Çĕршыври 8,7 пин ытла çамрăк ИТ-специалист çар тивĕçне каярах вăхăта куçарма ыйтса çырнă.
7695 çыннăн ыйтăвне тивĕçтернĕ, çав шутра Чăваш Енре — 67-ĕн. Çак списока лекнĕ специалистсен повестка илсен çар комиссариатне паспорт, çар учетĕнче тăнине çирĕплетекен хут, водитель удостоверенине (пур пулсан), ИТ-испециальноçпе аслă пĕлӳ илнине çирĕплетекен диплом илсе каймалла. Çавăн пекех пĕлтĕрхи апрель уйăхĕн 1-мĕшĕнчен пуçласа кăçалхи апрелĕн 1-мĕшĕччен ИТ-организацире (аккредитаци тухнине) ĕçленине ĕнентерекен справка пулмала. Кĕркуннехи призывра çартан хăтарма ыйтса çыракансенчен июль уйăхĕнчен пуçласа йышăнаççĕ.