Апрелӗн 13—24-мӗшӗсенче Пӗтӗм Раҫҫейри «Сывлӑх диктанчӗ» акцин пӗрремӗш тапхӑрӗ пулать. Вӑл «Сывӑ йӑл кулӑ тата таса алӑсем» темӑпа иртет. Ун вӑхӑтӗнче ҫӑвар гигиени тата алӑсене таса тытмалли ҫинчен аса илтереҫҫӗ.
«Сывлӑх диктанчӗ» диктант-санпросвет.рф сайтра онлайн-форматпа иртет. Унта кашниех хутшӑнса ыйтусем ҫине хуравлама, экспертсем панӑ тӗрӗс хуравсемпе паллашма, акцие хутшӑнни ҫинчен калакан электрон сертификата илме пултарать.