Ҫак кунсенче республикӑра агропромышленноҫ комплексӗнче тӑрӑшакансемшӗн пысӑк пӗлтерӗшлӗ мероприяти иртнӗ. ЧР Ял хуҫалӑх министерствин Коллегийӗ, агропромышленноҫ комплексӗн ыйтӑвӗсемпе ӗҫлекен Правительство комиссийӗ тата Аслӑ экономика совечӗ пӗрле пуҫтарӑнса канашланӑ.
Ку тӗлпулура регионти ял хуҫалӑхне аталантарас ӗҫе пысӑк тӳпе хывакансене чысланӑ. Пирӗн ентешсем — «Искра» колхоз председателӗ Александр Зайцев, «Рассвет» ЯХПК ӗҫченӗ Ирина Краснова, «Слава картофелю» ООО генеральнӑй директорӗ Хасиятулла Идиатуллин сумлӑ наградӑсене тивӗҫнӗ. Вӗсене ҫак ятпа чӗререн саламлатпӑр.