Ноябрӗн 15-мӗшӗнче округри ӗҫлекен ҫамрӑксен команди пейнтбол енӗпе республика турнирне хутшӑннӑ. Унта регионӑн тӗрлӗ кӗтесӗсенчен пурӗ 22 команда пуҫтарӑннӑ. Пирӗн ҫамрӑксем хӑйсен пултарулӑхне тивӗҫлӗн кӑтартса 6-мӗш вырӑна тухнӑ.
Вӑйӑсем вӑхӑтӗнче округ команди пӗр-пӗринпе килӗштерсе ӗҫлеме, стратегилле шухӑшлама пӗлнине, тӗллев патне ӑнтӑлма хатӗррине кӑтартса панӑ. Турнир спорт ӑмӑртӑвӗ пулнисӗр пуҫне ытти командӑсемпе паллашма, пӗр-пӗрин опычӗпе пуянланма май панӑ. Конкурс йӗркелӳҫисем пирӗн команда питӗ активлӑ пулнине, малашне те ҫакӑн пек ӑмӑртусенче тӗл пуласса шаннине палӑртнӑ.