Чӑваш Енре ачасене 1-мӗш класа йышӑнмалли кампани пуҫланать. Кун пирки ЧР вӗренӳ министрӗ Дмитрий Захаров пӗлтернӗ.
Заявленисене мартӑн 28-мӗшӗнчен пуҫласа июнӗн 30-мӗшӗччен йышӑнаҫҫӗ. Ҫак тапхӑрта ашшӗ-амӑшӗн заявлени ҫырмалла. Ӑна онлайн мелӗпе те, шкула кайса та тума пулать.
Ҫитес вӑхӑтра республикӑра ятарлӑ чат-бот ӗҫлесе каймалла. Унта вара ачасене 1-мӗш класа йышӑнассипе тата ҫуллахи канупа ҫыхӑннӑ ыйтусене ҫырса уҫӑмлатма май пулӗ.