Автор: Редакция

Аслӑ  Ҫӗрпӳел территори уйрӑмӗ 5 яла пӗрлештерсе тӑрать. Аслӑ тата Кӗҫӗн  Ҫӗрпӳел, Йӑвашкел тата Тутар Йӑвашкел, Хирти Шӑхасан ҫыннисенчен ытларахӑшӗ 1990 ҫулччен районта ҫеҫ мар, республикӑра та кӗрлесе тӑнӑ «Красный Октябрь» колхозра тӑрӑшнӑ. Унтах Кӗҫӗн  Ҫӗрпӳелӗнчи кирпӗч завочӗ те ӗҫленӗ.  Ҫулсем иртрӗҫ, пӗрлешӳллӗ хуҫалӑх саланса кайрӗ, завод та продукци кӑларма пӑрахрӗ.  Ҫакӑ ял халӑхӗн пурнӑҫӗ ҫине те витӗм кӳмесӗр хӑварман. Аслӑ  Ҫӗрпӳел территори уйрӑмӗн начальникӗ А.Т.Орешкин, нумаях пулмасть иртнӗ граждансен пухӑвӗнче отчет тунӑ май тӑрӑхра ӗҫ вырӑнӗсем ҫителӗксӗр пулни яла ҫамрӑксем юлма тӑрӑшманнин сӑлтавӗсенчен пӗри тесе палӑртрӗ. Ку ҫеҫ те мар, паллах. Анчах та ялсем пушанса пыни куҫ умӗнчех. Аслӑ  Ҫӗрпӳел территори уйрӑмӗнче кӑҫалхи январӗн 1-мӗшӗ тӗлне

Вӑрҫӑ хирӗнче маскировка питӗ пысӑк пӗлтерӗшлӗ тата сывлӑш пекех кирлӗ. Унсӑрӑн салтаксем те, ҫар техники те, инженери сооруженийӗсем те ал тупанӗ ҫинчи пекех курӑнаҫҫӗ. Кун пек тетел нумай пурнӑҫа ҫӑлса хӑварма пулӑшать. Фронта маскировка сечӗсем  питӗ кирлине шута илсе, вӗсене тума пирӗнтен кашниех хутшӑнма пултарать. Ҫакна ӑнланса Хирти Сӗнтӗр территори уйрӑмне кӗрекен Нӗркеҫ, Янкасси, Ҫӗнӗ Кипеҫ, Хирти ,нелпе Хирти Сӗнтӗр, Тӗвенеш ялӗсенче пурӑнакансем тетел ҫыхма пуҫӑннӑ та. Харсӑр ҫынсен ӗҫне территори уйрӑмӗн начальникӗ Геннадий Ефремов, Нӗркеҫ вӑтам шкулӗн директорӗ Надежда Петрова, Владимир Воронов, Вера Петрова вӗрентекенсем йӗркелесе, хавхалантарса пыраҫҫӗ. Ҫӗршыв хӳтӗлевҫин уявне, ун хыҫҫӑнхи кану кунӗсене ҫак тӑрӑхри ҫынсем харсӑр ӗҫпе паллӑ тунӑ. Вӗсем Нӗркеҫ вӑтам шкулне

Кӑҫал Ҫӑварни ир килчӗ. Вӑл вӗҫленнӗ кун, февралӗн 26-мӗшӗнче, пӗр-пӗринчен каҫару ыйтмалли кун пулчӗ. Пурнӑҫра темӗнле лару-тӑру та пулать, тепӗр чухне сисмесӗрех сивӗ сӑмах каласси те, кӳрентересси те... Аслӑ Типӗ пуҫланиччен каҫару ыйтса чун-чӗрене тасатни пысӑк пӗлтерӗшлӗ. Ҫӑварни эрнин юлашки кунӗнче ҫанталӑк хитрех пулмарӗ пулин те, Ҫӗнӗ Шӑхран ялӗнче пурӑнакансене ҫакӑ савӑнса уяв ирттерме пӗрре те чӑрмантармарӗ. Чӑваш кӗпи тӑхӑннӑ, тӗрӗллӗ саппун ҫакнӑ, ҫӳҫеллӗ тутӑрсем ҫыхнӑ хӗрарӑмсем ялти клуба пуҫтарӑнчӗҫ. Нумайччен унта Ҫӑварни юррисем янраса тӑчӗҫ.  Пылпа, варенипе  ҫуллӑ икерчӗпе техӗмлӗ вӗри чей ӗҫсе сӑйлантӑмӑр. Ку таран пуҫтарӑннӑ начаррине, чир-чӗре хӑ- валаса ярса, малашне чун-чӗресенче тасалӑх ҫеҫ хуҫалантӑр тесе катемпие ҫунтарса ятӑмӑр. «Мӗнпур япӑххи ҫурхи шывпа

Нумаях пулмасть Ҫӗнӗ Шупашкар хулин 1-мӗш номерлӗ спорт шкулӗнче авиаци моделӗсем енӗпе республика фестивалӗ иртрӗ. Унта  Патӑрьел, Муркаш, Комсомольски округӗсенчи тата Ҫӗнӗ Шупашкар, Ҫӗмӗрле, Шупашкар хулисенчи 7 команда йышӗнче 50 ытла ҫын хутшӑнчӗ. Фестиваль икӗ ӳсӗм категорийӗнчи 5 класс хушшинче пулчӗ. Комсомольски округ чысне пӳлӗмре вӗҫекен модельсемпе Глеб Терентьев (5-мӗш класс), Егор Козлов (7-мӗш класс), Никита Чапрасов (8-мӗш класс),  Даниил Маргидановпа Виталий Чернов  (10-мӗш класс) хӳтӗлерӗҫ. Тупӑшусен пӗтӗмлетӗвӗсемпе вертолетсем ӑсталакан класра Никита Чапрасов «Муха» моделӗпе 2-мӗш вырӑн йышӑнчӗ. Никита Комсомольскинчи ачасене хушма пӗлӳ паракан центрӑн Асанкасси вӑтам шкулӗ ҫумӗнчи филиалӗнче ҫак модельсене ӑсталама хӑнӑхать. Шкул команди ва

Хӗл уйӑхӗсем хыҫа юлаҫҫӗ. Комсомольски округӗнчи спорта юратакансем хамӑр тӑрӑхри тупӑшусенче ҫеҫ мар, республика шайӗнчи ӑмӑртусенче те лайӑх кӑтартусемпе савӑнтараҫҫӗ. Акӑ, иртнӗ эрнере Йӗпреҫ районӗнче В.А.Петрова асӑнса йӗлтӗрҫӗсен республикӑри уҫӑ ӑмӑртӑвӗ иртнӗ. Унта пирӗн округри спортсменсем те пултаруллӑ ӑмӑртнӑ. 2 километрлӑ дистанцире хӑйсен ӳсӗм виҫисенче Зуфар Тимаев пӗрремӗш, Владимир Калашниковпа Николай Ятманов иккӗмӗш, Вячеслав Лаврушкин виҫҫӗмӗш вырӑнсем йышӑннӑ. Маттур ентешсене малашне те ҫитӗнӳсем тума ӑнӑҫусем сунатпӑр. (Хамӑр инф.).

Элпуҫ территори уйрӑмне кӗрекен ялсенчи граждансен пухӑвӗ Хирти Явӑш тӗп шкулӗнче вӗренекенсем сцена ҫинче хӑйсен пултарулӑхне кӑтартнинчен пуҫланчӗ. Кӑҫал республикӑра Телейлӗ ачалӑх ҫулталӑкӗ пулнӑ май, ҫакӑн хӑйӗн пӗлтерӗшӗ те пур. Ялсен малашнехи пурнӑҫӗ, аталанӑвӗ шӑпах паян партӑсем хушшинче ларакансенчен килет-ҫке. Ачасем тӗрӗс-тӗкел ҫитӗнччӗр, яла юлччӑр, пӗлӗвне ӳстернӗ хыҫҫӑн тӑван тӑрӑха таврӑнччӑр тесен, аслисен тӑрӑшмалла. Иртнӗ ҫулхи ӗҫсем пирки отчет тунӑ май Элпуҫ территори уйрӑмӗн начальникӗ Р.Ф.Асеинов социаллӑ-демографиллӗ лару-тӑру ҫинче чарӑнса тӑчӗ. Кӑтартусем, чылай ҫӗрти пекех, савӑнтармаҫҫӗ. Ялсем ватӑлса пыраҫҫӗ, пурӑнакансен йышӗ ҫулсеренех чакать. Темиҫе ҫул каялла ҫеҫ ку тӑрӑхри ялсенче 1300 ытла ҫын пурӑннӑ. Кӑҫалхи ҫул пуҫланнӑ тӗле 5 ялта 1188 ҫын шутлан