Ноябрӗн 13-мӗшӗнче Чӑваш патшалӑх филармонийӗнче «Поставщик кунӗ — уҫӑ диалог» ӗҫлӗ мероприяти иртнӗ. Унта агропромышленноҫ отраслӗн 20 ытла представителӗ хӑйсен продукцине кӑтартса панӑ.
Ҫакӑн пек мероприятисем ҫыхӑнусене анлӑлатма, федераллӑ суту-илӳ сечӗсемпе ӗҫ пуҫарма, регионта пурӑнакансене тата хӑнасене пахалӑхлӑ вырӑнти продукципе паллаштарма пулӑшаҫҫӗ. Хальхинче мероприяти презентаци формӑллӑ ҫеҫ мар, курав пек те иртнӗ. Унта вырӑнти организацисем туса кӑларнӑ сырсем, ҫу, сӗт, кӑлпассисем, шӑрттан, кӗрпесем, ҫӑнӑх, ҫӑкӑр-булка тата кондитер изделийӗсем пулнӑ. Куравра кашниех хӑйне килӗшнӗ продукцие туянма пултарнӑ.
Пирӗн округран мероприятие «Кооператор» тата «Хлебозавод» ОООсем хутшӑннӑ. Предприятисен ертӳҫисене ЧР Экономика министерствин Тав хутне парса чысланӑ.