Комсомольски районĕнчи нумай ачаллă çемье çĕнĕ çуртлă пулчĕ

Комсомольски районĕнчи нумай ачаллă çемье çĕнĕ çуртлă пулчĕ

Комсомольски районĕнчи Çĕнĕ Шăхранри нумай ачаллă Тимкинсен çемйи хăтлă çурт хуçи пулчĕ. Çак саманта вĕсем пилĕк çул кĕтнĕ. Кил уççине вĕсене савăнăçлă лару-тăрура пачĕç. 

 Вероника Павлова, Владимир Синдеев 

Тимкинсен çемйинче ултă ача. Чи асли 20 тултарнă, кĕçĕнни 6-ра. Татьяна Максимовна ачисемпе Каçал тăрăхне çичĕ çул каялла Канаш районĕнчен куçса килнĕ. Амăшĕн капиталĕпе йывăç çурт туянса çак ялта тĕпленнĕ. Паллах, пысăк çемьене унта пурăнма тăвăр пулнă. 

 Кĕске вăхăтра ял вĕçĕнче çĕнĕ  çурт ÿссе ларнă – ăна федераци программипе хăпартнă. Проект хакĕ — 2 миллион та 900 пин тенкĕ. Подрядчик ĕçе тÿрĕ кăмăлпа тунă. Халĕ кунта пурăнмалли майсем хулари пекех: газ тата ăшă шыв пур. Ĕненме те йывăр, тет савăнса кил хуçи.
Халĕ çуртра сĕтел-пукан вырнаçтармалли çеç юлнă. Аслă ывăлĕ Артем çакăн валли укçа ĕçлесе илме Мускава каяс шухăшлă. Хĕрĕ Наташа, Шупашкарти педагогика колледжĕнче музыка учительне вĕренекенскер, фортепиано пирки ĕмĕтленет. 

Çынсен çурт-йĕр ыйтăвне татса парассипе районта кăçал та ĕçлĕç. Нумай ачаллă тата 8 çемье черетре тăрать. 


Источник:http://chgtrk.ru/news/18131

Добавить комментарий

Ваш e-mail не будет опубликован. Обязательные поля помечены *

*

code