- Республикада беренче тапкыр шундый зур масштабта бәйрәм үткәрелә. Федераль Сабантуйга Россиянең төрле төбәкләреннән кунаклар килде: профессиональ артистлар, зур дәрәҗәдәге кунаклар. Артистлар белән беррәттән үзебезнең аутентик җырларыбызны, биюләребезне дә халыкка җиткердек. Чувашиядә яшәүче татарлар Татарстаннан читтә яшәсә дә, гореф-гадәтләрен югалтмыйча, туган телен онытмыйча рәхәтләнеп, дус, тату, туганнарча яши белә.