Юлашки вăхăтра районта пурăнакансем социаллă тÿлевсене илекенсен «Мир» картта çине куçмалла тесе калаçаççĕ. Кун пирки социаллă хÿтлĕх пайĕн начальникĕ Ираида Алексеевна Никитина каласа парать:
— Паянхи кун нумай çыннăн патшалăх тÿлевĕсем шăпах «Мир» картта урлă килеççĕ. Анчах та пурин те мар. Çавна май октябрĕн 1-мĕшĕччен социаллă тÿлевсене – пенси, стипенди, ача укçисене — илекенсен пĕр тăхтаса тăмасăрах «Мир» картта çине куçмалла. Мĕн тума кирлĕ-ха çакă?
Асăрхаттаратпăр, кам та кам карттăна илсе ĕлкĕреймесен октябрь уйăхĕнче куçакан тÿлевсене урăх счет çине куçармаççĕ. Çавăнпа та кĕске вăхăт хушшинче пурин те «Мир» картта хатĕрлесе ĕлкĕрмелле.