртрĕç. Çĕнтерӳçĕ ята Шурут ял тăрăхĕн команди (В.Скворцов, А.Гаврилов, В.Терентьев) çĕнсе илчĕç. Аслă Çĕрпӳел ял тăрăхĕн команди (А.Лукиянов,   А.Орешкин, Н.Тихонов) иккĕмĕш пулчĕ. Хирти Шăхасан ялĕшĕн вылянă А.Школьников, А.Иванов, В.Акчурин виççĕмĕш вырăн йышăнчĕç. Кĕçĕн Çĕрпӳел вăтам шкулĕн команди те (Р.Романов, В.Журавлев

Анат Тимĕрчкасси ялĕнче пурăнакан Татьянăпа Валерий Плешковсем патне пырсан хама юмах тĕнчине лекнĕ пекех туйрăм. Питĕ ĕçчен те пултаруллă çемьепе вулакансене паллаштарам. Кил хуçи Валерий Иванович Анат Тимĕрчкасси ялĕнче 5 ачаллă çемьере çуралса ӳснĕ. Ашшĕпе амăшĕ, Иван Пантелеймоновичпа Мария Авдеевна, ывăлĕ-хĕрне мĕн пĕчĕкренех ĕçе юратма вĕрентнĕ. Валерий Иванович çуллахи каникулсенче колхоза ашшĕне пулăшма çӳренĕ. Ашшĕ конюхра ĕçленĕ, лашасене пăхнă, утă-улăм турттарнă. 6-мĕш класрах утă çулма вĕреннĕ Валерий Плешков пĕр лав симĕс курăка тиесе килнине паянхи кун та астăвать. Вăл тăван ялĕнчи шкулта 8 класс пĕтернĕ хыççăн кӳршĕ ялти Çĕнĕ Мăрат шкулĕнче пĕлӳ илнĕ, унтан Шупашкара токаре вĕренме кайнă, училищĕрен вĕренсе тухсан Трактор заводĕнче ĕçленĕ. Кĕçех салтак атти тăхăнма вăхăт ç

Çак кунсенче Шупашкарта ача-пăчан «Кванториум» технопаркĕнче судомодель енĕпе республикăри ăмăртусем иртнĕ. Унта пирĕн район чысне Асанкасси вăтам шкулĕнче вĕренекенсем хӳтĕленĕ. Е-400-çар карапĕсен копи-моделĕсем класра 7—12 çулхи ачасем хушшинче 6-мĕш класра вĕренекен Егор Козлов иккĕмĕш вырăн йышăннă. 7—15 çулхи вĕренекенсен тупăшăвĕнче 7-мĕш класри Никита Чапрасов ЕК-600 çар карапĕсен хăй тĕллĕн куçакан копи-моделĕсем класра 1-мĕш,       9-мĕш класри Даниил Маргиданов ЕL-600 шыв айĕнче çӳрекен карапсен хăй тĕллĕн куçакан копи-моделĕсем классĕнче виççĕмĕш вырăн çĕнсе илнĕ. Пултаруллă ачасене тата вĕсен вĕрентекенне В.М.Салаева саламлатпăр, малашне те ăнăçусем сунатпăр. В.Салаев.    

Вырăнти хăй тытăмлăх органĕсен ĕçченĕсен кунне халалласа  районти культура çуртĕнче савăнăçлă уяв иртнĕ. Малтанах пуçтарăннисене районти депутатсен Пухăвĕн председателĕ, район пуçлăхĕ Ремис Мансуров саламланă, малашнехи ĕçре ăнăçусем суннă. Вырăнти хăй тытăмлăх ĕçĕнче тăрăшакансем районăн социаллă-экономикăлла  аталанăвĕнче пысăк пĕлтерĕшлĕ вырăн йышăннине, вĕсем халăхпа тачă çыхăнса ĕçленине палăртнă. Салам сăмахĕсемпех район администрацийĕн пуçлăхĕ Александр Осипов та пухăннисем  умне тухнă. Çынсем хăйсен умĕнчи çивĕч ыйтусемпе чи малтанах вырăнти хăй тытăмлăх органĕсене çитнине, унта вăй хуракансем вĕсене татса парас тесе çине тăнине çирĕплетнĕ. Хастар ĕçшĕн Владимр Акчурин, Елена Атласкина, Ольга Васильева, Алевтина Казакова, Валентина Кошкина, Наталия Чернова Чăваш Ре