Нумаях пулмасть Елчӗк округӗнчи «Улӑп» спорт шкулӗнче «Виват, кадет!» ятпа кадетсен VI балӗ иртнӗ. Унта Патӑрьел, Елчӗк тата Комсомольски округӗсенчи чи лайӑх бал ансамблӗсем пуҫтарӑннӑ.
Комсомольски 2-мӗш вӑтам шкулӗн 5 «к», 8 «к» тата 9 «к» кадет класӗсен бал ансамблӗсем пултарулӑхне пур енлӗн кӑтартса панӑ. 5 «к» тата 9 «к» классен ансамблӗсем ҫӗнтерӳҫӗ пулса тӑнӑ, 8 «к» класри кадетсем призерсен шутне кӗнӗ. Ҫавӑн пекех 8 «к» класри Ксения Яковлевапа Ярослав Ефимов тата 9 «к» класри Татьяна Григорьевапа Матвей Михеев «Чи лайӑх бал мӑшӑрӗ» ята тивӗҫнӗ.
Кадетсене тата вӗсен хореографне Татьяна Ивановӑна черетлӗ ҫӗнтерӳпе чӗререн саламлатпӑр.