Нумаях пулмасть «Земство учителӗ» федераллӑ программа валли заявкӑсем йышӑнма пуҫланӑ.
Программа тӑрӑх ял-саласене, поселоксене тата 50 пин ҫынран сахалрах пурӑнакан хуласене ӗҫлеме килекен учительсене пӗр хутчен паракан компенсаци тӳлевӗпе тивӗҫтереҫҫӗ.
Конкурса хутшӑнакан вӗрентекен 55 ҫултан аслӑ мар, вӑтам е аслӑ педагогика пӗлӗвӗллӗ пулмалла. «Земство учителӗ» программӑпа ӗҫе кӗрсен ҫак шкулта 5 ҫултан кая мар ӗҫлемелле.
Заявкӑсене апрелӗн 15-мӗшӗччен йышӑнаҫҫӗ. Тӗплӗнрех ЧР Вӗренӳ министерствин сайтӗнче вуласа пӗлме пулать.