Пӗтӗм Раҫҫейри «Сдаем вместе. День сдачи ЕГЭ родителями» акци кӑҫал февралӗн 19-мӗшӗнче иртнӗ. Унта Комсомольски пӗрремӗш тата иккӗмӗш вӑтам шкулӗсем те хутшӑннӑ.
Ку мероприяти кӑҫал шкул пӗтерекен вӗренекенсен ашшӗ-амӑшне тата шкул ачи пулса хӑйсен пӗлӗвне тӗрӗслесе пӑхас текен ҫынсене Пӗрлехи патшалӑх экзаменӗсен йӗркипе тата вӗсем мӗнле иртнипе паллашма май панӑ. Комсомольски 1-мӗш вӑтам шкула экзамен тытма килнисем математика предмечӗпе пӗлӗвне кӑтартнӑ. Унта 11 ҫын хутшӑннӑ, вӗсем Пӗрлехи патшалӑх экзаменӗн яваплӑхне хӑйсем ҫинче туйса курнине палӑртнӑ.